Jeremia 4:8 - Mukanda Wa Zambi 1970

⁸ Kashika zalenu mianji, nulile mbimbi, mumu ufwatulo wa Mwene Zambi kanda uhwa hali Ayuda.

MUKANDA USANDU WA ZAMBI 1975

⁸ Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 4:8 Iomraidhean Croise

Miaso (Masamu) 78:49

Yaatenukina kuhiana, yaamwesa lamba, yaatumina tunganda waze akushiha atu.

Izaya 10:4

Makanushihila mu jita hanji kunupwisa funge. Chibwe chocho utenu wa Mwene Zambi kanda uchihwa; hindu kanazozo kwoko lienyi ni kwamwesa lamba.

Izaya 13:6

Lilenu mbimbi! Tangwa lia Mwene Zambi hiliakundama, tangwa lize Mwene Zambi Mukwa Ndundo Jeswe makeza ni kwonona.

Izaya 22:12

Ha tangwa lize Mwene Zambi Mukwa Ndundo Jeswe anutambikile ni kulila, ni kulishimwoka, ni kutewula kambu jenu, ni kuzala mianji.

Izaya 32:11

Hinunayuku, te kunushi yibikalo. Alioze haliabwila, hichikimenu ni woma! Zulenu mahina jenu lifukulenu, nuzale mianji mu zalilo jenu.

Izaya 5:25

Mwene Zambi yatenukina atu jenyi, yazoza kwoko lienyi hali ayo aamwese lamba. Mba milundu muyinyika, ni mijimba ya waze haanafwafwa maayihichika ngwe yiswaswa mu majila. Chibwe chocho utenu wa Mwene Zambi kuuchi kuhwa, hindu makazoza nawa kwoko lienyi ni kwamwesa lamba.

Izaya 9:12

Asiria a ku chivumbuko ni Afilistia a ku chitokelo haabakula makanwa jo hanga aminye Aisraele. Chibwe chocho utenu wa Mwene Zambi kanda uchihwa hindu kanazozo kwoko lienyi amwese lamba.

Izaya 9:17

Ha chino Mwene Zambi kechi kutayiza mukweze niumwe kuchina, kechi kulweza keke kuli tuliwa jo ni ana a shiwa, mumu atu eswe kaali yitanganyanyi kanda yingulungulu. Yuma yeswe yize akuhanjika yili yibi. Chibwe chocho utenu wa Mwene Zambi kuuchi kuhwa, hindu kumazoza kwoko lienyi hanga aamwese lamba.

Izaya 9:21

Amanase ni Aefraime kaanalikatukila, mba ayo eswe kaanaseleka Yuda. Chibwe chocho utenu wa Mwene Zambi kanda uchihwa; hindu kanazozo kwoko lienyi ni kwamwesa lamba.

Jeremia 25:34

Yenu miata, yenu tufunga twa atu jami, kololokenu, lilenu mbimbi! Lilenu nikulilangumuna mu fufuta. Tangwa lia kunushiha hiliakundama, maakanushiha ngwe makuji a panga.

Jeremia 48:20

Maakumbulula ngwo: ‘Moabe halimbuka, mulilenu kama; kali ni sonyi. Ambululenu kuli waze atwama ku lwiji Arnone, ngwenu, Moabe haamwenyeka!’

Jeremia 6:26

Mwene Zambi yambila atu jenyi ngwenyi: “Zalenu mianji, lilangumunenu mu uto. Lilenu mbimbi ngwe yoze unalili mwanenyi wa wika, mumu yoze uneza ni kunwonona kumeza susumuku.

Lungungu 1:12

Kanakololoka kuli mweswawo wakubalieka ko ngwenyi: “Ngutale kama nyi umwe mutu uliko yoze unamono lamba ngwe yami, lamba lize Mwene Zambi hanguzukwila ha matangwa ja ufwatulo wenyi.

Ezekiel 21:12

Mwana mutu yeka mbimbi, mukwale uno muulimika ni atu jami ni miata eswe ja Israele. Kumaashiha ni e masalila ja atu jami. Lilambenu ha tulo ni chinyengo!

Ezekiel 30:2

“Mwana mutu, hanjika munanyi, lweza atu chize yami Mwene Zambi ngunambe. Kololoka ngwe: Tangwa lia lamba kulineza!

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Amose 8:10

Mungukalumuna yiteleka yenu kubwa ngwe tangwa lia yinyengo ha kufunda afu, ni kwalumuna miaso yenu ya chiseke kubwa ya yinyengo. Munukatewula tuwewe ni kuzala mianji. Munukabwa ngwe yisemi waze analiji mwano wa lunga umuwika. Tangwa lize mulikabwa libi ndoo ku songo. Yami Mwene Zambi nachamba.

Mika 1:16

Yenu tewulenu tuwewe mumu hali ana jenu waze nwazanga. Lipwisenu akwa lwole, mumu ana jenu kumaakaatwala mu undungo mu chifuchi cha mbala.

Kwalula 25:4

yambila Mose ngwenyi: “Twala miata ja Aisraele eswe waze haangukolema, waashihe ku meso ja atu eswe, mba chichi kutenukina nawa atu.”