Jeremia 26:3 - Mukanda Wa Zambi 1970

³ Hanji atu maabanjika kama ni kwehuka majila jo abi. Nyi ngwe achilinga kama, mba mungwalumuna mbunge yami hakutwala ku kwonona chize hinabatula hali ayo mumu ha ungulungulu wo.”

MUKANDA USANDU WA ZAMBI 1975

³ Hanji makapanjika, mutu mweswe akatuke ku jila yenyi yipi, hanga ngukalikonyeke ha chuma chikalu chize ngunambe kwalinga mumu ha yitanga yo yipi.

Jeremia 26:3 Iomraidhean Croise

1 Yitanga Ya Mianangana 21:27

Muze Ahabe hevwa maliji waze, yatanuna mahina jenyi, yaazula, yazala mwanji, yalitwamina kulia, yabomba ha mwanji, yendangana ni chinyengo kuhiana.

1 Yitanga Ya Mianangana 21:29

“Wamona chize Ahabe alikehesa ku meso jami, nyi? Kashika chichi kumumwesa lamba ha matangwa jenyi, mungukachilinga ha matangwa ja mwanenyi.”

Jeremia 26:13

Chanutamba kwalumuna ndako jenu ni yuma yize nwakulinga, ni kwononokena Mwene Zambi, Zambi yenu. Nyi nwachilinga, mba neye malumuna mbunge yenyi hakutwala ku kwonona chize anambe kunukokela.

Jeremia 26:19

Mwanangana Hezekia ni Ayuda kaashihile ko mukwa munanyi Mika. Alioze Hezekia yevwila Mwene Zambi woma, yamuwahisa. Mba Mwene Zambi yalumuna mbunge yenyi hakutwala ku lamba lize ambile kuneha hali ayo. Musono tunambe kulikokela lamba linji.”

Jeremia 36:3

Tangwa likwo muze Ayuda meevwa yeswe yize hingunanyongo kulinga hali ayo, maalumuna ndako jo jibi. Mba mungwakonekena ungulungulu wo ni milonga yo.”

Jeremia 36:7

Hanji maalemba kuli Mwene Zambi, ni kuhichika ungulungulu wo, mumu Mwene Zambi kanambe kumwesa atu wano lamba mu utenu ni ufwatulo wenyi.”

Ezekiel 12:3

“Haliabwila, yena mwana mutu, lulika yikashi ye ngwe chize mukwa kuchina malinga. Mba katuka uye muze te tangwa kanda lichitoka. Atu eswe akumone chize unakatuka ni kuya sali lieka. Hanji yihulia wano muchaalumbunukina.

Ezekiel 18:21

“Nyi chingulungulu mecha kuvulumiona, mba mafunga Shimbi jami ni kulinga yibema ni yize yinalite, kechi kafwa; chamwenemwene makatwama ni mwono.

Hosea 11:9

Chichi kanumwesa lamba mu ufwatulo wami; chichi kwonona nawa Aisraele. Mumu nguli Zambi, hi nguli mutu ko. Yami, mwe munangi, nguli hamwe ni yenu. Chichi kwiza kuli yenu ni ufwatulo.

Joele 2:14

Tangwa likwo Mwene Zambi, Zambi yenu, malumuna kama manyonga jenyi, ni kunuwahisa ni mbuto yinji. Mba munuhasa kumulambula mbuto ni vinyu.

Yona 4:2

Yamba ngwenyi: “Mwene Zambi, cheka naliangile kwamba muze nabwile mu chifuchi chami, ngwami, kuuchi kwonona Aninive, nyi? Kashika nanyongene kuchinyina ku chifuchi cha Espanye! Te ngunanyingika ngwami, yena uli Zambi ya zango ni keke, matangwa eswe uli chihumikiji kanda mukwa utu, wakwalumuna nikawashi manyonga, wakwecha kumwesa lamba.