Jeremia 9:2 - Mukanda Wa Zambi 1970

² Nyi nabwile ni kamwe kazuwo mu puya, kachi te munguhichika atu jami, nguye kwekuze. Mumu eswe kaali yihulia, kaali mbunga ya mafwefwe.

MUKANDA USANDU WA ZAMBI 1975

² Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Jeremia 9:2 Iomraidhean Croise

Izaya 59:3

Nuli akwa mahuza, nwakukolema Shimbi, ni kumwanga manyinga.

Jeremia 12:1

Mwene Zambi, nyi munguhamika ni yena, kachi yena muungukununa. Chibwe chocho ngunakuhula yihula hakutwala ku ululi. Mumu yika yingulungulu akuwaha? Mumu yika akwa uhenge akuyuka?

Jeremia 12:6

Chibwe ayayenu, akwa jiko lia yena mwene, haanakukunjika, haanalishingi kulimika ni yena. Kanda waafuliela, chibwe maahanjika ni yena maliji a kubebieka.”

Jeremia 13:22

Nyi muulihula ngwe: “Mumu yika yino yeswe yanguwana, mumu yika mahina jami haatanwoka ni haangulimbula ni tachi?” Mungwamba ngwami, mumu milonga ye yoka naye.

Jeremia 23:10

Che chifuchi hichazala ni atu waze haalituna Mwene Zambi; Kaali yitanganyanyi, mu chiyulo cho kaakulinga lume yibi. Mumu ha Shingo lia Mwene Zambi, chifuchi chinabinji, ulishilo hiwoma chau;

Jeremia 4:22

Mwene Zambi kanambe ngwenyi: “Atu jami kaali yihepuke; kaangunyingikine. Kaali ngwe yihepuke ja ana; keeshi malinjekela. Kaali ni mana akulinga ungulungulu, alioze kaali akwa ngwaza ha kulinga yibema.”

Jeremia 5:1

Yenu akwa Yerusaleme, achizombokenu mu majila jenu! Achitalenu sali ni sali! Limwenenu yenwene! Talenu mu yitanda! Munuhasa kumona umwe mutu yoze unalingi chize chinalite, yoze uneseka kubwa mukwa umwenemwene, nyi? Nyi munuhasa kumumona, mba Mwene Zambi makonekena Yerusaleme.

Jeremia 5:11

Aisraele ni Ayuda haangukwachila mafwefwe, haangulituna liakulu Yami Mwene Zambi nachamba.”

Jeremia 5:2

Chibwe nwakulishinga ni jina lia Mwene Zambi, hindu nunalishingi ni mahuza.

Hosea 4:2

Mumu kaakulakenya alioze keeshi kulinga; kaakuhanjika mahuza, kaakushiha, kaakwiya, kaakulinga utanji, kaakulikokela yitela ni kumwanga manyinga.

Hosea 5:7

Haanavulumuna Mwene Zambi, haanaseme ana a utanji. Kashika akwa kole jo maakoonona ha kakweji umuwika, hamwe ni minda yo.

Hosea 6:7

“Muze anjilile mu chifuchi chize naalakenyene, yaashiha Usendo uze nakolesele no ngwe chize alingile Samutu.

Hosea 7:4

Eswe kaali yihulia. Usolo wo ubi uli ngwe jiko lia kahia lize akwochela mbolo, lize mwe mukwa kwocha mbolo kahashile kulisosela nawa ndoo ni muze mwaha hiwafutunuka.

Mika 6:12

Pichi jenu kaakufumbwila hali yiswale, yenu eswe nuli akwa mahuza.

Zefania 3:4

Akwa munanyi kaali atu alelu kanda akwa mafwefwe. Mahako kaakuchisa yuma ya chijila, kaakubinjisa Shimbi ja Zambi ha kufumbula cho ene.

Malaki 2:11

Ayuda haakolema chilakenyo cho kuli Zambi, haalinga chuma cha kuzelwokesa mu Yerusaleme ni mu chifuchi cheswe. Haajilula zuwo lize Mwene Zambi akuzanga. Malunga haambata mapwo waze akuwayila mazambi a yilambala.

Malaki 2:14

Nwakuhula ngwenu: “Mumu yika Zambi keshi kuyitayiza nawa?” Ngwami, mumu Mwene Zambi kananyingika ngwenyi, hiwakolema chilakenyo kuli pwo lia ukweze we. Te kali sepa lie, alioze yena yiukolema chilakenyo che chize walakenyene ku meso ja Zambi ngwe, muubwa mukwa kushishika.

Tiangu (Jake) 4:4

Yenu yihulia, kunwanyingikine ngwenu, nyi nwakulikata ni akwa hashi, hinwabwa akwa kole kuli Zambi, nyi? Yoze mazanga kulikata ni akwa hashi, kanalipwisa mukwa kole kuli Zambi.

Akwa Kuyula 2:10

Chisemuko chize cheswe yaafwa. Alioze chize chasulile ho yaavulama kwo Mwene Zambi ni yeswe yize alingilile Aisraele.