Jeremia 3:6 - Mukanda Wa Zambi 1970

⁶ Muze Josia abwile mwanangana, Mwene Zambi yanguhula ngwenyi: “Wamona chize alinga Israele, pwo yoze chitanji? Hangwehuka, halinga utanji ha milundu yeswe ni mushi lia mitondo yeswe ya wisu.

MUKANDA USANDU WA ZAMBI 1975

⁶ Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 3:6 Iomraidhean Croise

1 Yitanga Ya Mianangana 14:23

Yaatunga yilumbilo ya mazambi eka ni mahamba ja Ashera ha mindundena ni mushi lia mitondo.

2 Sango Ja Mianangana 34:1

Josia te habwa ni miaka nake muze amupwishile mwanangana wa Yuda, yayula ku Yerusaleme miaka makumi atatu ni kashi.

Miaso (Masamu) 106:39

Yaalumuka yingulungulu mumu ha ye yitanga yino, yeehuka Zambi.

Izaya 57:3

Yenu yivulumunyi, kundamenu hanga anubatwile! Yenu hi nuli abema ko, nuli abi ngwe nganga, ni yitanji.

Izaya 57:7

Nwakukanduka ha milundu yisuku ni kulambwila ho milambu ni kulimona ni mapwo.

Jeremia 1:2

Ha mwaka kumi ni wa muchitatu wa kuyula cha Josia mwana wa Amone, mwanangana wa Ayuda, Mwene Zambi yahanjika ni mukwa munanyi Jeremia.

Jeremia 11:10

Haanahiluka ku shili ya tushakulu two, waze alitunyine maliji jami; haanawayila mazambi eka. Aisraele ni Ayuda eswe aali haanashihi Usendo uze nakolesele ni tushakulu two.

Jeremia 17:2

Atu jenu kaakuwayila ku yilumbilo ya ku miyombo ya zambi wa pwo Ashera, ni ku mutondo weswe wa wisu, ni ha mindundena,

Jeremia 3:8

Yuda neye hamona ngwenyi, yami Mwene Zambi hinalakula Israele, hinamwehuka mumu kahilukile ko kuli yami, mumu halinga utanji. Alioze chihulia Yuda, mwanakwo ya Israele, kevwile ko woma, neye yabwa chitanji.

Jeremia 31:22

Shimbu lika munwecha kama kuyambashana, yenu akwa ufulielo ukepe? Hinalinga chimwe Chuma chaha chalibalikila, chili ngwe pwo unafungu lunga lienyi.”

Jeremia 5:11

Aisraele ni Ayuda haangukwachila mafwefwe, haangulituna liakulu Yami Mwene Zambi nachamba.”

Jeremia 7:24

Alioze koononokene ko chibwe kukanyama. Alioze yaalinga cheswacho azangile ni pami ni mbunge jo jibi, mba yaalilimuna liakulu.

Ezekiel 16:31

Ku majila eswe hiunatungu ko mazuwo akukombelela mahamba ni kulinga utanji. Alioze kuwalingile utanji mumu ha lwahu wa mbongo ngwe yitanji akwo.

Ezekiel 16:35

Kashika Yerusaleme, yena chitanji, banjika chize anambe Mwene Zambi.

Ezekiel 20:28

Yingwatwala ku chifuchi chize naalakenyene. Muze amwene milundu ni mitondo ya wisu, yaalambwila ko milambu ya kwocha ni vinyu.

Ezekiel 23:11

“Chibwe mwanakwo Oholiba yachimona, hindu neye yalipwisa chitanji mubi kuhiana yayo.

Ezekiel 23:4

Mukulwana jina lienyi Ohola, mwe Samaria; kanuke jina lienyi Oholiba, mwe Yerusaleme. Yingwambata eswe aali, yingusema no ana.

Hosea 11:7

Atu jami haangumba nyima. Maakalila mumu ha kanga lize lili hali ayo, alioze niumwe makaachiza lio.

Hosea 4:13

Malunga kaakulambula milambu ku miyombo ha milundu, ni kwochela yuma ya vumba libema ha mindundena mushi lia mitondo yisuku, mumu yihuhumuke yayo yibema! “Kashika ana jenu a mapwo haanalumuka yitanji, ni atembwa anenu a mapwo no akulinga utanji.

Akwa Kuyula 2:17

Hindu Aisraele kaabanjikile ko kuli akwa kwayula. Yeehuka Mwene Zambi yo, yaawayila mazambi eka. Tushakulu two te kakwononoka ku Shimbi ja Mwene Zambi, alioze Chisemuko chize chaha kaalingile ko Chenacho.