Jeremia 26:12 - Mukanda Wa Zambi 1970

¹² Mba yingwaamba ngwami: “Mwene Zambi hangutuma kwambujola yuma yeswe yize hinwayivwa hakutwala ku zuwo lino lia Zambi ni limbo lino.

MUKANDA USANDU WA ZAMBI 1975

¹² Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Jeremia 26:12 Iomraidhean Croise

Jeremia 26:15

Alioze nyingikenu ngwenu, nyi nwangushiha yenu ni akwa limbo lino munubwa ni uhiso wa kushiha mutu yoze keshi mulonga, mumu Mwene Zambi mwe unakangutuma kunukanyamisa.”

Jeremia 26:2

Mwene Zambi yangwamba ngwenyi: “Mana mu yiize ya zuwo lia Zambi, wambujole yeswe yize hinakwamba kulweza atu waze aneza ku membo ja Ayuda ni kuwayila ko. Kanda uhichika liji nilimwe.

Ezekiel 21:7

Muze maakuhula ngwo, mumu yika unatwila mikuma, alweze ngwe, mumu ha yuma yize muyizaho. Muze yuma yize hiyeza, atu meevwa woma unji, ni mwe mu moko kekee. Tachi jo mujikahwa, ni mwe mu makungunwa lekeleke. Tangwa kulineza; hiliakundama.” Mwene Zambi wachamba.

Amose 3:8

Muze tambwe makenana, iya kechi kwivwa woma? Muze Mwene Zambi mahanjika, iya malituna kuhanjika maliji jenyi?

Yilinga 4:19

Alioze Petulu ni Yoano yaakumbulula ngwo: “Batulenu yenwene, nyi chinalite ku meso ja Zambi kwononokena atu kuhiana Zambi.

Yilinga 5:29

Petulu ni tunganda akwo yaakumbulula ngwo: “Chatutamba kwononokena Zambi, hi atu ko.