Jeremia 7:8 - Mukanda Wa Zambi 1970

⁸ “Talenu, nwakujikijila ha maliji a kwonga.

MUKANDA USANDU WA ZAMBI 1975

⁸ Mokomoko nunafuliela maliji a kwonga.

Jeremia 7:8 Iomraidhean Croise

Izaya 28:15

Yenu nwakulisamba ngwenu: “Hitwakolesa Usendo ni kufwa, hitwalitesa ni muma lia afu.” Nunanyongo ngwenu, kunuchi kufwa mumu nwakushachila ha kwonga chenu ni mahuza jenu ha kunufunga.

Izaya 30:10

Kaakwambila akwa munanyi kuhola kulungungaa ngwo: “Kanda nuhanjika kuli yetu hakutwala ku ululi. Tulongesenu kwetu chize twakuzanga kwivwa. Twechenu kwetu cheswacho tubwa.

Izaya 59:4

Nwakuya ku chota, alioze kunushi kusopa ni ululi. Nwakuhanjika mahuza ha kulisambisa. Nwakwaka uhuka ni kusema Vunda.

Jeremia 13:25

Mwene Zambi kanambe ngwenyi, yenayo muyikabwa fweto yenu. Hanabatula kunulinga Chenacho, mumu hinunamuvulumuna, hinunashachila hali mazambi a mahuza.

Jeremia 23:26

Ndoo shimbu lika akwa munanyi waze meecha kama kupiangula atu jami ni maliji a mahuza waze haanambe?

Jeremia 23:32

Banjikenu yize yami, Mwene Zambi, ngunambe! Nakulimika ni akwa munanyi waze akwaula yilota yo ya mahuza. Kaakwaula yilota yize ni kupiangula atu jami ni mahuza jo ni kulifuza cho. Alioze yami chaatumine ko, ni chaalwezele ko Chuma nichimwe. Keeshi kukwasa atu nichimwe. Yami, Mwene Zambi, nachamba.”

Jeremia 28:15

Yingulweza Hanania maliji wano ni kuweza ho ngwami: “Banjika, Hanania! Mwene Zambi kakutumine ko; yena kuwakwonga atu wano.

Jeremia 4:10

Mba yingwamba ngwami: “Mwene Zambi hiwonga akwa Yerusaleme liakulu! Wambile ngwe mukukabwa uhwimino, alioze mukwale uli ha kota jo.”

Jeremia 5:31

akwa munanyi kaakuhanjika lume mahuza; mahako kaakuyula ngwe chize akwalweza kuli akwa munanyi; ni atu jami kaakuchitayiza. Alioze kuchi maakalinga ku songo?”

Jeremia 7:4

Litwaminenu kufuliela maliji akwonga ngwo, ‘Tunawaha! Lino lie zuwo lia Mwene Zambi, lino lie zuwo lia Mwene Zambi, lino lie zuwo lia Mwene Zambi!’

Jeremia 8:10

Kashika munguhana minda yo kuli atu eka, ni mapwo jo kuli malunga eka. Atu eswe anene ni akepe, kaaneseka kufumbula mbongo ni uhenge. Chibwe akwa munanyi ni mahako kaakwonga atu.