Jeremia 3:12 - Mukanda Wa Zambi 1970

¹² Yangutuma ni kulweza Israele ngwenyi: “Yena chihulia, hiluka kuli yami. Nguli mukwa keke, chichi kutenuka, chichi kukutenukina ndoo ku miaka yeswe.

MUKANDA USANDU WA ZAMBI 1975

¹² Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 3:12 Iomraidhean Croise

Ubutukilo 4:7

Nyi kuwalinga kanawa, kachi kuwevwile kuwaha, nyi? Alioze mumu hiwalinga chibi, nyingika ngwe, shili yili ngwe kashitu wa chilianyi yoze unautama ku chikolo cha mbunge ye hanga akukwate. Shili yinambe kukuyula alioze sako tachi ha kuyikumba.”

1 MIANANGANA 15:29

Ha matangwa ja Peka mwanangana wa Israele, Tiglate Pilesere mwanangana wa Asuria, yatambula membo ja Ijone, ni Abele Bete Maka, ni Janoa, ni Kedeshe, ni Hazore, ni yifuchi ya Gileade, ni Galilea, ni Naftali, yaakwata atu, yaatwala funge mu chifuchi cha Asuria.

1 MIANANGANA 17:23

ndoo ni kuze Mwene Zambi waahumine ku meso jenyi liakulu, ngwe chize aakanyamishine kuli tuvumbi twenyi akwa munanyi. Kashika Asiraele aatwalile mu undungo mu Asuria, kwenako atwama ndoo ni musono.

1 MIANANGANA 17:6

we mwaka wa muchilivwa wa kuyula cha Hoshea, mwanangana wa Asuria yakumba Samaria, yatwala Aisraele funge ku Asuria, amwe ku limbo lia Hala, akwo hehi ni lwiji Habore mu chifuchi cha Gozane, ni akwo mu membo a mu chifuchi cha Media.

1 MIANANGANA 18:1

Ha mwaka wa muchitatu wa kuyula cha mwanangana wa Israele Hoshea mwana wa Ela, Hezekia mwana wa Ahaze, yaamupwisa mwanangana wa Yuda,

2 Sango Ja Mianangana 29:10

“Haliabwila hinabatula kukolesa usendo ni Mwene Zambi, Zambi ya Aisraele, hanga kechi katuvwila nawa ufwatulo.

2 Sango Ja Mianangana 30:9

Nyi yenu munuhiluka kuli Mwene Zambi, mba waze ambachile usoko wenu funge meevwila keke ni kwatayiza kuhiluka ku chifuchi cho. Mwene Zambi, Zambi yenu, kali ni utu ni keke. Nyi nwahiluka kuli iye, manutambula.”

Miaso (Masamu) 103:17

Alioze kuli waze akulemesa Mwene Zambi, zango lienyi kulishi kuhwa ndoo ku miaka yeswe. Utu wenyi wakulinduluka ku yisemuko yeswe, kuli waze akwiwuluka Usendo wenyi, ni kufunga Shimbi jenyi.

Miaso (Masamu) 103:8

Mwene Zambi kakuzanga atu, kakwevwila keke. Keshi kutenuka nikawashi; kaakwazanga ni zango lize kulishi kuhwa.

Miaso (Masamu) 103:9

Keshi kwakanyamisa matangwa eswe; keshi kwivwa ufwatulo ndoo ku miaka yeswe.

Miaso (Masamu) 145:8

Mwene Zambi kakuzanga atu, kakwevwila keke; keshi kutenuka nikawashi, zango lienyi kulishi kuhwa.

Miaso (Masamu) 79:5

Mwene Zambi, miaka yingahi muutuvwila ufwatulo? Ndoo ku miaka yeswe, nyi? Ufwatulo we muunyongonona ni kulekwoka ngwe kahia, nyi?

Miaso (Masamu) 86:15

Alioze yena Mwene Zambi, uli Zambi ya keke ni zango; kuushi kutenuka nikawashi, alioze wakulweza atu utu, wakumanununa yeswe yize wakwamba.

Miaso (Masamu) 86:5

Mwene Zambi, yena wakutulinga kanawa, wakutukonekena; zango lie kulishi kuhwa kuli waze akukuwayila.

Yishima 28:13

Nyi wasweka milonga ye, kuuchi kawaha nichimwe. Alioze nyi muyishikisa ni kuyehuka, mba Zambi makuvwila keke.

Izaya 31:6

Mwene Zambi yamba ngwenyi: “Yenu Aisraele, nwanguvulumwine, nwangukatukilile. Alioze haliabwila, hilukenu kuli yami!

Izaya 44:22

Utanguko we hingunautangumuna ngwe lelwa. Milonga ye hingunayitandulula ngwe mbundu. Hiluka kuli yami mumu yami nakukulile.”

Jeremia 11:6

Mba Mwene Zambi yangwamba ngwenyi: “Yako mu membo ja Ayuda ni mu majila a Yerusaleme. Ukambujolele mo maliji jami ni kulweza atu abanjike Shimbi ja Usendo ni kujifunga.

Jeremia 12:15

Alioze muze hinaatwala kusuku, mungukeevwila nawa keke; mungukahilwisa vungu lieswe ku chifuchi chenyi, ni ku chihinga chenyi mwene.

Jeremia 23:8

Alioze maalishinga ni yami Zambi ya mwono yoze watuhwishile Aisraele mu chifuchi cha ku norde ni ku yifuchi yeswe kuze naamwanganyine. Mba maatwama mu chifuchi cho ene.”

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:14

“Yenu yihulia, hilukenu kuli yami. Mungwanda umuwika umuwika ku chihunda cheswe, aali aali a ku jiko lieswe, ni kunuhilwisa ku mulundu wa Zione.

Jeremia 3:18

Israele makalichinga ni Yuda. Eswe aali maakakatuka hamuwika mu chifuchi cha undungo ku norde ni kuhiluka mu chifuchi chize nahanyine kuli tushakulu twe kubwa chihinga che ku miaka yeswe.”

Jeremia 3:22

Hilukenu, yenu eswe waze nwehukile Mwene Zambi, kumanuwuka, manupwisa akwa ululi. Nwakwamba ngwenu: “Ewa, tuneza kuli Mwene Zambi, mumu kali Zambi yetu.

Jeremia 3:5

Kuuchi kubwa ni ufwatulo matangwa eswe.’ Israele, ayo ye wakwamba, alioze wakulinga yibi yeswe yize wakuzanga.”

Jeremia 3:7

Nanyongene ngwami, muze halinga yino yeswe, mahiluka kuli yami, alioze kahilukile ko. Ni mwanakwo Yuda chitanji, neye kamona yize yeswe.

Jeremia 30:11

Mungukeza kuli yenu ni kunulamwina. Mungukonwona mavungu eswe kuze nanumwanginyine, alioze yenu chichi kanwonona. Mungukanumwesa lamba, alioze hi linji ko. Yami, Mwene Zambi, nachamba.”

Jeremia 31:20

“Israele yena uli mwanami yoze nakuzanga kuhiana. Muze nakwalakana jina lie, nakukunyonga ni zango. Mbunge yami yakulibikala mumu hali yena; mungukuvwila keke.

Jeremia 31:21

Senu yinyingi mu majila, fupenu jila yize nwejilile muze nwachinyine. Yenu Aisraele, hilukenu, hilukenu ku mahienu ku membo waze nwahichikile.

Jeremia 31:8

Mungukaachiza ku chifuchi cha ku norde, ni kwakungulwila ku masongo a hashi. Hakachi ko, tupuputa, ni yilema, ni tufumbakaji, ni waze ali ni misongo ya kusema, maahiluka mu mbunga yinene.

Jeremia 33:26

Ngwe chize nalingile, mungukakolesa Usendo wami ni vungu lia Yakoba ni lia kavumbi kami David. Mungukatongola umwe mutu wa ku vungu lia David ayule mavungu ja Abrahama, ni Isake, ni Yakoba. Mungukevwila atu jami keke ni kwawahisa nawa.”

Jeremia 4:1

Mwene Zambi kanambe ngwenyi: “Yenu Aisraele, nyi nunazange kwalumuna, alumukenu nuhiluke kuli yami. Nyi nwambila mahamba waze nakuvutwokela ni kushachila hali yami,

Lungungu 3:22

Zango lia Mwene Zambi ni keke yenyi kuyishi kuhwa,

Ezekiel 11:17

“Kashika alweze chize yami Mwene Zambi ngunambe. Mungukaachiza ku yifuchi kuze naamwanginyine, ni kwahilwisa nawa mu chifuchi cha Israele.

Ezekiel 33:11

Alweze ngwe, mwe yami Mwene Zambi, Chishi kuwahilila nyi Chivulumunyi wafwa. Ngunazange kachi alitwamine yibi yenyi, abwe ni mwono. Alumukenu ku mbunge! Alumukenu ku mbunge vungu lia Israele, mumu yika nunazange kufwa?”

Ezekiel 39:25

Mwene Zambi yamba ngwenyi: “Alioze haliabwila mungukevwila keke vungu lia Yakoba, atu ja Israele, ni kwawahisa nawa. Mungukafunga jina liami lia linanga.

Hosea 6:1

Aisraele kaanambe ngwo: “Tuhilukenu kuli Mwene Zambi! Hatulamba, alioze kumatuwuka; hatulemeka yilonda, alioze kumayikasa. Hi chocho ko, nyi?

Alevi 26:40

“Alioze vungu lienu maakashikisa milonga yo ni ya tushakulu two, chize alimikine ni yami, ni chize angulitunyine.

Zakaria 1:4

Kanda nubwa ngwe tushakulu twenu. Mumu mwaka wali akwa munanyi te kaakwalongesa maliji jami, yaalweza ngwo: ‘Kanda nubwa yingulungulu, kanda nuvulumuna.’ Alioze kaangubanjikile ko, kaangwononokenene ko.

Shimbi 30:2

Nyi yenu ni vungu lienu munutewuluka kuli Mwene Zambi ni mbunge jenu jeswe ha kwononoka ku yiyulo yenyi yize ngunanulongesa musono,