Jeremia 26:9 - Mukanda Wa Zambi 1970

⁹ Mumu yika hiwamba mu jina lia Mwene Zambi ngwe, zuwo lino kumulibwa ngwe Shilo, chikwo ngwe, limbo lino mulibwa yikulu, mutu niumwe kechi kutwama mo nawa?” Mba atu yaangulundumukina.

MUKANDA USANDU WA ZAMBI 1975

⁹ Kuchi te hiwaprofeteza mu jina lia Yehova ngwe, Zuwo lino mulipwa ngwe Shilo, ni chihunda chino muchipwa cha woya, kuchishi atu? Mba atu eswe yaseleka Jeremia mwe mu zuwo lia Yehova.

Jeremia 26:9 Iomraidhean Croise

2 Sango Ja Mianangana 25:16

Muze te machihanjika, mwanangana yamuhula ngwenyi: “Tangwa lika ngunakakupwisa mukwa kuyula wami? Holako! Nyi ka, mungukushiha!” Mukwa munanyi yahola kwenyi, alioze hatangu yaweza ho ngwenyi: “Hinanyingika ngwami, Zambi habatula kukushiha mumu hiwalinga yuma yino ni hiwalelesa maliji jami.”

Izaya 29:21

Zambi makonona atu waze akulamikiza akwo, ni waze akukanjisa kumwesa yingulungulu lamba, ni waze akuhanjika mahuza hanga akwa kusamba keechi kwabatwila ni ululi.

Jeremia 32:3

Mwanangana Zedekia yangusa mu zuwo lia lamba mumu te hinamba ngwami: “Mwene Zambi yamba ngwenyi: ‘Mungutayiza mwanangana wa Babilonia atambule limbo lino.

Jeremia 33:10

Mwene Zambi yamba ngwenyi: “Atu kaakwamba ngwo, muma muno muli ngwe puya, kumushi atu chibwe tushitu. Chili Chenacho; membo ja Ayuda ni majila a mu Yerusaleme kaali amokomoko; kumushi atu chibwe tushitu. Alioze muma muno kumunukevwa mo nawa

Jeremia 36:29

Mba uye ulweze mwanangana ngwe: Yena hiwocha mukanda, hiwahula Jeremia ngwe, mumu yika hiwasoneka ngwe, mwanangana wa Babilonia kumeza ni kwenyeka chifuchi chino ni kushiha atu jamo ni tushitu twamo?

Jeremia 9:11

Mwene Zambi kanambe ngwenyi: “Mungupwisa Yerusaleme mulumba wakwenyeka, muma mwakutwama mikuza; membo ja Ayuda maalumuka puya, muma muze kumwatwamine atu.”

Lungungu 4:13

Alioze chino chabwile mumu akwa munanyi jenyi yaavulumuna, ni mahako jenyi yaashihisa waze te keeshi yitela.

Amose 5:10

Yenu nwakuvwila kole yoze wakusolola uhenge ni kwambulula umwenemwene mu ubatwilo.

Mika 2:6

Atu kaakungwamba ngwo: “Kanda utulongesa. Kanda ulongesa hakutwala ku yize yeswe. Zambi kechi kutuvwisa sonyi.

Mateu 21:23

Muze Yesu hanjila mu zuwo lia Zambi, yabutuka kulongesa. Mahako a lutwe a Zambi ni makulwana ja Ayuda yaamukundama nikumuhula ngwo: “Ni chiyulo chaya wakulinga nacho yino yuma? Iya wakuhele chiyulo chino?”

Mateu 27:20

Mahako a lutwe ni makulwana ja Ayuda yaakununa mbunga hanga ete atuswile Baraba ni kushihisa Yesu.

Marku 15:11

Alioze mahako a lutwe yaavundula mbunga hanga atuhwise Baraba.

Yoano 8:20

Yesu yaalongesa maliji wano mu zuwo lia Zambi, homa haze te hatwama mishete ya chawana. Mutu niumwe wamukwachile, mumu te ola yenyi kanda yichiheta.

Yoano 8:59

No yaanda mawe hanga amwase. Alioze Yesu yaswama, yatuhuka mu zuwo lia Zambi.

Yilinga 13:50

Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 21:30

Limbo heswe yilibwa ni Vunda. Atu yaalundumuka fuji, yaakwata Paulu, yaamukoka haze lia zuwo lia Zambi. Shimbu lizeliene yaajila ku yikolo.

Yilinga 22:22

Atu yaabanjika Paulu ndoo ku liji lino: “waze hi Ayuda ko.” Mba yaakololoka ni liji linene ngwo: “Chizenu mutu yono, mushihenu, katelele kutwama ni mwono!”

Yilinga 3:11

Shimbu mutu yoze unachikwachilila Petulu ni Yoano, atu eswe yaalishimwoka nikuzomboka kuli ayo mu chisambwe cha ku zuwo lia Zambi chize anachivuluka ngwo, Chisambwe cha Solomone.

Yilinga 5:12

Zambi yalinga yilayi ni yikomokeso yinji hakachi ka atu ku moko ja tunganda twa Yesu. Akwa kufuliela te kaakulikungulula hamuwika ni mbunge yimuwika mu chisambwe cha Solomone.

Yilinga 5:28

“Tunakanukanda ngwetu, kanda nulongesa nawa mu jina lia mutu yoze. Alioze yenu hinunamwange longeso lienu mu Yerusaleme mweswe. Nunazange kutukokela uhiso wa manyinga ja mutu yono, nyi?”

Yilinga 6:14

Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ”

Yoshua 18:1

Muze te haakumba chifuchi, Chikungulwila cheswe cha Aisraele yaalikungulula ku limbo lia Shilo, yaajika ko zuwo lia Zambi lia makubu