Jeremia 9:3 - Mukanda Wa Zambi 1970

³ Kaakuzanga kuhanjika mahuza matangwa eswe, kaakuyula chifuchi ni uhenge, hi ni umwenemwene ko. Mwene Zambi kanambe ngwenyi: “Atu jami kaakuwezela yibi ha yikwo, keeshi kutayiza ngwo, nguli Mwene Zambi yo.”

MUKANDA USANDU WA ZAMBI 1975

³ Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Jeremia 9:3 Iomraidhean Croise

Ubutukilo 39:16

Mwe pwo yasweka kazaku ka Josefe ndoo lunga lienyi yahiluka.

Yishima 12:5

Akwa kutuwika mu mbunge kakulinga yibema, alioze yingulungulu kaakuzanga lume kukwonga.

Izaya 1:3

Ngombe kaakunyingika kako, ni yimbulu kaakunyingika ulilo wa maha kako, alioze atu jami Aisraele keeshi kunyingika nichimwe.”

Izaya 3:5

Atu maakalibinjisa ene ni ene. Akweze keechi kalemesa makulwana jo.

Izaya 6:5

Yingwamba ngwami: “Lamba liami! Ngunafu! Mumu maliji jami eswe kaali abi, nakutwama mukachi ka atu waze akuhanjika maliji abi wika. Hindu hinamona ni meso jami mwe Mwanangana, Mwene Zambi Mukwa Ndundo Jeswe.”

Izaya 9:18

Ungulungulu wa atu hiwoka ngwe kahia kaze kanocho mingonga ni mikalale. Unaweme ngwe usaki uze unafwindangana ni mwishi.

Jeremia 12:6

Chibwe ayayenu, akwa jiko lia yena mwene, haanakukunjika, haanalishingi kulimika ni yena. Kanda waafuliela, chibwe maahanjika ni yena maliji a kubebieka.”

Jeremia 22:16

Yabatwila yiswale ni ululi, kuli iye yuma yeswe yiiwaha. Ndako yino yinalumbununa ngwo, te kanyingika Mwene Zambi.

Jeremia 31:34

Niumwe kechi kalongesa mwenyembo wa mu chifuchi chenyi kunyingika Mwene Zambi, mumu eswe kumaakangunyingika, chize kuli twanuke ndoo kuli makulwana. Mungukakonekena milonga yo, chichi kewuluka nawa uhenge wo. Yami Mwene Zambi nachilinga.”

Jeremia 4:22

Mwene Zambi kanambe ngwenyi: “Atu jami kaali yihepuke; kaangunyingikine. Kaali ngwe yihepuke ja ana; keeshi malinjekela. Kaali ni mana akulinga ungulungulu, alioze kaali akwa ngwaza ha kulinga yibema.”

Jeremia 5:4

Mba yingunyonga ngwami: “Wano kaali lume yiswale, keeshi mana. Kaali kwo yihepuke, kaanyingikine jila ya Zambi yo, ni Shimbi jenyi.

Jeremia 5:5

Munguya kuli akwa kuyula, ni kuhanjeka no. Kota kaananyingika jila ya Zambi yo, ni Shimbi jenyi.” Alioze ayo eswe haanalitunu chiyulo cha Mwene Zambi, kaasolo kumwononokena.

Jeremia 6:28

Eswe kaali yihulia ni akwa pami, akalu ngwe unengu ni utale. Eswe kaanali mbongo ja mbenga, kaanendangana ni kumwanga sango jibi.

Jeremia 7:26

Chibwe chocho, niumwe hanabanjika hanji hanakanyama, alioze hinunabu yihulia ni akwa pami kuhiana tushakulu twenu.

Jeremia 9:5

Ayo eswe kaakwonga masepa jo, kukushi niumwe yoze wakuhanjika umwenemwene; haanejilila kuhanjika mahuza, keeshi kulitwamina kuvulumuna. Kaakuwezela kubinjisa ha kubinjisa, ni kwonga ha kwonga. Mwene Zambi kanambe ngwenyi atu jenyi haanalitunu ye.

Jeremia 9:8

Makanwa jo kaali ngwe mivwi ya kushiha nayo; kaakuhanjika mahuza matangwa eswe. Mutu mweswe kakuhanjika ni maliji abema kuli mwenyembo wenyi, alioze ku mbunge kakumutela muheto.

Ezekiel 8:13

Mwene Zambi yangwamba ngwenyi: “Muumona yuma yikwo yize analingi ya kuzelwokesa yahiana yino.”

Daniel 11:27

Hohene mianangana waze aali maakatwama ku meza yimuwika nikulia, alioze maakalionga ene. Keechi kafumbula mu yize te maakazanga kulinga, mumu tangwa liayo kanda lichiheta.

Alevi 19:11

“Kanda wiya. Kanda wonga. Kanda uhanjika mahuza.

Marku 8:38

Mumu yoze manguvwila sonyi, yami ni longeso liami hakachi ka atu ja mwakono, yihulia kanda yivulumunyi, yami Mwana Mutu nawa mungukamuvwila sonyi muze mungukeza mu uhenya wa Tata hamwe ni tunganda a mwilu.”

Yoano 17:3

Uno we mwono wa miaka yeswe, kunyingika yena mwe Zambi wamwenemwene ni Yesu Kristu yoze watumine.

Yilinga 24:9

Ayuda nawa yaatayiza kusuma chino, ngwo: “Momwene.”

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

A-ROMA 1:28

Kaakulituna chinyingi cha umwenemwene hakutwala kuli Zambi. Kashika Zambi wakwakunjika ku manyonga a kulumbuka ha kulinga yuma yize kuyalitele.

A-ROMA 3:13

Miliwu yo yili ngwe fuka liawashi, malimi jo haanazala ni kwonga, maliji a ku mivumbo yo kaali ngwe ulembe wa chihili.

1 Korintu 15:34

Bwenu ni manyonga abema ngwe chatamba. Ehukenu kuvulumuna. Amwe hakachi kenu kunwanyingikine Zambi. Ngunambe chino ha kunukolesa sonyi.

Filipu 1:28

Kanda nuvwila akwa kole jenu woma. Kuli ayo muchibwa chinyingi chakutwala kukwonona cho ni kukumba chenu—mumu Zambi makanukwasa mu kukumba.

2 Timoteu 3:13

Alioze yivulumunyi ni akwa mahuza, maakabihia kuhiana, mumu maakonga atu akwo, ni atu akwo no maakonga.

Yuda 1:3

Akwetu, nasele tachi kuhiana kunusonekena hakutwala ku ulamwino uze atulamwinyine yetu eswe. Alioze haliabwila ngunamono ngwe chinalite kunusonekena ha kunutakamisa mu kulitachika chikolo ha ufulielo uze Zambi atuhele yetu akwa Kristu chisuho chimuwika ha miaka yeswe.

Usolwelo 12:11

Akwetu yaamukumba, mumu ha manyinga ja Mwana Panga, ni mumu ha liji lia shindakenyo yo. Yaatayiza kukunjika mwono wo ku kufwa.

Akwa Kuyula 14:17

Ha matangwa eswe shimbiali yashikwangila kulila. Alioze ha tangwa lia muchishimbiali yamulumbunwina cho, mumu wamuketekele kuhiana. Mba mwe pwo yachilumbunwina malunga ja Afilistia

Akwa Kuyula 2:10

Chisemuko chize cheswe yaafwa. Alioze chize chasulile ho yaavulama kwo Mwene Zambi ni yeswe yize alingilile Aisraele.

1 Samuel 2:12

Ana ja Eli a malunga yaabwa atu amokomoko, te keeshi kulemesa Mwene Zambi,