Jeremia 9:1 - Mukanda Wa Zambi 1970

¹ Nyi kachi mutwe wami wabwile shima lia meya, meso jami kachi abwile tusulo twa masoji, mba kachi ngubwe ni kuyeka mwalwa ni ufuku mumu hali atu jami waze haanashihi.

MUKANDA USANDU WA ZAMBI 1975

¹ Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:1 Iomraidhean Croise

Miaso (Masamu) 119:136

Masoji kaakusulumioka mu meso ngwe meya, mumu atu keeshi kufunga Shimbi je.

Miaso (Masamu) 42:3

Ufuku ni mwalwa nakuteta, masoji hanabu che kulia chami, akwa kole jami matangwa eswe kaakunguhula ngwo: “Yolihiyo mba mwe Zambi ye?”

Miaso (Masamu) 55:7

Kachi nguye kwami ni kutwama mu puya,

Izaya 16:9

Haliabwila ngunalilila vinyu ya Sibma ngwe chize ngunalilila Jazere. Ngunalilila Heshbone ni Eleale mumu kukushi mihuko ya kuwahilisa atu.

Izaya 22:4

Haliabwila ngwechenu ngulile ukawami atu jami eswe waze haashiha. Kanda nweseka kungulembejeka.

Jeremia 13:17

Nyi kunwabanjikile, mungulilila ku tenga mumu ha kulengumuka chenu; mungulila kuhiana, masoji jami maalundumuka mumu atu jami kaanatwama mu undungo.

Jeremia 14:17

Mwene Zambi yangwamba nawa ngwenyi: “Jeremia lweza atu ngwe: ‘Nakulila ufuku ni mwalwa, chahashile kuhola, mumu atu jami haalemana chilonda chinene, haalemeka kuhiana.

Jeremia 3:10

Mwabwamuze Yuda chihulia, mwanakwo ya Israele, himalihambahamba ha kuhiluka kuli yami, alioze kabwile ko lume mukwa kushishika. Yami Mwene Zambi nachamba.”

Jeremia 4:19

Mama lambee! Mama lambee! Mama mbunge yami! Mbunge yami yinabinji! Chahashile kulihumikiza, ngunevu yitavwi ni milolo ya jita.

Jeremia 5:7

Mwene Zambi kanahula ngwenyi: “Mumu yika Changutamba kukonekena atu jami milonga yo? Haanangwehuka, haanalishingi ni waze hi mazambi ko. Nalishile atu jami ndoo ni chize haakuta, alioze yaalingalinga utanji, nikuhwisa matangwa jo ni yitanji.

Jeremia 6:26

Mwene Zambi yambila atu jenyi ngwenyi: “Zalenu mianji, lilangumunenu mu uto. Lilenu mbimbi ngwe yoze unalili mwanenyi wa wika, mumu yoze uneza ni kunwonona kumeza susumuku.

Jeremia 8:18

Chinyengo chami kuchahashile kuhwa; ngunanenganyana kuhiana.

Jeremia 9:18

Atu yaamba ngwo: “Alwezenu alipupwise atwimbile kama miaso ya kulinyenga nayo, ndoo meso jetu maalundumioka masoji, ni yindayizo yetu yiule ni kuyeka.”

Lungungu 2:11

Hijanguhwa ni che kulila; chinyengo chinji ngunevu. Hinalekumuka ni chikulikuli ha kunonga cha atu jami. Ana a kemba ni tuchila kaanalezumwoka mu majila ja limbo.

Ezekiel 22:12

Amwe mukachi kenu kaakutambula mbongo akashihe atu. Akwo kaakutambula mbwezo kuli enyembo jo Aisraele nikulibichisa ni uhenge. Haanguvulama yami.” Mwene Zambi wachamba.

Hosea 7:4

Eswe kaali yihulia. Usolo wo ubi uli ngwe jiko lia kahia lize akwochela mbolo, lize mwe mukwa kwocha mbolo kahashile kulisosela nawa ndoo ni muze mwaha hiwafutunuka.