Jeremia 4:10 - Mukanda Wa Zambi 1970

¹⁰ Mba yingwamba ngwami: “Mwene Zambi hiwonga akwa Yerusaleme liakulu! Wambile ngwe mukukabwa uhwimino, alioze mukwale uli ha kota jo.”

MUKANDA USANDU WA ZAMBI 1975

¹⁰ Ami yingwamba ngwami, Mwene Yehova, hiwonga liakulu wano atu ni A-Yerusaleme ngwe, Muchipwa chipema ni yenu, alioze katana hanahete kwe ku mwono wo.

Jeremia 4:10 Iomraidhean Croise

Kutuhuka 5:22

Mose yalinyenga ku meso ja Mwene Zambi ngwenyi: “Mwene Zambi kuchi mba unalingi atu wano chibi? Yika mba unakangutumina kuno?

Kutuhuka 9:14

Chisuho chino mungunumwesa lamba, hi akwa kuyula ni atu je wika ko, alioze ni yena mwene nawa, mba muunyingika ngwe, hashi heswe kuheshi mukwo walifwa ni yami Zambi.

Izaya 30:10

Kaakwambila akwa munanyi kuhola kulungungaa ngwo: “Kanda nuhanjika kuli yetu hakutwala ku ululi. Tulongesenu kwetu chize twakuzanga kwivwa. Twechenu kwetu cheswacho tubwa.

Izaya 37:35

Mungufunga limbo lino ni kulilamwina, mumu hali yami mwene, ni mumu ha chilakenyo chize nalakenyene kavumbi kami David.’ ”

Izaya 63:17

Mumu yika hiwatwecha tupiasuke mu majila je? Kuchi mba wakutukalisa mbunge hanga tukumbe nyima? Hiluka kama mumu hali tuvumbi twe, mumu hali atu je.

Jeremia 1:6

Yingukumbulula ngwami: “Mwene Zambi, Chishi kuhasa kuhanjika, ni mwene nguchili kwami mukweze”.

Jeremia 23:17

Kuli atu waze akulituna longeso liami, kaakwamba ngwo: ‘Munukawaha!’ Kaakulweza akwa pami ngwo: ‘Lamba kulichi kanuwana.’ ”

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Jeremia 4:18

Yuda, yino yeswe yena mwene walikokela yo ha ndako je jibi, ni yuma yize hiunalingi. Shili ye hiyakukokela lamba lino; hiyakutuwa mu mbunge.

Jeremia 5:12

Aisraele haanalitunu Zambi nikwamba ngwo: “Zambi kechi kulinga nichimwe. Kutuchi kumona lamba, chibwe jita hanji zala.”

Jeremia 6:14

Kaakunyonga ngwo, yilonda ya atu jami yili yamokomoko. Kaakwamba ngwo: ‘Yeswe yinawaha,’ alioze kuma ka.

Jeremia 8:11

Kaakunyonga ngwo, yilonda ya atu jami yili yamokomoko. Kaakwamba ngwo: “Yeswe yinawaha,” alioze kuma ka!

Lungungu 2:21

Twanuke ni tushinakaji kaakufwila mu majila, akweze a malunga ni a mapwo kaakufwa ku mikwale ya akwa kole jo. Hiwaashiha ni keke kama ka ha tangwa lia ufwatulo we.

Ezekiel 11:13

Muze te ngunahanjika munanyi, kuma Pelatia hafwa kwenyi. Yingufulamana hashi, yingukololoka ngwami: “Ka, hi chocho ko Mwene Zambi! Kuma muushiha atu eswe mu Israele waze haasalasala ni mwono, nyi?”

A-ROMA 1:24

Kashika, Zambi wakwakunjika ku yitanga yibi nikulita ni usolo wa mbunge jo, ni kulinga cha sonyi ni mijimba yo ene.

A-ROMA 1:26

Kashika, Zambi wakwakunjika ku usolo ubi ha kulinga yuma ya sonyi. Chibwe mapwo jo haanalumuna chize chinalite ni mijimba yo ni chize kuchalitele.

A-ROMA 1:28

Kaakulituna chinyingi cha umwenemwene hakutwala kuli Zambi. Kashika Zambi wakwakunjika ku manyonga a kulumbuka ha kulinga yuma yize kuyalitele.