Jeremia 24:1 - Mukanda Wa Zambi 1970

¹ Mwene Zambi yangulweza tupaya aali a makuyu akutumbika kulutwe lia zuwo lia Zambi. (Chino chabwile muze mwanangana Nebukanezore wa ku chifuchi cha Babilonia hachiza mwanangana Jehoakine ku Yerusaleme ni kumutwala funge ku Babilonia, hamwe ni miata ja Ayuda, ni akwa utotombo, ni fuli.)

MUKANDA USANDU WA ZAMBI 1975

¹ Muze te Nabukanezore mwanangana wa Babilonia hachiza ku Yerusaleme ni kwatwala ku unjize Jekonia mwana Jehoakime mwanangana wa Yunda hamwe ni alemu ja A-Yunda, ni yilangaji, ni fuli, haatwala ku Babilonia mba Yehova yanguweza usolwelo uno: mitonga yiali ya makuyu hanayitumbika kulutwe lia tembele ya Yehova.

Jeremia 24:1 Iomraidhean Croise

1 MIANANGANA 24:10

Ha matangwa ja kuyula chenyi, tujita twa Babilonia, mu chiyulo cha miata ja tujita twa mwanangana Nebukanezore, yeeza ku Yerusaleme, yaasa jita ni akwa limbo.

2 Sango Ja Mianangana 36:10

Mukachi ka mwaka, mwanangana Nebukanezore yatwala Jehoakine funge ku Babilonia, hamwe ni yuma ya ndando yinji ya mu zuwo lia Zambi. Mba Nebukanezore yapwisa Zedekia tato wa kanuke wa Jehoakine mwanangana wa Yuda ni Yerusaleme.

Izaya 13:1

Izaya mwana wa Amoze, mwe watambwile maliji wano kuli Zambi hakutwala ku limbo lia Babilone.

Jeremia 13:19

Yihunda ya Yuda ya ku sude haanayajila, wakuhi niumwe yoze mahasa kuyazulula. Ayuda eswe haatwala mu undungo.”

Jeremia 28:4

Munguhilwisa nawa mwanangana wa Yuda Jehoakine, mwana wa Jehoakime, ni Ayuda eswe waze atwalile mu undungo mu Babilonia. Ewa, munguhwisa tachi ja mwanangana wa Babilonia. Yami Mwene Zambi nachamba.’ ”

Jeremia 29:1

Yingusoneka mukanda kuli mahako, ni akwa munanyi, ni miata jo, ni kuli akwo eswe a mu Yerusaleme waze Nebukanezore atwalile mu undungo mu chifuchi cha Babilonia.

Jeremia 29:2

Yinguusoneka muze mwanangana Jehoakine, ni naye, ni akwa kuyula mu zuwo lia mwanangana, ni miata ja Yuda ni Yerusaleme, ni akwa milimo ya utotombo, ni fuli te haatwala kulu mu undungo.

Jeremia 37:1

Mwanangana Nebukanezore wa ku chifuchi cha Babilonia, yapwisa Zedekia, mwana wa Josia, mwanangana wa Yuda, kusalakana Jehoakine mwana wa Jehoakime.

Ezekiel 17:4

yautwala ku chimwe chifuchi cha kusepela ubite, yautumba mu limbo lia akwa kusepa.

Ezekiel 19:9

Yaamukokela mu luchikalanga, yaamutwala kuli mwanangana wa Babilonia. Yaamufunga, hanga keechi kwivwa nawa liji lienyi ha milundu ya Israele.

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Amose 7:1

Mwene Zambi yangulweza Usolwelo. Namwene Zambi te kanalulika yizavu ya makumbi. Chino chabwile muze haabatula mihuko ya mwanangana, muze te mwambu hiwabutuka kusokoloka nawa.

Amose 7:4

Mwene Zambi yangulweza Usolwelo ukwo. Namumwene te kanalulika kahia ka kumwesa atu jenyi lamba. Ke kahia te hikalilala ha kalunga lwiji, hikabutuka kwocha hashi.

Amose 7:7

Mwene Zambi yangulweza Usolwelo ukwo. Namumwene te kanamana hehi ni chipanga ni lwoji wa kwesekela nenyi mu kwoko lienyi. Chipanga chize yaachitunga ni ngeseko ya lwoji yoze.

Zakaria 1:20

Hohene Mwene Zambi yangulweza fuli awana ni mieto.

Zakaria 3:1

Mu Usolwelo ukwo Mwene Zambi yangulweza Yoshua, mwata wa mahako a Zambi kanamana kulutwe lia kanganda ka Mwene Zambi. Kwenako ku chindume cha mwe Yoshua, Sakwonga kanamana amusume mulonga.