Jeremia 48:3 - Mukanda Wa Zambi 1970

³ Akwa limbo lia Horonaime kaanakololoka ngwo: ‘Kwonona! Kwenyeka!’

MUKANDA USANDU WA ZAMBI 1975

³ Ivwenu muteto ku Horonaime, kwenyeka ni kwonwona chinene!

Jeremia 48:3 Iomraidhean Croise

Izaya 15:2

Atu ja Dibone kaanakanduka ha mulundu haze akuwayila, kaanalili. Amoabe kaanalilila membo ja Nebo ni Medeba; haatewula tuwewe ni wevu.

Izaya 15:5

Ngunalinyenge mumu hali Amoabe! Atu kaanachinyina ku membo ja Zoare, ni Eglate Shelishia. Kaanachinyina ku chihunda cha Luhite nikulila, amwe kaanachinyina ku limbo lia Horonaime nikulila mbimbi.

Izaya 15:8

Ku njiza yeswe ya Moabe kulila cho kaanachivu, ndoo ni ku membo ja Eglaime ni Berelime.

Izaya 22:4

Haliabwila ngwechenu ngulile ukawami atu jami eswe waze haashiha. Kanda nweseka kungulembejeka.

Jeremia 20:16

Lunga yoze abwe kama ngwe membo waze Mwene Zambi hoonona, keevwilile ko keke. Lunga yoze evwe kama mutambi wa lamba ha chichamene, ni milolo ya jita tangwa ha muchima,

Jeremia 47:2

ngwenyi: “Tala! Meya kaanakatuka ku norde, kaanapukumuka ngwe lwiji yoze hazala. Kumaafuka chifuchi cheswe ni yuma yeswe yize yilimo, ni membo ni e atu waze atwama mo. Atu kumaakakolojoka aakwase; akwa hashi heswe kumaakalila mbimbi.

Jeremia 48:34

“Akwa membo ja Heshbone ni Eleale kaanatete; kuteta cho kaanachivu ndoo ku limbo lia Jahaze. Kaanachivu kuli akwa limbo lia Zoare, ndoo ni ku membo ja Horonaime ni Eglate Shelishia. Chibwe mwana lwiji Nimrime homa chau.

Jeremia 48:4

“Moabe haamwonona; banjika ana chize analili,

Jeremia 48:5

Ivwa kuteta cho mu jila ya kuya ku limbo lia Luhite, kuteta cha chinyengo mu jila ya ku mwanda ku Horonaime.

Jeremia 51:54

Mwene Zambi kanambe ngwenyi: “Banjikenu liji lia kuteta mu Babilone atu kaanalili mbimbi mumu ha kwenyeka cha chifuchi.