Jeremia 3:9 - Mukanda Wa Zambi 1970

⁹ Kevwile ko sonyi nichimwe, yabihisa che chifuchi nikulinga utanji ni kuwayila mawe ni mitondo.

MUKANDA USANDU WA ZAMBI 1975

⁹ Mumu ukoi yiulela kuli iye, kashika yachisa chifuchi cheswe nikulinga utanji ni mawe ni mitondo.

Jeremia 3:9 Iomraidhean Croise

Izaya 57:3

Yenu yivulumunyi, kundamenu hanga anubatwile! Yenu hi nuli abema ko, nuli abi ngwe nganga, ni yitanji.

Izaya 57:6

Nwakukungieka mawe abema ni kwawayila ngwe mazambi. Nwakwahinjila vinyu ngwe milambu, nwakwanehena nawa milambu ya mbuto. Nunanyongo ngwenu, nakuwahilila ni yize yeswe, nyi?

Jeremia 10:8

Ayo eswe kaali yelo kanda yihepuke. Yika maahasa kulilongesa ku mahamba ja mitondo?

Jeremia 16:18

Mungwamba afwete mulonga wo ni ungulungulu wo yisuho yaali, mumu haanachisa chifuchi chami ni mahamba jo waze haanalumbika ngwe afu, ni hanachizalisa ni mazambi jo amokomoko.”

Jeremia 2:27

Yenu eswe munukevwa sonyi, yenu nwakwamba ngwenu, mutondo uli tatenu, nawa ngwenu, liwe lili noko. Chenacho muchikabwa mumu hiwangwehuka. Alioze muze munukabwa mu lamba, munukangutambika nawa ngunulamwine.

Jeremia 2:7

Yingwaneha mu chifuchi cha chinuno, ni kuwahilila ni mihuko yami ni yuma yikwo yibema. Alioze chifuchi chize naahele; yaachibihisa, yaachipwisa chamokomoko.

Jeremia 3:2

Achitala ha mulundu. Hali kama hamwe homa hasala haze kanda ulingila utanji, nyi? Te wakushimbwila akwa zango lie mu majila, ngwe chize akulinga umwe mukwa Arabe mu puya. Hiwachisa chifuchi ni utanji we.

Ezekiel 16:17

Yiwanda prata ni oru ya uhenya yize nakuhele ni kulinga mazambi a malunga, mba yiulinga no utanji.

Ezekiel 23:10

No yaamuzula mahina, neye yabwa uselesele. Yaakwata ana jenyi a malunga ni a mapwo, mba yaamushiha ni mukwale. Mapwo a kuma kweswe yamupwisa kashilikilo.

Ezekiel 23:21

(Oholiba, yena te wakuzanga kulinga linga utanji ngwe chize wabwile mu wana mapwo we mu Egiptu, kuze malunga awahilile ha kukukwata kwata ha tulo.)

Ezekiel 23:3

Muze te abwile, mu chifuchi cha Egiptu, yaabinjisa wana mapwo wo, yaalinga utanji.

Hosea 2:2

Ana jami, lembejekenu noko, chibwe hi pwo liami ko nawa, ni yami hi nguli nawa lunga lienyi ko. Mulembejekenu alitwamine kulinga utanji.

Hosea 4:12

Kaakwita mana ku Chipinji cha mutondo! We mutondo Wakwalweza yize maazanga kunyingika! Haanangwehuka. Ngwe umwe pwo yoze halipwisa chitanji, haalikunjika kuli mazambi eka.

Joele 1:19

Mwene Zambi, ngunalili kuli yena, mumu mwambu ni mitondo yeswe hiyoma chau, ngwe hiyawema kahia.

Habakuke 2:19

Lamba lienu! Mumu nwakwambila Chipinji cha mutondo ngwenu: “Hinduka!” Hanji ku liwe ngwenu: “Katuka!” Kuma mahamba mahasa kunulweza Usolwelo, nyi? Kali kwenyi Chuma chakulamika prata ni oru, alioze muli iye kumushi mwono.

Mateu 5:32

Alioze yami ngunanwambulwila ngwami, lunga yoze malakula pwo lienyi (shina ha chikuma cha utanji), mamupwisa chitanji, nyi pwo yoze maya ulo weka. Chikwo nawa, mweswe mambata pwo yoze hanalakula, malinga utanji.”