Jeremia 3:3 - Mukanda Wa Zambi 1970

³ Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

MUKANDA USANDU WA ZAMBI 1975

³ Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Jeremia 3:3 Iomraidhean Croise

Ubutukilo 19:34

Ha tangwa likwo mukulwana Yambila kanuke ngwenyi: “Zau ufuku ngunakalimona ni tata, chinalite musono tumwehe nawa vinyu yinji. Ha chino ni yena ulimone nenyi, tuseme nenyi ana ha kufunga vungu lia tata.”

Nehemia 9:17

Koononokene ko, keewulukile ko yilayi yeswe yize walingile hakachi ko. Mu kulengumuka cho yaatongola umwe tetekeli aahilwise nawa mu undungo mu Egiptu. Alioze yena uli Zambi yoze wakukonekena atu; uli mukwa utu ni zango, kuushi kutenuka nikawashi. Keke ye yili yinji, kuweehukile ko.

Yishima 21:29

Akwa ululi kaakunyingika mbunge jo, alioze yingulungulu kaakulionga ngwo, kaali atu abema.

Izaya 5:6

Munguupwisa ngwe chihutu, chichi kausalula chibwe kuusangula, hanga ukasoke mikalale ni mingonga. Mungukanjisa vula ha kunoka mo.”

Jeremia 14:1

Mwene Zambi yangulweza hakutwala ku changa chinene ngwenyi:

Jeremia 14:22

Niumwe hakachi ka mazambi ja akwa mavungu mahasa kunokesa vula; chibwe lilu linene kuliahashile kunokesa vula. Aa Mwene Zambi, Zambi yetu, twakusa mbunge kuli yena, mumu yena wika wakulinga yuma yino.

Jeremia 14:3

Pichi kaakutuma akwa milimo yo kwatahila meya. No kaakuya ku mashima, alioze meya keeshiko; kaakuhiluka ni swaha ja ubolongo. Kaakwivwa sonyi ni kulekumuka, kaakuhetamina hashi.

Jeremia 14:4

Njimi no kaakumona lamba. Kaakulikwata suswa mutwe mumu vula kasolo kunoka; hashi heswe hihoma chau.

Jeremia 36:2

“Anda chivungo cha mukanda, usoneke ho yuma yeswe yize hinakulweza hakutwala kuli Aisraele ni Ayuda, ni mavungu akwo eswe. Soneka yuma yeswe yize hinakulweza chize ku tangwa litangu lize nabutukile kuhanjika kuli yena, muze Josia abwile mwanangana, ndoo ni musono.

Jeremia 5:24

Kunwanyongene ko kungulemesa nichimwe, chibwe hinatuma vula musazu ni wa mubatuko, ni hingunanwehe changa cha kuhela mbuto mwaka ha mwaka.

Jeremia 5:25

Alioze milonga yenu hiyanumina yino yeswe.

Jeremia 5:3

Mwene Zambi kakufupa umwenemwene. Hananulambe, hindu kunwakanyamine; hanuwonda, hindu kunusolo kulilongesa. Nwabwile akwa pami, te kunusolo kwecha shili yenu.

Jeremia 6:15

Kevwile ko kama sonyi mumu ha yizelwokeso yize akulinga, nyi? Ka, kaajivwile ko nihakepe, nimwene te keeshi kuhasa kwivwa sonyi. Kashika muze mungukaamwesa lamba, maakalimbwoka ngwe chize amwe akwo haanalimbwoka. Lienalio mulikabwa songo lio. Yami Mwene Zambi nachamba.”

Jeremia 8:12

Ayenu atu jami, kunushi kwivwa kama sonyi mumu ha yizelwokeso yize nwakulinga, nyi? Kunwajivwile ko nihakepe, nimwene kunwahashile kwivwa sonyi! Kashika munukalimbwoka ngwe amwe akwo haanalimbwoka; lienalio mulikabwa songo lienu. Yami Mwene Zambi, nachamba.

Jeremia 9:12

Yami yinguhula ngwami: “Aa Mwene Zambi, mumu yika chifuchi hichalialiangana chichize, hichabwa ngwe puya, ni yoze mendela mo nawa wakuhi? Iya uli ni mana a kunyingika yuma yino? Hiunayilumbununa kama kuli iya yoze mahasa kuyilweza akwo?”

Ezekiel 3:7

Alioze niumwe wa kuli Aisraele mazanga kubanjika, chibwe yami kaasolo kungubanjika. Ayo eswe kaali akwa pami, mbunge jo jikalu.

Alevi 26:19

Mungukasulisa kulengumuka chenu. Vula kechi kanoka, ni chifuchi chenu muchikoma chau ngwe utale.

Amose 4:7

Nakanjishile vula muze minda yenu yambile kwima mbuto. Nanokosele vula ha limbo limwe, nayikanjishile ha limbo likwo. Vula yanokene ha munda umwe, ha munda ukwo kanokene ho.

Amose 4:8

Atu a ku amwe membo, muze haazeya ni pwila, yaaya nikupeliangila ku limwe limbo likwo ha kufupa meya, alioze kaamwene ko meya anazuku. Hindu kunwahilukile ko kuli yami.

Zefania 2:1

Yenu vungu lize kunushi sonyi, kungulukenu, nyongenu

Zefania 3:5

Alioze Mwene Zambi kali mu limbo ndoo ni musono, kakulinga chize chinalite, keshi kulinga chibi nichimwe. Tangwa ha tangwa chichamene kakubatwila atu jenyi ni ululi. Chibwe chocho yitanganyanyi waze alimo kaakulinga yibi, keeshi kwivwa sonyi.

Hagai 1:11

Hinaneha changa ha chifuchi: ha milundu, ni mu minda ya mbuto, ni mu minda ya vinyu, ni ha mitondo ya olive, ni ha mbuto yeswe yize yakwima hashi. Atu ni tushitu no maabwa ni changa. Yuma yeswe yize nunanyongo kutumba neyo kuyichi kutatuka.”

Shimbi 28:23

Vula kechi kanoka nichimwe, ni chifuchi chenu muchikoma chau ngwe utale.

Hebreu 12:25

Kanyamenu, kanda nulituna yoze unahanjika. Atu waze alitunyine yoze te wakwalweza liji lia Zambi hano hashi, yaamwesa lamba. Nyi Chenacho, tunyingikenu ngwetu, nyi mutwehuka Mukwa Mwilu yoze unatuhanjikila, ni yetu makatumwesa lamba liahiana.