Jeremia 5:2 - Mukanda Wa Zambi 1970

² Chibwe nwakulishinga ni jina lia Mwene Zambi, hindu nunalishingi ni mahuza.

MUKANDA USANDU WA ZAMBI 1975

² Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 5:2 Iomraidhean Croise

Izaya 48:1

Banjikenu yenu Aisraele, yenu vungu lia Yuda. Yenu nwakulishinga ni jina lia Mwene Zambi, nwakwamba ngwenu, nwakuwayila Zambi ya Aisraele, alioze mahuza jenu.

Jeremia 4:2

mba muchilita kuli yenu kulishinga ni jina liami. Hohene mavungu eswe maanguhula ngwawahise, mba maanguchichimieka.”

Jeremia 44:26

Alioze haliabwila banjikenu chize yami Mwene Zambi hinalinga mu jina liami linene kuli Aisraele eswe waze atwama mu Egiptu: chichi kunutayiza nawa kulishinga ni jina liami nikwamba ngwenu: ‘Ni Mwene Zambi!’

Jeremia 7:9

Nwakwiya, nwakushiha, nwakulinga utanji, nwakulishinga ni mahuza, nwakulambula milambu kuli hamba Bale, nwakuwayila mazambi waze te kunwanyingikine.

Jeremia 9:2

Nyi nabwile ni kamwe kazuwo mu puya, kachi te munguhichika atu jami, nguye kwekuze. Mumu eswe kaali yihulia, kaali mbunga ya mafwefwe.

Hosea 10:4

Kaakwokesa maliji amokomoko, kaakulakenya alioze keeshi kuyilinga, kaakukolesa Usendo alioze kuushi kulinduluka. Ululi hiwalumuka uhenge, hiwoka ngwe mihuko ya ulembe mu mihanga yakulima.

Hosea 4:15

“Chibwe yenu Aisraele nwakulinga utanji, alioze yenu Ayuda kanda nulinga ngwe ayo. Kanda nuwayila mu membo ja Gilgale ni Betele, chibwe kulishingila ko mu jina lia Mwene Zambi ya mwono.

Alevi 19:12

Kanda nulishinga ni jina liami ni mahuza chakuneha, sonyi. Yami nguli Mwene Zambi, Zambi yenu.

Zefania 1:5

Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

Malaki 3:5

Mwene Zambi Mukwa Ndundo Jeswe kanambe ngwenyi: “Mungukasoloka mukachi kenu ni kunubatwila, mungukalimika ni akwa kupanda wanga, ni yitanji, ni akwa kulenya, ni waze akwiya fweto ya akwa milimo, ni waze akubinjisa mapwo waze haanafwisa malunga ni ana a shiwa ni yilambala, eswe waze keeshi kungulemesa.

1 Timoteu 1:10

ni yitanji, ni akwa utumwa, ni akwa kukwata atu ha kuya ni kwalanjisa, ni akwa mahuza, ni akwa kulishinga ni mahuza, ni waze akulituna longeso liamwenemwene.

2 Timoteu 3:5

Maakasoloka ku meso ja atu ngwe kaakuwayila Zambi, alioze mu mbunge jo kaakulituna tachi jamwenemwene ja Zambi. Lihandunune ni atu waze.

Titu 1:16

Kaakwamba ngwo, tunanyingika Zambi; alioze ku yitanga yo, kaakulikala ye. Kaali akwa kuzelwokesa, yihulia, keeshi mana ha kumanununa chimwe chitanga chibema.