Jeremia 42:3 - Mukanda Wa Zambi 1970

³ Lembenu hanga Mwene Zambi, Zambi yetu, atulweze kama jila yize chatutamba kuya ni chize chatutamba kulinga.”

MUKANDA USANDU WA ZAMBI 1975

³ Lembenu hanga Yehova Zambi yenu akatulweze jila yize chatutamba kuya, ni chuma chize chatutamba kulinga.

Jeremia 42:3 Iomraidhean Croise

1 Yitanga Ya Mianangana 8:36

yena mwene mwilu hibanjika, ukonekene milonga ya mwanangana ni ya Aisraele, waalongese kulinga yuma yize yinalite. Mba unokese vula muno mu chifuchi che chize waahele chihinga cha miaka yeswe.

Ezra 8:21

Kwenako ku lwiji Ahava, nahanyine Shimbi hanga yetu eswe tulitwamine kulia, tulikehese ku meso ja Zambi yetu, tuliumbe hanga atusongwele mu wenyi wetu ni kutufunga ni ana jetu ni ubite wetu weswe.

Miaso (Masamu) 27:11

Mwene Zambi, ngulongese, ngulweze chize unazange ngulinge, ngusongwele kama mu jila yoloka, mumu hali akwa kole jami.

Miaso (Masamu) 86:11

Mwene Zambi, ngulongese kama yize unazange ngulinge, mba mungukwononokena; ngulongese kama, ngukulingile ni mbunge yeswe.

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

Izaya 2:3

mba maakamba ngwo: “Tukandukenu ha mulundu wa Mwene Zambi, ku zuwo lia Zambi ya Aisraele. Makatulongesa chize anazange tulinge; mutukendangana mu majila jenyi. Mumu longeso lia Mwene Zambi liakukatuka ku Yerusaleme, ku Zione kakuhanjika ni atu jenyi.”

Jeremia 6:16

Mwene Zambi yambila atu jenyi ngwenyi: “Achimanenu ha makano nuchitale. Shishikenu majila akulu nuchimone kuze kuli jila yibema. Nwende mo, mba nubwe mu uhwimino.” Alioze ayo ngwo: “Ka, kutusolo!”

Mika 4:2

mba maakamba ngwo: “Tukundamenu ha mulundu wa Mwene Zambi, ku zuwo lia Zambi ya Aisraele. Maakatulongesa chize anazange tulinge; mutukendangana mu majila jenyi. Mumu longeso lia Mwene Zambi liakukatuka ku Yerusaleme; ku Zione kakuhanjika ni atu jenyi.”

Shimbi 5:26

Kuli umwe mutu yoze hevwa liji lia Zambi linatuhuka mu kahia, hindu uchili ni mwono, nyi?

Shimbi 5:29

Nyi matangwa eswe maalinga kama ngwe chino nikufunga Shimbi jami jeswe, kachi ayo ni vungu lio, kumaakawaha ku miaka yeswe.