Jeremia 4:2 - Mukanda Wa Zambi 1970

² mba muchilita kuli yenu kulishinga ni jina liami. Hohene mavungu eswe maanguhula ngwawahise, mba maanguchichimieka.”

MUKANDA USANDU WA ZAMBI 1975

² nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 4:2 Iomraidhean Croise

Ubutukilo 22:18

Mba akwa hashi eswe maakazanga ngwawahise ngwe chize hinawahisa yena, mumu yena hiunononoka ku maliji jami.’ ”

1 Yitanga Ya Mianangana 3:6

Mwanangana ngwenyi: “Matangwa eswe walwezele zango linji kuli kavumbi ke tata David, te kali mukwa ululi ni umwenemwene, ni mukwa mbunge ya kutuwika. Yiunyongonona ni kumulweza zango lia kumwaha mwana wa lunga yoze unamuhingi musono uno.

Miaso (Masamu) 72:17

Jina lienyi atu kanda alivulama, lufuma wenyi alinduluke ngwe chize liakulinduluka tangwa. Mavungu eswe amuchichimieke, ahule Zambi aawahisa; atu no awahise mwe mwanangana.

Miaso (Masamu) 99:4

Mwanangana mukwa ndundo, yena wakuzanga ululi, wakukolesa umwenemwene ni ululi mu Israele.

Izaya 45:23

Chilakenyo chami chili chamwenemwene, kuchichi kwalumuka. Nalishingile ngwami: atu eswe maakeza ni kufukama, ni kungulakenya ngwo, mutubwa akwa kushishika.

Izaya 45:25

Yami, Mwene Zambi, mungukalamwina vungu lieswe lia Yakoba, no maakanguchichimieka.

Izaya 65:16

Mu chifuchi mweswawo mahula ha kumuwahisa, mahula kuli Zambi wamwenemwene. Mweswawo malishinga, malishinga ni jina lia Zambi wamwenemwene. Kumakavulama lamba likulu.”

Jeremia 10:10

Alioze yena Mwene Zambi uli Zambi yamwenemwene, Zambi ya mwono, mwanangana wa miaka yeswe. Muze yena wakutenuka, hashi kuhakuchikima. Mavungu keeshi kuhasa kulihumikiza ni ufwatulo we.

Jeremia 12:15

Alioze muze hinaatwala kusuku, mungukeevwila nawa keke; mungukahilwisa vungu lieswe ku chifuchi chenyi, ni ku chihinga chenyi mwene.

Jeremia 12:16

Nyi maakatayiza ndako ja atu jami ni mbunge jo jeswe, ni maakalishinga ngwo: ‘Ni Mwene Zambi,’ ngwe chize abwile ni kulingesa atu jami kulishinga ni jina lia hamba Bale, mba no nawa maakabwa a ku mbunga ya atu jami; kumaakawaha.

Jeremia 16:19

Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Jeremia 3:17

Muze tangwa lize mulikeza, Yerusaleme maakamuvuluka ngwo: ‘Chitwamo cha Mwene Zambi,’ ni mavungu eswe maakakunguluka ko ni kuwayila. Keechi kabwa nawa ni pami ja kulinga yuma ya ungulungulu.

Jeremia 33:9

Yerusaleme mulikabwa limbo lia chiseke, ni ulemu, ni liakuchichimieka nalio. Mavungu eswe a hashi kumaakevwa woma, kumaakachikima muze maakevwa yuma yibema yize hinalinga akwa Yerusaleme, ni chize hinaayukisa.”

Jeremia 5:2

Chibwe nwakulishinga ni jina lia Mwene Zambi, hindu nunalishingi ni mahuza.

Jeremia 7:5

“Alumukenu ku mbunge, litwaminenu ndako jenu jibi. Lilingenu yibema umwe ni mukwo.

Jeremia 9:24

Yoze mazanga kulisamba, alisambe ngwenyi, kanangunyingika ni kakungwivwa. Mumu zango liami kulishi kuhwa, nakulinga yuma ya ululi ni yize yinalite. Yino ye yuma yize yakunguwahila. Yami Mwene Zambi nachamba.”

Hosea 2:19

Israele, mungukakumbata; mungukabwa wanjika kanda mukwa kushishika. Mungukakulweza utu ni kukuvwila keke; mungukakupwisa niwami ndoo ku miaka yeswe.

Joele 2:12

Mwene Zambi ngwenyi: “Chibwe chocho, alumukenu ku mbunge nuhiluke kuli yami nujile kulia, nulile ni kunenganyana.

Malaki 1:11

Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

1 Korintu 1:31

Ngwe hichinasonewa mu Mukanda wa Zambi ngwo: “Yoze malisamba, alisambe ni yuma yize Mwene Yesu hanalingi.”

2 Korintu 10:17

Alioze ngwe chize Mukanda wa Zambi unambe: “Yoze unazange kulisamba, alisambe ni chize alingile Mwene Zambi.”

Galashia 3:8

Mukanda wa Zambi yiulianga kumona kulutwe ngwo, Zambi makapwisa waze hi Ayuda ko akwa ululi, mumu ha ufulielo wo. Kashika yiwambujola shimbu kanda sango jino kuli Abrahama ngwo: “Zambi makawahisa akwa hashi eswe mumu hali yena.”

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 4:30

Muze munukamona lamba, ni yuma yino yeswe muyikanuwana munukahiluka kuli Mwene Zambi ni kumwononokena.

Shimbi 6:13

Vwilenu Mwene Zambi, Zambi yenu, woma, muwayilenu iye wika, nulishinge ni jina lienyi wika.

Filipu 3:3

Mumu yetu, tuli ngalami amwenemwene, hi ngwe ayo ko, mumu twakuwayila Zambi ku tachi ja Mwiku wenyi, twakulisamba mu kulinunga chetu ni Kristu Yesu. Kutushi kufuliela ndako ya uutu.

Rute 3:13

Kuheshi Chuma, muuhasa kubomba muno ndoo ha chichamene. Hamene mutukatala nyi mutu yoze matayiza kukumbata. Nyi chocho muchibema, nyi ka, ni mwe Zambi ya mwono, ulungukumbata.”

1 Samuel 20:3

Alioze David ngwenyi: “Tatenu kananyingika kanawa chize wakunguzanga. Kashika ananyongo ngwenyi: ‘Jonatane kanda anyingika Chuma chino, kuchina mevwa kubiha.’ Ni mwe Zambi ni mwe yena mwene kwangusala hakehe ni kufwa.”