Jeremia 3:2 - Mukanda Wa Zambi 1970

² Achitala ha mulundu. Hali kama hamwe homa hasala haze kanda ulingila utanji, nyi? Te wakushimbwila akwa zango lie mu majila, ngwe chize akulinga umwe mukwa Arabe mu puya. Hiwachisa chifuchi ni utanji we.

MUKANDA USANDU WA ZAMBI 1975

² Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Jeremia 3:2 Iomraidhean Croise

Ubutukilo 38:14

Mba Tamare yazula mahina jenyi a utuliwa, yalifuka mahina eka ku meso, mba yaya ni kutwama ku chikolo cha Enaime, chihunda chize chili mu jila ya kuya ku Timna. Yanyingika ngwenyi, Shela hakola, alioze ndoo ni haliabwila ukwe wenyi kanda atayiza kulimbata ni Shela.

1 Yitanga Ya Mianangana 11:3

Mapwo jenyi a mianangana 700, ni mapwo akwo 300. Eno amwalumwine mbunge yenyi,

1 MIANANGANA 23:13

Mwanangana Josia yabuzwola nawa yilumbilo yize atungile mwanangana Solomone ku chivumbuko cha Yerusaleme, ku sude lia mulundu wa Olive, ya kuwayila mahamba a yizelwokeso: Astarte zambi wa pwo wa limbo lia Sidone, ni Chemoshi zambi ya mu chifuchi cha Moabe, ni zambi ya mu chifuchi cha Amone.

Miaso (Masamu) 106:38

Yaashiha ana waze te keeshi kwo yitela; chenacho abihishile chifuchi cho.

Yishima 23:28

Kaakukujikinyina ngwe yikwata, kaakuvulumwisa malunga anji.

Yishima 7:11

Te kali mukwa hamu, keshi sonyi, te kakwendangana chinji,

Jeremia 12:12

Akwa kwonona kaanabalika ha milundu ya mu puya, akwa kuchonona heeza. Hinatuma jita ya kwenyeka chifuchi cheswe; niumwe mahasa kutwama mu uhwimino.

Jeremia 2:20

Mwene Zambi kanambe ngwenyi: “Israele, hasuku walitunyinine chiyulo chami; hiunalitunu kungwononokena ni kunguwayila. Ha milundu yeswe, ni mushi lia mitondo yeswe ya wisu, te wakuwayila mazambi a utanji.

Jeremia 2:23

Ngwe kuchi muuhasa kwamba ngwe, chalingile chibi; nawa ngwe, kuwakombelele ko hamba Bale? Achitala chize hiunavulumuna mu chikulo; achitala chize hiwalinga. Yena uli ngwe chihwo cha kamelu yoze unafupu kuji yoze unazomboka sali ni sali mu puya.

Jeremia 2:7

Yingwaneha mu chifuchi cha chinuno, ni kuwahilila ni mihuko yami ni yuma yikwo yibema. Alioze chifuchi chize naahele; yaachibihisa, yaachipwisa chamokomoko.

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:13

Tayiza lume ngwe: ‘Ngunahi. Nakatukilile Mwene Zambi, Zambi yami.’ Shikisa ngwe, ‘Mushi lia mitondo yeswe ya wisu hingunazange mazambi a tundaka, Chononokenene ko ku maliji je.’ Yami Mwene Zambi nachamba.

Jeremia 3:21

Zungo lili ko helu lia milundu, Aisraele kaanatete nikuliumba, mumu haanavulumuna, haanavulama Mwene Zambi, Zambi yo.

Jeremia 3:9

Kevwile ko sonyi nichimwe, yabihisa che chifuchi nikulinga utanji ni kuwayila mawe ni mitondo.

Jeremia 7:29

“Yenu akwa Yerusaleme, lilenu mbimbi, tewulenu kambu jenu nujimbile. Imbenu miaso ya lungungu helu lia milundu, mumu yami Mwene Zambi, ngunevu ufwatulo, hinalituna atu jami.

Ezekiel 16:16

Yiwanda amwe mahina je ni kululika homa lie ha kuwayila, yiulikunjika ni kulinga utanji.

Ezekiel 20:28

Yingwatwala ku chifuchi chize naalakenyene. Muze amwene milundu ni mitondo ya wisu, yaalambwila ko milambu ya kwocha ni vinyu.

Luka 16:23

Pichi yabindabinda chinji muma mwa afu, yahetuka, yamona Abrahama kusuku ni Lazaru hehi nenyi.

Shimbi 12:2

Mu chifuchi chize munukatambula, nukamwanga homa heswe haze akukombelela mahamba jo, ha milundu, ni ha mikandu, ni mushi lia mitondo ya wisu.