Jeremia 8:3 - Mukanda Wa Zambi 1970

³ Atu a vungu lino libi waze maakasala ko, waze atwama kuma kuze naamwanginyine, maakazanga kufwa. Yami Mwene Zambi Mukwa Ndundo Jeswe nachamba.”

MUKANDA USANDU WA ZAMBI 1975

³ Yehova-wa-Tujita kanambe ngwenyi, Waze eswe malisalaho a ku munyachi uno upi mu yifuchi kuze naahuminyine makazanga Shinaho kufwa hi mwono ko.

Jeremia 8:3 Iomraidhean Croise

1 Yitanga Ya Mianangana 19:4

alioze iye mwene yenda tangwa lia muundu mu puya, yatwama mu chizulie mushi lia umwe mutondo, yazanga kufwa, yamba ngwenyi: “Mwene Zambi hijanguhwa! Hitambula mwono wami, mumu hinguli ko mukwa ululi kuhiana atata.”

Jeremia 23:3

Atu jami waze asala ku yifuchi yize hingunamwangina mungwakungulula, mungwahilwisa ku chifuchi cho. Maakasema ana anji, kumaakaliokesa.

Jeremia 23:8

Alioze maalishinga ni yami Zambi ya mwono yoze watuhwishile Aisraele mu chifuchi cha ku norde ni ku yifuchi yeswe kuze naamwanganyine. Mba maatwama mu chifuchi cho ene.”

Jeremia 29:14

Ewa, ngunambe ngwami, munukanguwana, ni yami mungukanuhilwisa mu chifuchi chenu. Mungukanukungulula mu yifuchi kweswako hingunanumwangina, ni kunuhilwisa ku chifuchi chenu. Yami Mwene Zambi nachamba.’

Jeremia 29:28

Chatamba kumukanjisa, mumu te hanalweze atu mu Babilonia ngwenyi, kumaabwa funge matangwa anji; ha chino atunge mazuwo, atwame mo, alime minda abwe ni yakulia.”

Jeremia 40:12

Kashika yaakatwoka kweswako achinyinyine, yaahiluka ku Yuda. Yeeza kuli Gedaliya ku Mizpa, yaakungulula vinyu yinji ni mihuko yinji.

Jeremia 44:2

Mwene Zambi, Mukwa Ndundo Jeswe, Zambi ya Israele, kanambe ngwenyi: “Hinunamono yenwene chize nenyekene Yerusaleme ni membo eswe ja Yuda. Chibwe haliabwila kaali akwenyeka, niumwe keshimo,

Jeremia 44:6

Mba mu utenu wami yingwocha Yerusaleme ni membo ja Yuda. Kaali akwenyeka ndoo ni musono.

Jeremia 6:9

Mwene Zambi Mukwa Ndundo Jeswe yangwamba ngwenyi: “Israele maakamuhela ngwe chize akuhela mihuko yeswe ya ku mitondo ya vinyu. Kashika Chakutamba kulamwina mweswawo muuhasa kulamwina nikawashi.”

Daniel 9:7

Yena Mwene Zambi, matangwa eswe wakulinga ni ululi, alioze yetu matangwa eswe twakulikokela sonyi. Chenacho twakulinga yetu eswe waze twatwama mu Yuda ni mu Yerusaleme, ni Aisraele eswe waze hiunamwangina mu yifuchi hakamwihi ni kusuku mumu hitunakuvulumuna.

Alevi 26:33

Mungukanukokela jita, ni kunumwangina mu yifuchi ya yilambala. Chifuchi chenu muchikabwa puya, ni membo jenu maakalumuka yikulu.

Amose 3:1

Yenu Aisraele, eswe waze Zambi hanaapulula mu chifuchi cha Egiptu, banjikenu maliji waze Mwene Zambi hahanjika hakutwala kuli yenu.

Yona 4:3

Kashika Mwene Zambi, ngweche kwami ngufwe. Ngunamono ngwe chibema kufwa, chibi kutwama ni mwono.”

Mika 2:3

Kashika Mwene Zambi kanambe ngwenyi: “Ngunalulika kunumwesa lamba, kunuchi kuhasa kulichina. Kumunubwa mu ubinjilo, mba kunuchi kwenda nawa nikulisuta nihakepe.

Shimbi 30:1

“Haliabwila tongolenu chize nunazange, yiwape hanji Shingo. Muze yuma yino yeswe muyikanuwana, nyi hinwatwama kulu mu yifuchi kuze Mwene Zambi yenu hananumwangina, munukewuluka kutongola chize hinanwamba.

Shimbi 30:4

Chibwe hananumwangina ku masongo a hashi, hindu Mwene Zambi, Zambi yenu, makanukunga nawa ni kunuhilwisa.

Usolwelo 6:16

Mba yaambila milundu ni mawe ngwo: “Tuholokelenu, tuswekenu ku meso ja yoze unatwama ha chitwamo cha wanangana, tuswekenu ku utenu wa Mwana Panga.

Usolwelo 9:6

Ha tukweji waze, atu waze maakazanga kufwa, alioze keechi kachimona. Maakazanga kufwa, alioze kufwa muchikaachina.