Jeremia 7:9 - Mukanda Wa Zambi 1970

⁹ Nwakwiya, nwakushiha, nwakulinga utanji, nwakulishinga ni mahuza, nwakulambula milambu kuli hamba Bale, nwakuwayila mazambi waze te kunwanyingikine.

MUKANDA USANDU WA ZAMBI 1975

⁹ Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Jeremia 7:9 Iomraidhean Croise

1 Yitanga Ya Mianangana 18:21

Eliya yaya ku meso ja atu eswe, yaahula ngwenyi: “Ndoo matangwa angahi munuyambashana? Nyi Mwene Zambi kali Zambi yamwenemwene, muwayilenu!” Nyi Bale mwe zambi yamwenemwene muwayilenu! Alioze atu kaamukumbulwile ko liji nilimwe.

Kutuhuka 20:3

“Kanda uwayila zambi mukwo shina yami.

Izaya 1:13

Kanda nungunehena nawa milambu yamokomoko. Milambu yenu ya vumba libema kuyakunguvwisa kuzelwoka. Chishi kutayiza yiwanyino yenu ya Kakweji Mwaha, ni matangwa jenu a kuhwima, ni kulikungulula chenu chikwo. Yize yeswe nwakuyihengesa mumu ha shili yenu.

Izaya 58:2

Kakunguwayila matangwa eswe, nikwamba ngwo: ‘Tunazange kunyingika ndako je ni kwononokena Shimbi je.’ Kaakwamba ngwo: ‘Twehe Shimbi ja ululi. Twakuwahilila ni kukuwayila.’ ”

Jeremia 1:16

Mungukamwesa atu jami lamba mumu haavulumuna; haangwehuka, haalambula milambu kuli mazambi eka, haasonga mahamba ni kwawayila.

Jeremia 11:13

Ayuda akwo haabwa ni mazambi anji ngwe membo jo, ni akwa Yerusaleme hookesa yilumbilo yakulambwila milambu ya sonyi kuli hamba lio Bale ngwe kwoka cha majila a mu limbo lio.

Jeremia 11:17

“Yami Mwene Zambi Mukwa Ndundo Jeswe, natumbile Aisraele ni Ayuda; alioze haliabwila mungwamwesa lamba. Haanalikokela lio ayo ene mumu ha chibi chize haanalingi; haananguvwisa ufwatulo ha kulambula Bale milambu.”

Jeremia 13:10

Yingulungulu wano kaangwononokenene ko. Te kaali akwa pami lume. Yaawayila nikulingila mazambi akwo. Kashika maakabwa ngwe kaputula yoze wamokomoko.

Jeremia 18:15

Alioze atu jami haananguvulama; kaakwochela yitumbo ya vumba libema ku mahamba. Haanatalinga mu jila yize chaatamba kuya. Keeshi kwenda nawa mu majila akulu; alioze kaakwenda mu majila ja ayo ene mu milambo.

Jeremia 19:4

Munguchilinga mumu atu haangwehuka ni haanabihisa homa hano ni kulambula mulambu kuli mazambi eka; mazambi waze te kaanyingikine ko, chibwe ayo, chibwe tushakulu two, chibwe mianangana ja Ayuda. Haanazalisa homa hano ni manyinga ja atu waze keeshi mulonga,

Jeremia 32:29

ni kuliocha kahia. Kumaaliocha hamwe ni mazuwo ja waze haanangwihi ha kwochela Bale yuma ya vumba libema ha mafulumba, ni kuzujila vinyu kuli mazambi eka.

Jeremia 44:3

mumu atu jamo alingile yibi, yaanguvwisa ufwatulo. Yaalambula milambu kuli mazambi eka, yaalingila mazambi waze chibwe yenu chibwe tushakulu twenu kanda awayila kama.

Jeremia 44:8

Mumu yika nunangwihi ni kukombelela mahamba ni kuwayila mazambi eka a muno mu Egiptu, muze nwatwama? Muze nunachilingi nunalionona yenwene, hanga mavungu eswe a hashi anuchoke ni ashingane ni jina lienu, nyi?

Jeremia 44:9

Kuma hinwavulama kwenu ungulungulu uze akwo mukachi kenu, ni tushakulu twenu, ni mianangana ni mapwo jo, ni yenu ni mapwo jenu nwalinga mu membo ja Yuda ni mu majila ja Yerusaleme, nyi?

Jeremia 48:35

Mungukanjisa Amoabe kulambula mazambi jo milambu ya kwocha ni ya yuma ya vumba libema. Yami Mwene Zambi nachamba.

Jeremia 5:2

Chibwe nwakulishinga ni jina lia Mwene Zambi, hindu nunalishingi ni mahuza.

Jeremia 5:7

Mwene Zambi kanahula ngwenyi: “Mumu yika Changutamba kukonekena atu jami milonga yo? Haanangwehuka, haanalishingi ni waze hi mazambi ko. Nalishile atu jami ndoo ni chize haakuta, alioze yaalingalinga utanji, nikuhwisa matangwa jo ni yitanji.

Jeremia 7:6

Litwaminenu kulakila yilambala, ni shiwa, ni waze haanafwisa malunga. Litwaminenu kushiha atu waze keeshi milonga mu chifuchi. Litwaminenu kuwayila mazambi eka. Nyi ka, munukafwa.

Ezekiel 18:18

Alioze tato te kakutambula mbongo ja mbenga, te kakulinga linga atu eswe yibi, kashika hanafu ha milonga yize avulumwine iye mwene.

Ezekiel 20:30

Haliabwila lweza Aisraele chize yami Mwene Zambi ngunambe ngwami: Mumu yika nunavulumwina ngwe chize alingile atatenu ni kukombelela mahamba jo?

Ezekiel 23:39

Muze ashihile ana jami ni kwalambula ku mahamba, yaachisa nawa zuwo liami.

Ezekiel 5:11

“Kashika, ni mwe yami Mwene Zambi, mumu hinwabihisa zuwo liami ni ungulungulu wenu ni yuma ya kuzelwokesa yize hinunalingi, mungunumwangina hashi heswe, chichi kunuvwila keke.

Hosea 2:13

Mungukamumwesa lamba mumu ha matangwa waze anguvulamine muze ochelele hamba Bale yitumbo ya vumba libema, ni muze azalile yingeliengelie yenyi, ni muze akawile masepa jenyi. Yami Mwene Zambi nachamba.

Hosea 6:9

Mahako haalumuka mbunga ya eji waze akutwaminyina atu. Chibwe mu jila ya kuya ku Shekeme, kuma kwa chijila, kaakushihila ko atu, kaakulikunjika lume alinge yibi.

Amose 4:5

Lambulenu milambu ya mbolo ya kusakwila Zambi, lisambenu ku meso ja atu akwo hakutwala ku milambu yize nwakuwezela helu! Mumu Chenacho nwakuzanga kulinga.

Zefania 1:5

Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

Malaki 3:5

Mwene Zambi Mukwa Ndundo Jeswe kanambe ngwenyi: “Mungukasoloka mukachi kenu ni kunubatwila, mungukalimika ni akwa kupanda wanga, ni yitanji, ni akwa kulenya, ni waze akwiya fweto ya akwa milimo, ni waze akubinjisa mapwo waze haanafwisa malunga ni ana a shiwa ni yilambala, eswe waze keeshi kungulemesa.

A-ROMA 2:2

Tunanyingika ngwetu, Zambi kakubatwila ni umwenemwene muze akuhisa waze akulinga yuma ngwe yize.

Shimbi 32:17

Aisraele yaalambula milambu kuli mazambi amokomoko, mazambi aha waze tushakulu two kaanyigikine ko, mazambi waze Aisraele koononokenene ko nichimwe.

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”

Usolwelo 22:15

Alioze waze akulinga yuma ya sonyi, ni akwa kupanda wanga, ni yitanji, ni akwa kushiha atu ni akwa kukombelela mahamba, ni akwa mahuza mu maliji ni mu yitanga, ayo eswe keechi kabwa mu limbo lize, alioze haze!

Akwa Kuyula 5:8

Muze Aisraele atongwele mazambi aha, mu chifuchi yimubwa jita. Mukachi ka tujita 40,000, yaawana mo kama umwe unambata lukebwe hanji kunga, nyi?