Joele 1:13 - Mukanda Wa Zambi 1970

¹³ Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

MUKANDA USANDU WA ZAMBI 1975

¹³ Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 1:13 Iomraidhean Croise

2 Samuel 12:16

Mwanangana yalemba kuli Zambi hanga mwana ahinduke. Yajila kulia, matangwa eswe ufuku yanjila mu zuwo lienyi, yabomba hashi.

1 Yitanga Ya Mianangana 21:27

Muze Ahabe hevwa maliji waze, yatanuna mahina jenyi, yaazula, yazala mwanji, yalitwamina kulia, yabomba ha mwanji, yendangana ni chinyengo kuhiana.

Izaya 22:12

Ha tangwa lize Mwene Zambi Mukwa Ndundo Jeswe anutambikile ni kulila, ni kulishimwoka, ni kutewula kambu jenu, ni kuzala mianji.

Izaya 61:6

Atu maakanunyingika ngwo, nuli mahako ja Mwene Zambi, tuvumbi twa Zambi yetu. Munukawaha ni ubite wa mavungu ni kulisamba ngwenu yili niyetu.

Jeremia 4:8

Kashika zalenu mianji, nulile mbimbi, mumu ufwatulo wa Mwene Zambi kanda uhwa hali Ayuda.

Jeremia 9:10

Yingwamba ngwami: “Mungunenganyana mumu ha milundu, mungulila mumu ha ulilo wa yimuna, mumu yeswe hiyoma; niumwe wakuhi unendangana mo. Ngombe keeshi kuteta mo nawa, tujila ni tushitu a mu yambu haachina mo.”

Ezekiel 21:12

Mwana mutu yeka mbimbi, mukwale uno muulimika ni atu jami ni miata eswe ja Israele. Kumaashiha ni e masalila ja atu jami. Lilambenu ha tulo ni chinyengo!

Ezekiel 27:31

Kaanatewula kambu jo mumu hali yena, kaanazala mianji, kaanalinyenge.

Ezekiel 7:18

Atu maazala mianji, maachikima ni mwongo. Mitwe yo maayitewula tuwewe, eswe meevwa sonyi.

Hosea 9:5

Muze tangwa lia yiwanyino mulikeza ha kulemesa Mwene Zambi, mba ayo kuchi maakalinga kama?

Joele 2:12

Mwene Zambi ngwenyi: “Chibwe chocho, alumukenu ku mbunge nuhiluke kuli yami nujile kulia, nulile ni kunenganyana.

Joele 2:14

Tangwa likwo Mwene Zambi, Zambi yenu, malumuna kama manyonga jenyi, ni kunuwahisa ni mbuto yinji. Mba munuhasa kumulambula mbuto ni vinyu.

Joele 2:17

Mahako waze akulingila Mwene Zambi hakachi ka chilumbilo ni zuwo lia Zambi, chaatamba kulila ni kulemba ngwo: “Mwene Zambi, vwila kama atu je keke. Kanda utayiza mavungu akwo kutulelesa ni kutukekuna nikwamba ngwo: ‘Yolihi Zambi yenu?’ ”

Kwalula 28:14

Ha kulambula kuji a ngombe, zuzenu litro jaali ja vinyu ku chilumbilo, ha kulambula kuji a panga litro yimuwika ni Chipinji, ha kulambula mwana panga mweswe litro yimuwika. Yino ye Shimbi ya milambu ya kwocha ya ha tangwa litangu lia kakweji mweswe wa mwaka.

Kwalula 28:4

Panga mutangu ukamulambula ha chichamene, wa muchaali ha chingoloshi.

Kwalula 28:7

Ukalambula mulambu wa vinyu hamwe ni panga mutangu; ha chilumbilo uzujila ho litro limuwika.

Kwalula 29:6

Wezenu ho milambu yino ku milambu ya kwocha ha tangwa litangu lia kakweji ni milambu ya mbuto, ni milambu ya kwocha ya tangwa ha tangwa hamwe ni ye mbuto yayo ni milambu ya vinyu. Milambu yino ya yakulia yili ni lupembo mubema yoze kakuwahila kuli Mwene Zambi.

1 Korintu 4:1

Chanutamba kutunyongena ngwe tuli tuvumbi twa Kristu, ngwe Zambi hanatwehe chiyulo cha kunyingikisa umwenemwene wa yijimbikilo yenyi.

1 Korintu 9:13

Hanji kunwanyingikine ngwenu, waze akulingila mu zuwo lia Zambi kaakutambula yakulia yo ku zuwo lia Zambi, nyi? Kunwanyingikine ngwenu, waze akulingila ku chilumbilo kaakutambula chawana cho cha yakulia yize akusa ha chilumbilo, nyi?

2 Korintu 11:23

Kaali tuvumbi twa Kristu? Ngunahanjika ngwe chizaluke. Yami nguli kuhiana ayo! Nahondanganyine kuhiana ayo, nabwile mu zuwo lia lamba yisuho yinji, nalambiwile kanji kuhiana, nabwile mu utoji wa kufwa kuhiana.

2 Korintu 3:6

Iye watuhele tachi ja kulinga milimo ya mu Usendo Waha. Usendo uze Waha hi wa ku Shimbi jize hijinasonewa ko, alioze wa Mwiku wa Linanga. Mumu Shimbi jize hijinasonewa kujakushiha, alioze Mwiku wa Linanga wakuhana mwono.

2 Korintu 6:4

Alioze ha yuma yeswe yize twakulinga, twakusoloka ngwetu, tuli tuvumbi twa Zambi. Twakulihumikiza ni uhomboloji mu lamba, ni mu luyinda, ni mu yinyengo.

Usolwelo 11:3

Mungukatuma yela jami aali, kaanazala tuku. Maakahanjika munanyi ha matangwa waze kanunu ni kulakaji jaali ni makumi asambano.”