Jeremia 4:1 - Mukanda Wa Zambi 1970

¹ Mwene Zambi kanambe ngwenyi: “Yenu Aisraele, nyi nunazange kwalumuna, alumukenu nuhiluke kuli yami. Nyi nwambila mahamba waze nakuvutwokela ni kushachila hali yami,

MUKANDA USANDU WA ZAMBI 1975

¹ Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Jeremia 4:1 Iomraidhean Croise

Ubutukilo 35:2

Mba Yakoba yambila akwa zuwo lienyi ni waze eswe abwile hamwe nenyi ngwenyi: “Mbilenu mahamba a yilambala waze nuli no hakachi kenu, chizenu manyonga eswe abi a mu mbunge jenu, nuzale mahina aha.

1 MIANANGANA 23:13

Mwanangana Josia yabuzwola nawa yilumbilo yize atungile mwanangana Solomone ku chivumbuko cha Yerusaleme, ku sude lia mulundu wa Olive, ya kuwayila mahamba a yizelwokeso: Astarte zambi wa pwo wa limbo lia Sidone, ni Chemoshi zambi ya mu chifuchi cha Moabe, ni zambi ya mu chifuchi cha Amone.

1 MIANANGANA 23:24

Mwanangana Josia yakomba mu Yerusaleme ni mu chifuchi cha Yuda tahi eswe, ni yuma yeswe yize akwa mavungu akuwayila nayo. Yachilinga akamanunune maliji a Shimbi, waze asonewene mu mukanda uze hako Hilkia awanyine mu zuwo lia Zambi.

2 Sango Ja Mianangana 15:8

Muze mwanangana hevwa maliji ja Azaria, mwana wa Obede, yatakama. Yachiza mahamba eswe a mu yifuchi ya Yuda ni Benjamine ni mahamba eswe a mu membo waze akumbile ku milundu ya Efraime. Yalulika nawa chilumbilo cha Mwene Zambi mu yiize ya zuwo lia Zambi.

2 Sango Ja Mianangana 33:8

Nyi Aisraele maalinga yuma yeswe yize nambile, ni kufunga Shimbi jami jeswe jize aahele kuli kavumbi kami Mose, mba chichi kutayiza akwa kole jo kwaahuma mu chifuchi chize nahanyine kuli tushakulu two.”

2 Sango Ja Mianangana 34:33

Mwanangana Josia yachiza yizelwokeso yeswe ya mu chifuchi cha Israele. Ha matangwa eswe a mwono wenyi, yashinjila atu ni kulingila Mwene Zambi, Zambi ya tushakulu two.

Izaya 31:6

Mwene Zambi yamba ngwenyi: “Yenu Aisraele, nwanguvulumwine, nwangukatukilile. Alioze haliabwila, hilukenu kuli yami!

Jeremia 15:19

Mwene Zambi yakumbulula ngwenyi: “Nyi wahiluka, mungukutambula, mba muubwa nawa kavumbi kami. Nyi ngwe wahanjika umwenemwene, hi maliji amokomoko ko, mba muubwa nawa mukwa munanyi wami. Atu maatalikisa kuli yena, hi yena ko muutalikisa kuli ayo.

Jeremia 15:4

Akwa hashi eswe maalishimwoka mumu hali ayo, mumu ha yize Manase mwana wa Hezekia mwanangana wa Ayuda alingile mu Yerusaleme.”

Jeremia 18:11

Kashika haliabwila, lwezenu Ayuda ni akwa Yerusaleme ngwami, ngunalulika kulimika no nikwamwesa lamba. Alweze alumuke, alitwamine kulinga yibi.

Jeremia 24:9

Mungwakokela lamba linji, mba mavungu eswe a hano hashi meevwa mwongo. Kumaakekuna, ni kwachoka ni kwalelesa, ni kwalumuna jina kubwa lia Shingo kweswako mungwamwangina.

Jeremia 25:5

Yaanulongesa kwehuka ungulungulu wenu ni yibi yize te nwakulinga, mba hanga nuhase kutwama mu chifuchi chize Mwene Zambi anuhele yenu ni tushakulu twenu kubwa chihinga cha miaka yeswe.

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:12

Yangutuma ni kulweza Israele ngwenyi: “Yena chihulia, hiluka kuli yami. Nguli mukwa keke, chichi kutenuka, chichi kukutenukina ndoo ku miaka yeswe.

Jeremia 3:14

“Yenu yihulia, hilukenu kuli yami. Mungwanda umuwika umuwika ku chihunda cheswe, aali aali a ku jiko lieswe, ni kunuhilwisa ku mulundu wa Zione.

Jeremia 3:22

Hilukenu, yenu eswe waze nwehukile Mwene Zambi, kumanuwuka, manupwisa akwa ululi. Nwakwamba ngwenu: “Ewa, tuneza kuli Mwene Zambi, mumu kali Zambi yetu.

Jeremia 35:15

Matangwa eswe te nakunutumina tuvumbi twami akwa munanyi. No yaanulweza nwehuke ndako jenu jibi ni kulinga yize yinalite. Haananukanyamisa kulitwamina kuwayila ni kulingila mazambi eka, hanga nutwame miaka yinji mu chifuchi chize hingunanwehe yenu ni tushakulu twenu. Alioze kunwangwivilile ko, kunwangubanjikile ko.

Jeremia 36:3

Tangwa likwo muze Ayuda meevwa yeswe yize hingunanyongo kulinga hali ayo, maalumuna ndako jo jibi. Mba mungwakonekena ungulungulu wo ni milonga yo.”

Jeremia 4:4

Fungenu Usendo wenu ni yami, Mwene Zambi yenu, likunjikenu kuli yami, yenu Ayuda ni akwa Yerusaleme. Nyi ka, munwivwa ufwatulo kuhiana ngwe kahia kaze kakulekwoka mumu ha yibi yize hinunalingi. Kumukalekwoka, kukuchi kubwa niumwe yoze makajima.”

Jeremia 7:5

“Alumukenu ku mbunge, litwaminenu ndako jenu jibi. Lilingenu yibema umwe ni mukwo.

Jeremia 7:7

Nyi nwalumuka ku mbunge, mba mungunutayiza kutwama mu chifuchi chino nahanyine kuli tushakulu twenu kubwa chihinga cho cha miaka yeswe.

Ezekiel 11:18

Muze maakahiluka, chaatamba kuchiza mo yuma yeswe ya luchisa, ni mahamba eswe a kuzelwokesa waze maakawana mo.

Ezekiel 18:13

Kakuhana mbongo ni kufumbula mbwezo. Mwana ngwe yoze makatwama ni mwono, nyi? Kaa! Hanalingi yuma yino yeswe ya kuzelwokesa, kashika kumakafwa. Uhiso wa kufwa chenyi muukabwa wa iye mwene.

Ezekiel 43:9

Haliabwila chaatamba kulitwamina kuwayila mazambi akwo ni kuchiza afu, enoo mianangana jo. Nyi maachilinga, mungukabwa mukachi ko ndoo ku miaka yeswe.”

Hosea 14:1

Aa Aisraele, hilukenu kuli Mwene Zambi, Zambi yenu. Shili yenu yinanutalingisa ni kunulimbwisa.

Hosea 2:2

Ana jami, lembejekenu noko, chibwe hi pwo liami ko nawa, ni yami hi nguli nawa lunga lienyi ko. Mulembejekenu alitwamine kulinga utanji.

Hosea 7:16

Kaakungwehuka ni kuwayila zambi yoze keshi tachi. Kaali ngwe uta wa kwasa uze kaalemene lukusa ni tachi, mumu akwa lutwe jo kaakuhanjika ni kulengumuka, alioze kumaakafwa cha ponde, akwa Egiptu kumaakaaseha.”

Joele 2:12

Mwene Zambi ngwenyi: “Chibwe chocho, alumukenu ku mbunge nuhiluke kuli yami nujile kulia, nulile ni kunenganyana.

Zakaria 1:4

Kanda nubwa ngwe tushakulu twenu. Mumu mwaka wali akwa munanyi te kaakwalongesa maliji jami, yaalweza ngwo: ‘Kanda nubwa yingulungulu, kanda nuvulumuna.’ Alioze kaangubanjikile ko, kaangwononokenene ko.

Shimbi 27:15

“ ‘Mwene Zambi akashinge yoze malinga hamba wa mawe, hanji wa mutondo, hanji wa utale ni kumukombelela. Mwene Zambi kakuvutwokela mahamba.’ “Atu eswe maakatayiza ngwo: ‘Chibwe kama Chenacho!’

Shimbi 4:30

Muze munukamona lamba, ni yuma yino yeswe muyikanuwana munukahiluka kuli Mwene Zambi ni kumwononokena.

Yoshua 24:14

Yoshua yaweza ho maliji ngwenyi: “Kashika, haliabwila lemesenu Mwene Zambi, numulingile ni mbunge yimuwika ya kushishika. Mbilenu mahamba waze te tushakulu twenu akukombelela mu yifuchi ya Mesopotamia ni Egiptu; lingilenu Mwene Zambi wika.

Akwa Kuyula 10:16

Chenacho Aisraele ehukile mazambi ja yilambala, yaawayila Mwene Zambi yo. Neye yevwa chinyengo mumu ha lamba lia Aisraele.

1 Samuel 7:3

Samuel yambila Aisraele ngwenyi: “Nyi munuhiluka kuli Mwene Zambi ni mbunge jenu jeswe, chizenu mazambi eswe a yilambala hakachi kenu, ni mahamba ja zambi wa pwo Astarte. Likunjikenu liakulu kuli Mwene Zambi ni kumulingila iye wika. Mba makanulamwina ku moko ja Afilistia.”