Jeremia 4:3 - Mukanda Wa Zambi 1970

³ Mwene Zambi kanambila Ayuda ni akwa Yerusaleme ngwenyi: “Limenu minda yenu; kanda nutumba mbuto jenu mukachi ka mingonga.

MUKANDA USANDU WA ZAMBI 1975

³ Mumu Yehova kanambe kuli malunga ja Yunda ni akwa Yerusaleme ngwenyi, Chipula mavu aze kunwalimine, kanda nukuwa mbuto hakachi ka mbimbo.

Jeremia 4:3 Iomraidhean Croise

Ubutukilo 3:18

Hashi muhakusokela mikalale ni mbimbo. Muukalia yilimalima.

Kutuhuka 23:11

alioze ha mwaka wa muchishimbiali ukahwimise mavu, yikabwe yihutu, hanga atu jami yiswale akalie kama. Mba yize muyikasala, tushitu a mu yambu no akalie. Chimuwika nawa ni minda ye ya vinyu ni ya olive.

Hosea 10:12

Ngwami: ‘Limenu mavu aha, litumbilenu mihuko ya ululi, hanga nuhele mihuko ya yiwape ya kukunjika chenu kuli yami. Tangwa hiliaheta lia kutewulukila kuli yami Mwene Zambi yenu, mba mungunuwahisa.’

Mateu 13:22

Akwo akutambula mbuto mukachi ka mingonga. Enoo akwivwa longeso, alioze yibikalo ya hashi hano ni kwonga cha ubite yakukeketesa longeso, mba muliseka.

Mateu 13:7

Mbuto yikwo yiiholokela mukachi ka mingonga. Ye mingonga yiitatuka, yiikeketesa yibuta.

Marku 4:7

Mbuto yikwo yiiholokela mukachi ka mingonga. Ye mingonga yiitatuka, yiikeketesa yibuta, kuyemine ko mihuko.

Luka 8:14

Akwo akutambula mbuto mukachi ka mingonga. Kaalifwa ni waze akwivwa liji lia Zambi, alioze yibikalo, ni upichi, ni kuwaha cha mwono wa hashi kuyakwakumba, keeshi kwima mihuko yingunu.

Luka 8:7

Yikwo yiiholokela mukachi ka mingonga. Ye mingonga yiitatuka hamwe ni mbuto yibema, yiikeketesa yibuta yize.