Jeremia 4:7 - Mukanda Wa Zambi 1970

⁷ Ngwe tambwe yoze unakatuka mu chivwenge chenyi, mukwa kwonona mavungu hakatuka. Kaneza ni kwonona Yuda. Membo ja Yuda kumaakenyeka, kukuchi katwama niumwe.

MUKANDA USANDU WA ZAMBI 1975

⁷ Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 4:7 Iomraidhean Croise

1 MIANANGANA 24:1

Ha matangwa ja kuyula cha mwanangana Jehoakime, mwanangana Nebukanezore wa chifuchi cha Babilonia yanjila mu chifuchi cha Yuda, yayula ni tachi. Ha miaka yitatu Jehoakime yamwononokena, mwabwamuze yamukatukila.

1 MIANANGANA 25:1

Zedekia yakatukila mwanangana Nebukanezore wa ku chifuchi cha Babilonia. Kashika Nebukanezore yeza ni tujita twenyi eswe ni kwasa jita ni akwa Yerusaleme, ha tangwa lia muchikumi lia kakweji wa muchikumi ha mwaka wa muchilivwa wa kuyula cha mwanangana Zedekia. Yaajika musumba hehi ni limbo, yaajingilika chipanga cha mawe,

Izaya 1:7

Chifuchi chenu hichabwa chahululu, membo jenu hoocha kahia. Yilambala haanatambula chifuchi chenu ni kwonona yuma yeswe, ni yenwene nunachimono.

Izaya 5:9

Nevwile Mwene Zambi Mukwa Ndundo Jeswe nikwamba ngwenyi: “Mazuwo eswe waze anene, abema kumaabwa ahululu.

Izaya 6:11

Yinguhula ngwami: “Mwene Zambi, ndoo tangwa lika muchikabwa chino?” Yangukumbulula ngwenyi: “Ndoo membo maakabwa ahululu ni che chifuchi muchikabwa cha woya.

Jeremia 2:15

Yaamukenanyina ngwe tambwe, chifuchi chenyi yaachipwisa puya, yeenyeka yihunda yenyi, yiiyalumuka yikulu.

Jeremia 22:6

“Kuli yami, zuwo lia wanangana lia Yuda lili libema ngwe chifuchi cha Gileade, ngwe milundu ya Libano; alioze mungulipwisa liamokomoko kuze mutu niumwe kahashile kutwama.

Jeremia 22:7

Ngunatumu atu ni kulionona. Ayo eswe maambata jimbu jo, maanunguna mitondo sedru yeswe yibema, ni kuyilumba ha kahia.

Jeremia 25:38

Mwene Zambi hehuka atu jenyi ngwe chize tambwe akutuhuka mu chivwenge chenyi. Mwongo wa jita ni ufwatulo wa Mwene Zambi hiwalumuna chifuchi kubwa puya yamokomoko.

Jeremia 25:9

‘Mungutambika atu eswe a ku norde ni kavumbi kami mwanangana Nebukanezore wa ku Babilonia. Mungwakoka ase jita ni Ayuda ni enyembo eswe ja mavungu. Mungwonona vungu lino ni e enyembo jo ni kwapwisa amokomoko ndoo ku miaka yeswe, Chuma cha mwongo ni cha kuyunga. Yami, Mwene Zambi, nachamba.

Jeremia 26:9

Mumu yika hiwamba mu jina lia Mwene Zambi ngwe, zuwo lino kumulibwa ngwe Shilo, chikwo ngwe, limbo lino mulibwa yikulu, mutu niumwe kechi kutwama mo nawa?” Mba atu yaangulundumukina.

Jeremia 27:8

“ ‘Alioze nyi limwe vungu hanji umwe mwanangana keechi kuzeyela ku chiyulo chenyi, mba yami mungukamwesa vungu lize lamba mu jita, ni zala, ni musongo, ndoo mungukatayiza Nebukanezore kulimanununa liakulu.

Jeremia 33:10

Mwene Zambi yamba ngwenyi: “Atu kaakwamba ngwo, muma muno muli ngwe puya, kumushi atu chibwe tushitu. Chili Chenacho; membo ja Ayuda ni majila a mu Yerusaleme kaali amokomoko; kumushi atu chibwe tushitu. Alioze muma muno kumunukevwa mo nawa

Jeremia 34:22

Mungukaaha Shimbi, hanga akahiluke nawa ku limbo lino. No maakasa jita ni e akwa limbo, maakatambula lie limbo ni kuliocha kahia. Membo ja Ayuda mungukaapwisa ngwe puya kuze niumwe kechi katwama ko. Yami Mwene Zambi nachamba.”

Jeremia 4:29

Ha kwivwa lundunjila wa akwa kwendela ha tuvwalu ni akwa mata a kwasa, atu eswe kumaakachina chizunguzungo. Amwe maakachinyina ku usaki, akwo maakanyina ku mawe. Yihunda yeswe muyikasala yahululu, kumuchi kasala niumwe.

Jeremia 44:2

Mwene Zambi, Mukwa Ndundo Jeswe, Zambi ya Israele, kanambe ngwenyi: “Hinunamono yenwene chize nenyekene Yerusaleme ni membo eswe ja Yuda. Chibwe haliabwila kaali akwenyeka, niumwe keshimo,

Jeremia 46:18

Yami Mwene Zambi, Mukwa Ndundo Jeswe, nguli mwanangana. Nguli Zambi ya mwono. Ngwe chize Tabore kanahiana milundu yikwo ni Karmele kali musuku helu lia kalunga lwiji, chenacho makabwa tachi ja yoze makasa nenu jita.

Jeremia 49:19

Ngwe chize tambwe unatuhuka mu mushitu ku mbumbulu ya Yordau nikuya kuze akulishila yimuna, Chenacho nawa munguhanga Aedome susumuku mu chifuchi cho. Mba mwata yoze mungukatongola makayula lie vungu. Iya walifwa ni yami? Iya mahamuka ha kulimika ni yami? Mukwa kuyula iya mangulituna?

Jeremia 5:6

Kashika maakaashiha kuli tambwe a mu usaki, kumaakaapapujola kuli tungunga a mu puya, kolwama kumaakaajikinyina mu yihunda yo. Atu wano, nyi atuhwoka, kumaakaapapujola yihanda yihanda, mumu milonga yo hiyoka, yisuho yinji haanehuka Zambi.

Jeremia 50:17

Mwene Zambi kanambe ngwenyi: “Aisraele kaali ngwe mapanga, waze haazomba ni haamwanga kuli tambwe. Hatangu, mwanangana wa Asuria yasa no jita. Mba mwanangana Nebukanezore wa Babilonia yabolotota yifwaha yo.

Jeremia 50:44

“Ngwe chize tambwe akutuhuka mu mushitu ku mbumbulu ya Yordau nikuya kuze akulishila yimuna, yami Mwene Zambi, mungwiza ni kuhanga Ababilonia susumuku mu limbo lio. Mba mutu yoze mungukatongola makayula lie vungu. Iya walifwa ni yami? Iya mahamuka ha kulimika ni yami? Mukwa kuyula iya mangulituna?

Jeremia 8:16

Akwa kole jetu haanjila kulu mu limbo lia Dane; tunevu kubwoza cha tuvwalu two. Chifuchi cheswe chinachikima muze anevu kukangwoka cha tuvwalu two. Akwa kole jetu heeza ni kwonona chifuchi chetu ni yuma yamo yeswe, ni limbo lietu ni e atu jamo eswe.”

Jeremia 9:11

Mwene Zambi kanambe ngwenyi: “Mungupwisa Yerusaleme mulumba wakwenyeka, muma mwakutwama mikuza; membo ja Ayuda maalumuka puya, muma muze kumwatwamine atu.”

Ezekiel 12:20

Membo waze anazala ni atu maakoonona, minda muyikalumuka puya. Mba maakanyingika ngwo, yami nguli Mwene Zambi.”

Ezekiel 21:31

Munukamona ndundo ja ufwatulo wami, mungukanwalumukina ngwe milengi ya kahia. Mungukanukunjika kuli atu akalu waze maakanwonona.

Ezekiel 32:2

“Mwana mutu, toweza mwanangana wa Egiptu. Mulweze maliji jami wano ngwami, wakunyonga ngwe uli tambwe hakachi ka mavungu, alioze uli ngwe ngandu wa mu kalunga lwiji. Wakuvundula meya ni molu je, wakubihisa njiji jeswe.

Daniel 5:19

Neye yabwa munene lume. Kashika atu a ku yifuchi, ni mavungu, ni maliji eswe yaamuvwila woma, yaachikima. Nyi ngwe hazanga kushiha umwe mutu, te kakuchilinga; nyi ngwe hazanga kufunga umwe ni mwono, hindu te kakuchilinga. Yoze te anazange kulemesa, yamulemesa; ni yoze te anazange kulelesa, yamulelesa.

Daniel 7:4

Mutangu yalifwa ngwe tambwe, alioze yabwa ni mapulwa ngwe tela. Muze te ngunatale, mapulwa yaatukwoka. Mwe ngongo yamwolola, yamana ngwe mutu. Mba yaamwaha manyonga ja utu.

Alevi 26:31

mungukapwisa membo jenu ahululu, ni kwonona yilumbilo yenu. Mungukalituna milambu yenu.

Alevi 26:33

Mungukanukokela jita, ni kunumwangina mu yifuchi ya yilambala. Chifuchi chenu muchikabwa puya, ni membo jenu maakalumuka yikulu.