Jeremia 4:4 - Mukanda Wa Zambi 1970

⁴ Fungenu Usendo wenu ni yami, Mwene Zambi yenu, likunjikenu kuli yami, yenu Ayuda ni akwa Yerusaleme. Nyi ka, munwivwa ufwatulo kuhiana ngwe kahia kaze kakulekwoka mumu ha yibi yize hinunalingi. Kumukalekwoka, kukuchi kubwa niumwe yoze makajima.”

MUKANDA USANDU WA ZAMBI 1975

⁴ Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 4:4 Iomraidhean Croise

2 Sango Ja Mianangana 34:25

mumu haanangulitunu yami ni haanalambula milambu kuli mazambi eka, haanangwihi ku yeswe yize haanalingi. Ngunevwila akwa Yerusaleme ufwatulo uze kuuchi kahwa.

Izaya 10:17

Zambi, ndeya ya Aisraele, malumuka kahia. Zambi munangi wa Aisraele malumuka mulengi wa kahia uze muwocha yuma yeswe, chibwe mingonga ni mikalale ha tangwa limuwika.

Izaya 30:33

Jiko lia kahia alilulikile kulu lia kwochela mwanangana wa Asuria. Lili linene ni lisuku, yilizala ni kunyi. Mwene Zambi makafuza mulengi wa kahia wa kujocha.

Izaya 51:17

Yerusaleme, laula! Hinduka, ukatuke! Hiunanu musenge wa lamba uze Mwene akunwishine ni ufwatulo wenyi; hiunanu ni je ndoka, hiunapiepieta.

Jeremia 15:14

Mungwapwisa akwa kulingila akwa kole jo mu chifuchi chize kaanyingikine, mumu ufwatulo wami uli ngwe kahia, kumukalekwoka ndoo ku miaka yeswe.”

Jeremia 21:5

Yami mwene mungwasa nenu jita ni ndundo jami jeswe, ni utenu ni ufwatulo wami.

Jeremia 23:19

Ufwatulo wenyi uli ngwe kangonga, yoze unatukunga ha mitwe ya yingulungulu,

Jeremia 36:7

Hanji maalemba kuli Mwene Zambi, ni kuhichika ungulungulu wo, mumu Mwene Zambi kanambe kumwesa atu wano lamba mu utenu ni ufwatulo wenyi.”

Jeremia 44:22

Kashika musono uno chifuchi chenu haachenyeka, niumwe kechi kutwama mo nawa. Atu kaakulishimwoka ha kuchimona, kaakushingana ni jina liacho, mumu Mwene Zambi te kahashile kulihumikiza nawa ni yenu mumu ha ungulungulu wenu ni yitanga yenu yibi.

Jeremia 9:25

Mwene Zambi hanambe ngwenyi: “Tangwa kulineza lize mungukamwesa akwa Egiptu lamba, ni Ayuda, ni Aedome, ni Aamone, ni Amoabe, ni atu waze akutwama mu puya, waze akukamba kambu jo. Mavungu wano eswe kaali yilima, alioze keeshi kufunga Usendo wami. Atu wano eswe chibwe Aisraele keeshi kufunga Usendo wami.”

Lungungu 4:11

Mwene Zambi yasolola ufwatulo wenyi unji Wahiana; yawika kahia kaze yochela limbo lia Zione liakulu.

Ezekiel 16:38

Mungukakuhisa mumu washihile atu ni mumu ha utanji we, mba mu utenu ni ufwatulo wami mungukakushiha.

Ezekiel 18:31

Mbilenu ungulungulu weswe uze nwakulinga, nubwe ni manyonga aha ni mbunge jaha. Mumu yika yenu Aisraele nwakuzanga kufwa?

Ezekiel 20:33

Mwene Zambi kanambe ngwenyi: “Ni mwe yami mwene, ngunanulweze ngwami, mu ufwatulo wami mungukanuyula ni kwoko lia tachi, ni ndundo jami jeswe.

Ezekiel 21:17

Yami mungulamba koshi, mba ufwatulo wami kumuuhwa. Yami, Mwene Zambi, nachamba.”

Ezekiel 24:13

Yerusaleme, yitanga ye ya utanji hiyakuchisa. Chibwe nesekele kukubemesa hindu hiunabu mukwa luchisa. Kuuchi kubema nawa ndoo wamona tachi jeswe ja ufwatulo wami.

Ezekiel 24:8

Yingwahichika chizechene, keeshi kushikila, hanga ngwakale mu utenu wami.”

Ezekiel 44:7

Haanajilula zuwo liami muze te akutayiza yilambala yilima, atu waze keeshi kungwononokena, kunjila mo muze te mahako akungulambwila milambu ya maji ni manyinga. Chenacho atu jami haashiha Usendo wami mumu ha yuma yo ya kuzelwokesa yize haanalingi.

Ezekiel 6:12

Waze ali kusuku maakafwa ni misongo; waze ali hakamwihi maakafwa mu jita; waze maakasala ni mwono maakafwa ni zala. Kumaakamona ndundo jeswe ja ufwatulo wami.

Ezekiel 8:18

Kumaakamona ndundo jeswe ja ufwatulo wami. Chichi kwecha kwamwesa lamba, chichi kweevwila keke. Maakololoka kuli yami ni tachi jeswe, alioze chichi kubanjika.”

Alevi 26:28

mba mu ufwatulo wami mungukalimika ni yenu. Mungukanumwesa nawa lamba yisuho shimbiali.

Alevi 26:41

Yaangwihia ha kulimika no, mba yingwatuma mu undungo mu chifuchi cha akwa kole jo. Ha kusula, muze vungu lienu haamona lamba mumu ha milonga yo ni ha uhulia wo,

Amose 5:6

Yeenu kuli Mwene Zambi, mba munubwa ni mwono. Nyi ka, makaholoka ngwe kahia hali Aisraele. Kahia kaze mukakocha atu ja mu Betele; niumwe kechi kakajima.

Zefania 2:2

shimbu kanda nuuma ni kulekama ngwe yitemo, shimbu kahia ka ufwatulo wa Mwene Zambi kanda kachikundama, shimbu kanda achisolola utenu wenyi.

A-ROMA 2:25

Nyi wakwononokena Shimbi, kachi Ungalami we muubwa ulemu. Alioze, nyi wakulumbula Shimbi, chili ngwe uli chilima.

Shimbi 10:16

Kashika chize musono, ononokenenu Mwene Zambi, litwaminenu uhulia.

Shimbi 30:6

Yenu ni vungu lienu Mwene Zambi makanwaha mbunge ja kwononoka, hanga nukamuzange ni mbunge jenu jeswe, nukanyongonone mu chifuchi chize.

Shimbi 32:22

Ufwatulo wami muubwa ngwe kahia kaze mukakocha yuma yeswe hashi. Mukocha hashi ndoo mu chifuchi cha afu ni kunongesa milundu kushi.

Kolosu 2:11

Mu kulinunga nenyi, hananupwisa ngalami, hi Ungalami wa kuli atu ko, alioze wa kuli Kristu. Ungalami uno uli utuswilo ku chiyulo cha mujimba uno wa shili.