Jeremia 26:5 - Mukanda Wa Zambi 1970

⁵ ni kukanyama ku maliji a tuvumbi twami, akwa munanyi, waze te nakunutumina. Kunwalingile nichimwe yuma yize anulongesele.

MUKANDA USANDU WA ZAMBI 1975

⁵ nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Jeremia 26:5 Iomraidhean Croise

1 MIANANGANA 17:13

Mwene Zambi te haanatumina tunganda twenyi ni akwa munanyi jenyi akakanyamise Aisraele ni Ayuda ngwenyi: “Ehukenu ndako jenu jibi, nufunge Shimbi jami, jize nahanyine kuli tushakulu twenu ni jize nahanyine kuli tuvumbi twami akwa munanyi akajilongese.”

1 MIANANGANA 17:23

ndoo ni kuze Mwene Zambi waahumine ku meso jenyi liakulu, ngwe chize aakanyamishine kuli tuvumbi twenyi akwa munanyi. Kashika Asiraele aatwalile mu undungo mu Asuria, kwenako atwama ndoo ni musono.

1 MIANANGANA 24:2

Mwene Zambi yatuma mbunga yeka ni yeka ya tujita alimike nenyi hanga onwone Ayuda: Ababilonia, ni Asiria, ni Amoabe, ni Aamone. Yachilinga amanunune maliji waze ambilile tuvumbi twenyi akwa munanyi akalweze atu.

1 MIANANGANA 9:7

Chatamba kushiha mwene we mwanangana, mwana wa Ahabe. Chenacho mungumwesa lamba Jezebele mumu hanamwange manyinga ja akwa munanyi jami ni tuvumbi twami akwo.

Ezra 9:11

jize wahele tuvumbi twe akwa munanyi atulongese. Yaatulweza ngwo, chifuchi chize nunayi ni kuzuka chili chifuchi cha luchisa, mumu atu waze atwama mo haanachibihisa chize ku songo limuwika ndoo ku songo likwo ni yuma ya kuzelwokesa.

Jeremia 11:7

Muze watuhwishile tushakulu two mu Egiptu yingwakanyamisa hanga angwononokene, nakwakanyamisa ndoo ni musono.

Jeremia 29:19

Yenayo muyikabwa hali ayo mumu keeshi kwononokena maliji jami waze naatuminyine kuli tuvumbi twami akwa munanyi. Haanalitunu kwabanjika.

Jeremia 32:33

Haanangumbu nyima. Chibwe nanyongonwene ni kwalongesa, hindu kaangubanjikile ni kaalilongesele ko.

Jeremia 35:15

Matangwa eswe te nakunutumina tuvumbi twami akwa munanyi. No yaanulweza nwehuke ndako jenu jibi ni kulinga yize yinalite. Haananukanyamisa kulitwamina kuwayila ni kulingila mazambi eka, hanga nutwame miaka yinji mu chifuchi chize hingunanwehe yenu ni tushakulu twenu. Alioze kunwangwivilile ko, kunwangubanjikile ko.

Jeremia 35:17

Kashika haliabwila, yami Mwene Zambi, Mukwa Ndundo Jeswe, Zambi ya Israele, munguneha kwonona cheswe chize hingunalakenya hali yenu Ayuda ni akwa Yerusaleme. Munguchilinga mumu kunusolo kubanjika ku yize nakuhanjika kuli yenu, kunushi kutayiza muze nakunutambika.”

Jeremia 44:4

Nanutuminyine tuvumbi twami akwa munanyi, waze te akunulongesa ngwo, kuchatambile kulinga Chuma chino chibi chize nakuvutwokela.

Jeremia 7:13

Hinunavulumuna milonga yino yeswe, alioze chibwe muze hingunanushinjila nawa ni nawa, hindu kunushi kwivwa. Muze nakutambika kunushi kungukumbulula.

Jeremia 7:25

Chize ku tangwa lize tushakulu twenu atuhukile mu Egiptu ndoo musono nakutumatuma tuvumbi twami ni akwa munanyi kuli yenu.

Ezekiel 38:17

Yena uli yoze nambile ku shakulu, muze nakolesele tuvumbi twami akwa munanyi a Israele ambulule ngwo, tangwa mulikaheta lize mungukashinjika umwe mutu akalimike ni Aisraele.” Mwene Zambi wachamba.

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Zakaria 1:6

Nahanyine Shimbi jami ni maliji a kukanyamisa kuli tuvumbi twami akwa munanyi aalweze tushakulu twenu. Alioze yaalelesa, kashika yaamona lamba. Hohene yaalumuka ku mbunge, yaatayiza ngwo, yami Mwene Zambi Mukwa Ndundo Jeswe naamwesene lamba nikulita ni yitanga yo, ngwe chize nabatwile kulu.”

Usolwelo 10:7

Alioze, muze kanganda wa muchishimbiali memba chitavwi, mba Zambi mamanununa chijimbikilo chenyi, ngwe chize anyingikishine tuvumbi twenyi, akwa munanyi.”

Usolwelo 11:18

Atu waze hi akwa Kristu ko atenukine, mumu tangwa lia kulweza utenu we hilieza, lize muukabatwila afu. Tangwa hiliaheta lize muuhana chawana kuli tuvumbi twe, akwa munanyi, ni kuli atu je eswe, anene ni akepe, kuli waze eswe akuvwila jina lie woma. Tangwa hilieza lize muukonona waze akwonona hashi!”