Jeremia 8:4 - Mukanda Wa Zambi 1970

⁴ Mwene Zambi yangwamba ngulweze atu jenyi ngwenyi: “Muze umwe malimbuka, kechi kuhinduka nawa, nyi? Nyi ngwe umwe hapianguka mu jila, keshi kuhiluka nawa, nyi?

MUKANDA USANDU WA ZAMBI 1975

⁴ Muwamba kuli ayo ngwe, Yehova kanambe ngwenyi, Muze malunga akulimbuka, te keshi kuhinduka nawa? Nyi umwe mapianguka, keshi kuhiluka?

Jeremia 8:4 Iomraidhean Croise

1 Yitanga Ya Mianangana 8:38

ubanjika kama ku kulemba cho. Nyi amwe wa kuli atu je Aisraele, meevwa chinyengo ni kutalikisa ku zuwo lino ni kwolola moko jo kwilu ni kulemba,

Yishima 24:16

Chibwe mukwa ululi malimbuka yisuho shimbiali, hindu majikiza nawa; alioze lamba liakushiha chingulungulu.

Izaya 44:22

Utanguko we hingunautangumuna ngwe lelwa. Milonga ye hingunayitandulula ngwe mbundu. Hiluka kuli yami mumu yami nakukulile.”

Izaya 55:7

Yingulungulu ehuke ndako jo jibi, alumune mbunge jo. Atewulukile kuli Mwene Zambi, Zambi yetu; mumu kali mukwa keke, kakukonekena nikawashi.

Jeremia 23:14

Alioze hingunamono akwa munanyi a mu Yerusaleme kuvulumuna kuhiana: kaakulinga utanji ni kuhanjika mahuza; kaakushinjika atu alinge yibi, kashika niumwe keshi kwecha kulinga yibi. Ku meso jami ayo eswe kaali abi ngwe akwa Sodome ni Gomora.

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:22

Hilukenu, yenu eswe waze nwehukile Mwene Zambi, kumanuwuka, manupwisa akwa ululi. Nwakwamba ngwenu: “Ewa, tuneza kuli Mwene Zambi, mumu kali Zambi yetu.

Jeremia 36:3

Tangwa likwo muze Ayuda meevwa yeswe yize hingunanyongo kulinga hali ayo, maalumuna ndako jo jibi. Mba mungwakonekena ungulungulu wo ni milonga yo.”

Jeremia 4:1

Mwene Zambi kanambe ngwenyi: “Yenu Aisraele, nyi nunazange kwalumuna, alumukenu nuhiluke kuli yami. Nyi nwambila mahamba waze nakuvutwokela ni kushachila hali yami,

Ezekiel 18:23

Unanyongo ngwe, nakuwahilila ha kufwa cha chingulungulu, nyi? Kaa! Mungwivwa chiseke nyi malumuna ku mbunge akatwame ni mwono.

Hosea 14:1

Aa Aisraele, hilukenu kuli Mwene Zambi, Zambi yenu. Shili yenu yinanutalingisa ni kunulimbwisa.

Hosea 6:1

Aisraele kaanambe ngwo: “Tuhilukenu kuli Mwene Zambi! Hatulamba, alioze kumatuwuka; hatulemeka yilonda, alioze kumayikasa. Hi chocho ko, nyi?

Hosea 7:10

Aisraele kulengumuka cho chakwahisa. Haamona lamba lieka ni lieka, chibwe chocho kaasolo kuhiluka kuli yami Mwene Zambi yo.

Amose 5:2

Mwana pwo Israele hanalimbuka, kechi kahinduka nawa. Kanabombo hashi, Niumwe makamuhindwisa.

Mika 7:8

Akwa kole jetu kaahashile kutuyunga. Hitunalimbuka, alioze kumutuhinduka nawa. Haliabwila tuli mu milima, alioze Mwene Zambi makatutemwina.