Jeremia 3:8 - Mukanda Wa Zambi 1970

⁸ Yuda neye hamona ngwenyi, yami Mwene Zambi hinalakula Israele, hinamwehuka mumu kahilukile ko kuli yami, mumu halinga utanji. Alioze chihulia Yuda, mwanakwo ya Israele, kevwile ko woma, neye yabwa chitanji.

MUKANDA USANDU WA ZAMBI 1975

⁸ Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Jeremia 3:8 Iomraidhean Croise

2 Sango Ja Mianangana 21:11

Yatunga yilumbilo ya kuwayila mazambi eka ha milundu ya Yuda, yavulumwisa Ayuda ni akwa Yerusaleme.

Izaya 50:1

Mwene Zambi kanambe ngwenyi: “Nunanyongo ngwenu, hinunahange atu jami ngwe chize lunga akuhanga pwo lienyi, nyi? Mba yilihi ye mikanda yakulakwila? Nunanyongo ngwenu, nanulanjishile mu undungo, ngwe chize mutu akulanjisa ana jenyi ngwe ndungo, nyi? Ka, nwayile mu undungo mumu ha milonga ya yenwene; nanuhumine mumu ha yitela yenu.

Jeremia 2:19

Muukamona lamba mumu ha ungulungulu we, muukalihiza ha kungwehuka. Alioze muukanyingika ngwe, chili chibi chahiana kungwehuka yami, Mwene Zambi, Zambi ye, kungulemesa nawa ka. Yami Mwene Zambi Mukwa Ndundo Jeswe nachamba.”

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 33:24

“Hinwasa chinyingi ku yize atu akwamba ngwo, hingunehuka Aisraele ni Ayuda, majiko wano aali waze natongwele, nyi? Kashika kaakwatala ni kaleleso, keeshi kwaalula ngwe vungu.

Jeremia 5:7

Mwene Zambi kanahula ngwenyi: “Mumu yika Changutamba kukonekena atu jami milonga yo? Haanangwehuka, haanalishingi ni waze hi mazambi ko. Nalishile atu jami ndoo ni chize haakuta, alioze yaalingalinga utanji, nikuhwisa matangwa jo ni yitanji.

Ezekiel 16:46

“Yayenu kali Samaria wa ku norde, ni ye yihunda yenyi. Mwanakwenu, ni ye yihunda yenyi, kali Sodome ku sude.

Ezekiel 16:47

Yena wevwile kuwaha ni kukaula mu ngano jo ni kwimbulula yitanga yo ya kuzelwokesa. Ha shimbu likepe wika hiwalinga yuma yize te ayo akulinga.”

Ezekiel 16:51

“Samaria kavulumwine ko ngwe yena, walingile yuma ya kuzelwokesa yahiana iye. Nyi tunatale yibi yize yena walingile ni yize anakwenu alingile yili ngwe ayo kaalingile ko chibi nichimwe.

Ezekiel 23:44

E malunga yaahilwoka kuli mapwo waze yitanji nawa ni nawa, yaahilwoka kuli Ohola ni Oholiba, e yitanji waze.

Ezekiel 23:9

Kashika yingumukunjika kuli akwa zango lienyi Asuria, waze te akuzanga kuhiana.

Hosea 3:4

Kulumbunuka ngwo, Aisraele matangwa anji maakabalika, maakahona mianangana ni akwa kuyula, chibwe milambu, hanji tumenga a mawe, chibwe mahamba, hanji ngombo.

Shimbi 24:1

“Twambenu, umwe lunga hambata pwo. Mabwamuze te kamuzangile, mumu hamona Chuma cha sonyi muli iye. Hohene yamusonekena mukanda wa kumulakula, yamukatwisa mu zuwo lienyi.

Shimbi 24:3

Neye nawa kamuzangile, yamusonekena mukanda wa kumulakula, yamukatwisa mu zuwo lienyi. Mba lunga yoze wa muchaali yafwa kwenyi.