Jeremia 7:4 - Mukanda Wa Zambi 1970

⁴ Litwaminenu kufuliela maliji akwonga ngwo, ‘Tunawaha! Lino lie zuwo lia Mwene Zambi, lino lie zuwo lia Mwene Zambi, lino lie zuwo lia Mwene Zambi!’

MUKANDA USANDU WA ZAMBI 1975

⁴ Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Jeremia 7:4 Iomraidhean Croise

1 Yitanga Ya Mianangana 9:7

mba mungukanuhuma ku chifuchi chize nanuhele, ni zuwo lino hinakunjika kubwa muma mwa kunguwayila mungukaliehuka. Mba atu a kuma kweswe maakakekuna Aisraele, ni kwalelesa.

Izaya 48:2

Nwakulisamba nikwamba ngwenu, nuli akwa limbo lia chijila, nawa ngwenu, nwakujikijila hali Zambi ya Israele, jina lienyi Mwene Zambi Mukwa Ndundo Jeswe.

Izaya 59:4

Nwakuya ku chota, alioze kunushi kusopa ni ululi. Nwakuhanjika mahuza ha kulisambisa. Nwakwaka uhuka ni kusema Vunda.

Izaya 66:1

Mwene Zambi kanambe ngwenyi: “Lilu lili chitwamo chami, ni hashi he homa ha kunangika molu jami. Zuwo lika munukangutangila kama? Mulihi muma muze mungutwama?

Jeremia 28:15

Yingulweza Hanania maliji wano ni kuweza ho ngwami: “Banjika, Hanania! Mwene Zambi kakutumine ko; yena kuwakwonga atu wano.

Jeremia 29:23

Chenacho maakaalinga mumu ha yibi yo, yaalinga utanji ni yaahanjika mahuza mu jina liami. Chino Mwene Zambi kachizangile. Kananyingika yeswe yize haanalingi, iye mwene kali chela. Mwene Zambi hachamba.”

Jeremia 29:31

ngutumine funge eswe a mu Babilonia maliji wano hakutwala kuli Shemaya, ngwenyi: “Yami Mwene Zambi, mungumwesa lamba Shemaya ni vungu lienyi lieswe. Chamutumine kwami, hindu te kanahanjika kuli yenu ngwe kali mukwa munanyi, mba nwafuliela mahuza jenyi. Kechi kubwa ni vungu mukachi kenu. Kechi kutwama ni mwono ni kumona yuma yibema yize mungulingila atu jami, mumu haalongesa ngwenyi atu alimike ni yami. Yami Mwene Zambi, nachamba.”

Jeremia 6:14

Kaakunyonga ngwo, yilonda ya atu jami yili yamokomoko. Kaakwamba ngwo: ‘Yeswe yinawaha,’ alioze kuma ka.

Jeremia 7:14

Kashika, yeswe yize nalingile ku Shilo munguyilinga nawa ku zuwo liami, lize nwakujikijila. Homa hano nahanyine kuli tushakulu twenu ni yenu, mungulinga ho nawa ngwe chize nalingile ku Shilo.

Ezekiel 13:19

Nwakungulelesa ku meso ja atu jami hanga nuzomone mukamo wa masa ni yimwe mbolo. Nwakushiha atu waze kaatelele kufwa, ni kufunga ni mwono waze atela kufwa. Nwakuhanjika mahuza kuli atu jami, no kaakunufuliela.”

Mika 3:11

Miata ja limbo kaakuyula mumu ha mbongo ja mbenga, mahako kaakulongesa Shimbi ja Zambi hanga aafwete, akwa munanyi kaakulumbununa Usolwelo wo mumu ha ubite. Hindu ayo eswe kaakwamba ngwo: “Mwene Zambi kali hamwe ni yetu. Chibi nichimwe kuchichi kutuwana.”

Zefania 3:11

Ha matangwa waze yenu atu jami hikunuchi kwivwa nawa sonyi mumu nwangukatukilile. Munguchiza akwa kulengumuka ni akwa kulizata eswe, kunuchi kungukatukila nawa ha mulundu wami wa chijila.

Luka 3:8

Lingenu yitanga yize muyisolola chize hinwalumuka ku mbunge. Kanda nubutuka kulisamba ngwenu: ‘Abrahama kali kashakulu ketu.’ Mumu ngunanwambe ngwami, Zambi mahasa kwalumuna mawe wano ni kwapwisa vungu lia Abrahama,