Jeremia 5:1 - Mukanda Wa Zambi 1970

¹ Yenu akwa Yerusaleme, achizombokenu mu majila jenu! Achitalenu sali ni sali! Limwenenu yenwene! Talenu mu yitanda! Munuhasa kumona umwe mutu yoze unalingi chize chinalite, yoze uneseka kubwa mukwa umwenemwene, nyi? Nyi munuhasa kumumona, mba Mwene Zambi makonekena Yerusaleme.

MUKANDA USANDU WA ZAMBI 1975

¹ Zomboka mu matapalo ja Yerusaleme sali ni sali. Tala kanawa uzewule. Fupa mu malindalinda jenyi nyi muhasa kuwana lunga umuwika, yoze wakulinga chize chinalite, kakufupa umwenemwene; hanga ngukonekene chihunda.

Jeremia 5:1 Iomraidhean Croise

1 Yitanga Ya Mianangana 19:10

Neye yakumbulula ngwenyi: “Mwene Zambi, Mukwa Ndundo Jeswe, matangwa eswe hinakulingila yena wika. Alioze Aisraele haashiha Usendo uze wakolesele no, haabuzula yilumbilo ye ya milambu, haashiha akwa munanyi je eswe. Yami hinasala ukawami, ni kaanafupu kungushiha nawa.”

2 Sango Ja Mianangana 16:9

Mwene Zambi kakutala hashi heswe ni kukolesa waze akumufuliela ni mbunge yimuwika. Alioze yena walinga ni uhepuke, kashika chize musono, muubwa ni jita matangwa eswe.”

Miaso (Masamu) 12:1

Mwene Zambi, tukwase kama! kukushi nawa mukwa ululi kukushi nawa akwa mbunge jitoma.

Miaso (Masamu) 14:2

Mwene Zambi mwilu kakutala akwa hashi, amone nyi kuhali amwe akwa mana, waze akumuwayila.

Miaso (Masamu) 14:3

Alioze eswe haanapianguka, eswe kaali abi. Wakuhi niumwe wakulinga yibema, chibwe umuwika ka.

Miaso (Masamu) 94:16

Iya wangukwashile kulimika ni yingulungulu? Iya wangukwashile kama kulimika ni akwa kulinga uhenge?

Yishima 20:6

Atu anji akuliamba ngwo: “Tuli akwa shindakenyo,” alioze iya mahasa kuwana umwe mukwa shindakenyo.

Yishima 23:23

Umwenemwene, ni mana, ni yinyingi, ni malinjekela kuyahiana ubite; kanda uyilanjisa.

Yishima 8:3

Ku chikolo cha limbo, hehi ni yajilo, kakutambika ngwo:

Mwaso Ubema Wahiana 3:2

Yinguhinduka, yinguya ni kukimba mu limbo heswe, mu majila ni mu mikala. Yingufupa mukwa zango wami. Yingumufupa alioze Chamumwene.

Izaya 59:4

Nwakuya ku chota, alioze kunushi kusopa ni ululi. Nwakuhanjika mahuza ha kulisambisa. Nwakwaka uhuka ni kusema Vunda.

Jeremia 2:29

Mba kunenganyana che chaka? Mumu yika hiwangukatukila?

Jeremia 44:15

Mba malunga eswe waze te anyingika ngwo, mapwo jo te kaakulambula milambu kuli mazambi eka, ni mapwo eswe waze te akumana ko, kuchinga ni Aisraele waze te atwama ku sude mu Egiptu, mbunga yinene, eswe yaamwamba ngwo:

Jeremia 8:6

Nabanjikile, alioze kunwahanjikile ko umwenemwene. Niumwe wa kuli yenu wevwile chinyengo mumu ha shili yenyi; niumwe wahulile kama ngwenyi; ‘Chibi chika ngunakalinga kama?’ Alioze mutu ni mutu kakuya mu jila yenyi mwene, ngwe chize kavwalu akunjila mu jita.

Jeremia 9:2

Nyi nabwile ni kamwe kazuwo mu puya, kachi te munguhichika atu jami, nguye kwekuze. Mumu eswe kaali yihulia, kaali mbunga ya mafwefwe.

Jeremia 9:7

Kashika Mwene Zambi Mukwa Ndundo Jeswe kanawezela ngwenyi: “Mungubemesa atu jami ngwe chize akubemesa utale, mungweeseka. Atu jami haanavulumuna, mba chika chikwo munguhasa kulinga kuli ayo?

Ezekiel 22:30

Yingufupa hanji munguwana umwe yoze matungulula chipanga, yoze mamana muma muze mwabuzwokelele che chipanga nikufunga chifuchi muze yami mu utenu wami ngunambe kuchonona. Alioze Chamwene kwami mutu niumwe.

Ezekiel 9:9

Zambi ngwenyi: “Aisraele ni Ayuda haanalingi ungulungulu Wahiana. Haanashihi atu mu chifuchi cheswe ni haanalingi ni uhenge Wahiana mu Yerusaleme. Kaanambe ngwo, yami Mwene Zambi hinehuka chifuchi cho, chisolo kwamona.

Daniel 12:4

Mwe kanganda yangwamba nawa ngwenyi: “Daniel, hibakika mukanda, uuse chinyingi ndoo ku songo lia hashi. Atu anji sali ni sali maakalitachika hanga akeseke kunyingika yuma yize chize yinapu.”

Joele 2:9

Kaanalundumukina ha limbo, kaanatumbwoka ha yipanga; kaananyina ha mazuwo, kaananjilila mu tupenda ngwe eji.

Amose 8:12

Aisraele maakendangana chize ku norde ndoo ku sude, chize ku chivumbuko ndoo ku chitokelo. Maakalihiza sali ni sali ni kufupa yoze maalongesa maliji a Mwene Zambi, alioze keechi kamumona.

Zakaria 2:4

Mutangu yambila musula ngwenyi: “Zomboka ulweze mukweze yoze uli ni lwoji wa kweseka nenyi ngwe: ‘Mu Yerusaleme kumumubwa atu ni ngombe anji kuhiana, kashika kechi kuhasa kubwa nawa ni chipanga.

Luka 14:21

Mwe kavumbi yahiluka kuli mata wenyi ni makumbululo wano. Mweneya zuwo yatenuka, yambila kavumbi kenyi ngwenyi: ‘Tuhuka nikawashi uye mu majila anene anene ni mu mikala ya mu limbo; unehe yiswale, ni yilema, ni tupuputa, ni yitonji.’

2 A-TESALONIKA 2:10

Makonga ni ndako jeka ni jeka atu waze maakatoka. Maakatoka mumu kaazangile ko umwenemwene uze te muwalamwina.