Jeremia 7:10 - Mukanda Wa Zambi 1970

¹⁰ Nwakulinga yuma yize nakuvutwokela. Munubwamuze munwiza ni kumana ku meso jami, mu zuwo liami, nikwamba ngwenu: ‘Tunawaha!’

MUKANDA USANDU WA ZAMBI 1975

¹⁰ mba munwiza nikumana kumeso jami mu zuwo lino, hanaliluku jina liami, nukambe ngwenu, Hanatupulula! nukaye nukanyongonone ni yuma yino ya kukoka lwaji?

Jeremia 7:10 Iomraidhean Croise

Jeremia 32:34

Haanase mazambi jo a yizelwokeso mu zuwo lize atungile lia kunguwayila, haanalipwisa lia luchisa.

Ezekiel 23:39

Muze ashihile ana jami ni kwalambula ku mahamba, yaachisa nawa zuwo liami.

Ezekiel 23:37

Haanalingi utanji, haanashiha atu, haanalingi utanji ni mahamba jo. Haanashiha ana jami a malunga waze nasemene no, haanalambula milambu kuli mahamba jo.

Jeremia 34:15

Matangwa amwe haabalika, yinwalumuna mbunge jenu, yinulinga yize yinanuwahila. Yenu eswe yinutusula enyembo jenu Aisraele, yinulinga Usendo ku meso jami, mu zuwo lize te nwakunguwayila.

Jeremia 7:30

“Ayuda haalinga Chuma chibi. Haasa mahamba jo, waze nakuvutwokela, mu zuwo liami, haalipwisa lia luchisa.

Jeremia 7:14

Kashika, yeswe yize nalingile ku Shilo munguyilinga nawa ku zuwo liami, lize nwakujikijila. Homa hano nahanyine kuli tushakulu twenu ni yenu, mungulinga ho nawa ngwe chize nalingile ku Shilo.

Jeremia 7:11

Kuma yenu nwakunyonga ngwenu, zuwo liami hiliabwa chivwenge cha mihuza, nyi? Naakumona yeswe yize nwakulinga.

Yoano 18:28

Chichamene cheswe Ayuda yaamuchiza maha Kaifa, yaamutwala ku zuwo lia mukwa kuyula. Ayuda kaanjilile ko mu zuwo lia mukwa kuyula, kuchina maajilula chijila hakutwala ku kulia cha kwiwuluka Kubalika.

Yoano 13:18

“Chambile yenu eswe. Ngunanyingika waze natongwele. Alioze yuma yize yasonewene mu Mukanda wa Zambi chatamba kumanunuka. Ngwo: ‘Yoze wakulia mbolo hamwe ni yami, hangwalumukina.’

Mateu 23:13

“Lamba lienu alongeshi a Shimbi ni Afariseu, yilembekese! Mumu nwakukasa chajilo cha Wanangana wa mwilu ku meso ja atu! Kunushi kunjila mo yenwene, ni waze akuzanga kunjila mo kunushi kwatayiza! [

Ezekiel 23:29

Mumu te akukuvutwokela, kumakambata yuma yeswe yize wayukile. Maakakuhichika uselesele ni kukusolola lume chitanji. Usolo ni utanji we

Ezekiel 20:39

Mwene Zambi kanambe ngwenyi: “Haliabwila, yenu Aisraele eswe, lingenu chize nunazange! Yeenu nulingile mahamba jenu! Alioze yami ngunanutoweza ngwami, kulutwe mungukanukoka kungwonokena ni kulitwamina kukolesa sonyi jina liami lia chijila ni kulambula yawana ku mahamba jenu.

Izaya 48:2

Nwakulisamba nikwamba ngwenu, nuli akwa limbo lia chijila, nawa ngwenu, nwakujikijila hali Zambi ya Israele, jina lienyi Mwene Zambi Mukwa Ndundo Jeswe.

2 Sango Ja Mianangana 33:7

Yamika kaponya mu zuwo lia Zambi, muma muze Mwene Zambi ambilile David ni mwanenyi Solomone ngwenyi: “Muno mu Yerusaleme, mu zuwo lino, muli muma muze natongwele mukachi ka mavungu kumi ni aali ja Aisraele muze atu maabwa ni kunguwayila.

2 Sango Ja Mianangana 33:4

Yatunga yilumbilo ya mazambi eka mwe mu zuwo lia Zambi, haze Mwene Zambi ambile ngwenyi: “Henaho atu maabwa ni kunguwayila ku miaka yeswe.”

1 MIANANGANA 21:4

Yatunga yilumbilo ya mazambi eka mwe mu zuwo lia Zambi, haze Mwene Zambi ambile ngwenyi: “Henaho atu maakabwa ni kunguwayila.”

Ezekiel 33:31

Chenacho atu jami akulikungulula evwe yize muwamba, alioze yize Wakwalweza keeshi kuyalula. Kaakunyonga ngwo, maliji je kaali miaso yamokomoko. Kaakukaula ubite.

Yishima 15:8

Mwene Zambi kakuwahilila muze akwa ululi maalemba, alioze kakuvutwokela milambu ya yingulungulu.

Jeremia 44:9

Kuma hinwavulama kwenu ungulungulu uze akwo mukachi kenu, ni tushakulu twenu, ni mianangana ni mapwo jo, ni yenu ni mapwo jenu nwalinga mu membo ja Yuda ni mu majila ja Yerusaleme, nyi?

Ezekiel 33:25

“Alweze chize yami Mwene Zambi ngunambe. Ngwami, nwakulia yifwo ni e manyinga jayo. Nwakuwayila mahamba. Nwakushiha atu. Mba chika chakununyongesa ngwo, chifuchi chili nichenu?

Daniel 9:18

Aa Zambi, tubanjike kama, tutale kama; umone yibikalo yize tuli nayo, ni lamba lia mu limbo lize alukile jina lie. Tunakulembe mumu yena uli mukwa keke, hi mumu ko twakulinga ni ululi.

Hosea 6:9

Mahako haalumuka mbunga ya eji waze akutwaminyina atu. Chibwe mu jila ya kuya ku Shekeme, kuma kwa chijila, kaakushihila ko atu, kaakulikunjika lume alinge yibi.

Amose 4:5

Lambulenu milambu ya mbolo ya kusakwila Zambi, lisambenu ku meso ja atu akwo hakutwala ku milambu yize nwakuwezela helu! Mumu Chenacho nwakuzanga kulinga.

Zefania 1:5

Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

Malaki 3:15

Twakumona ngwetu, akwa kulizata kaakuwahilila. Yingulungulu kaakuyuka, kaakweseka Zambi ni ungulungulu wo, neye keshi kwamwesa lamba.’ ”

1 Yitanga Ya Mianangana 9:3

Mwene Zambi yamwamba ngwenyi: “Hinevwa kuliumba che, ngunawahisa zuwo lino watungile. Libwe muma muze atu maanguwayila ndoo ku miaka yeswe. Mungulitala ni kulifunga matangwa eswe.

Ezekiel 5:11

“Kashika, ni mwe yami Mwene Zambi, mumu hinwabihisa zuwo liami ni ungulungulu wenu ni yuma ya kuzelwokesa yize hinunalingi, mungunumwangina hashi heswe, chichi kunuvwila keke.