Jeremia 21:2 - Mukanda Wa Zambi 1970

² “Twalemba tuhakwile kama kuli Mwene Zambi, mumu mwanangana Nebukanezore wa ku Babilonia ni tujita twenyi haaseleka lie limbo. Hanji Mwene Zambi malinga yimwe yilayi yenyi mumu hali yetu ni kutuhangila kama Nebukanezore ni tachi.”

MUKANDA USANDU WA ZAMBI 1975

² Nutuhulile kuli Yehova, mumu Nabukanezore mwanangana wa Babilonia kanase jita ni yetu. Hanji Yehova malinga ni yetu nikulita ni yitanga yenyi ya kukomwesa, akamuhilwise atuhichike.

Jeremia 21:2 Iomraidhean Croise

Ubutukilo 10:10

Mu wanangana wenyi utangu yayula membo wano: Babilone, ni Ereke, ni Akade, eswe atatu a mu chifuchi cha Babilonia.

1 MIANANGANA 1:3

Alioze kanganda ka Mwene Zambi yambila Eliya, mukwa munanyi wa ku limbo ha Tishbe, aye ni kutakana ni tunganda twa mwanangana Ahazia ni kwahula ngwenyi: “Mumu yika nunayi ni kuhula Balzebube, zambi ya Ekrone? Nunanyongo ngwenu, mu Israele kumushi Zambi, nyi?

1 MIANANGANA 17:24

Mwanangana wa Asuria yanda atu ku membo ja Babilone, ni Kuta, ni Ava, ni Hamate, ni Sefarvaime, yaasa mu membo ja Samaria akasalakane Aisraele. No yaanjila mu membo waze yaatwama mo.

2 Sango Ja Mianangana 32:21

Mba Mwene Zambi yatuma kanganda ka mwilu ni kushiha tujita twa Asuria hamwe ni miata jo. Kashika mwanangana wa Asuria yahiluka ni sonyi ku mahienyi. Limwe tangwa muze te ali mu zuwo lia zambi yenyi, amwe ana jenyi mwene yaamushiha ni mikwale.

Kutuhuka 9:28

Liumbenu kuli Mwene Zambi hanga chiwe ni kukulunguza yiibatuke. Mungunwecha hanga nuye, chichi kunukwika nawa.”

Izaya 48:2

Nwakulisamba nikwamba ngwenu, nuli akwa limbo lia chijila, nawa ngwenu, nwakujikijila hali Zambi ya Israele, jina lienyi Mwene Zambi Mukwa Ndundo Jeswe.

Jeremia 15:11

Mwene Zambi, mashingo jo eswe akunduluke hali yami nyi Chishi kukulingila kanawa, hanji nyi Chishi kuhakwila akwa kole jami kuli yena muze akubwa mu luyinda ni mu lamba.

Jeremia 21:3

Hohene Mwene Zambi yahanjika ni yami, mba nambile atu waze ejile kuli yami,

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Jeremia 32:24

“Ababilonia haaseleka limbo, haalumbika mavu a kuswama, kaanase jita. Mumu ha jita, ni zala, ni misongo, akwa limbo maaholokela mu moko ja akwa kole jo. Kuma, yeswe yize wambile hiyamanunuka.

Jeremia 34:1

Mwene Zambi yahanjika ni yami muze mwanangana Nebukanezore wa ku chifuchi cha Babilonia ni tujita twenyi, ni mavungu eswe a mu chiyulo chenyi, yaasa jita ni Yerusaleme ni membo eswe waze te amujingilika.

Jeremia 37:17

Mwabwamuze mwanangana Zedekia yangutambika ku zuwo lienyi, yanguhula ku tenga ngwenyi: “Uli ni amwe maliji a kuli Mwene Zambi, nyi?” Yingukumbulula ngwami: “Ewa mwanangana, maliji ali ko. Kumaanukunjika mu moko ja mwanangana wa Babilonia.”

Jeremia 37:3

Mwanangana Zedekia yatuma Jukale, mwana wa Shelemia, ni hako Zefania, mwana wa Maseya, anguhule ngulembe kuli Mwene Zambi, Zambi yetu, hakutwala ku vungu lietu.

Jeremia 37:7

“Yako ulweze Zedekia ngwe: ‘Tujita twa Egiptu kaaneza ni kukukwasa, alioze maakahiluka ku mahio.

Ezekiel 7:26

Lamba muliza nawa ni nawa, matangwa eswe munwivwa sango jibi. Munufupa akwa munanyi a Zambi anulumbunwine Usolwelo. Mahako keechi kubwa ni chimwe Chuma cha kulongesa atu, ni makulwana keechi kubwa ni yiyulo ya kwaha.

Akwa Kuyula 20:27

Ha matangwa waze te mushete wa Usendo wa Mwene Zambi ni atu watwama ku Betele. Finehase mwana wa Eleazare, mujikulu wa Arone, mwe wabwile hako. Atu yaahula Mwene Zambi ngwo: “Tuye ni kwasa jita ni akwetu Abenjamine, nyi tulitwamine?” Mwene Zambi yaakumbulula ngwenyi: “Yeenu nwase. Hamene mungukanukwasa kwakumba.”

1 Samuel 10:22

Yaahula Mwene Zambi ngwo: “Kwali, nyi ka?” Mwene Zambi yaakumbulula ngwenyi: “Kali akuze, kanaswame mukachi ka yikashi.”

1 Samuel 28:15

Mwe hako yamuhula ngwenyi: “Mumu yika unangubinjishila, ni kunguhindwisa?” Mwanangana ngwenyi: “Ngunabinji kuhiana, mumu Afilistia kaanase jita ni yami. Zambi hanangumbu nyima. Kasolo kungukumbulula nawa, chibwe kuli akwa munanyi, chibwe ku yilota. Kashika nakutambika ungulweze kama chize Changutamba kulinga.”

1 Samuel 28:6

yahula Mwene Zambi chize chatamba kulinga. Alioze kamukumbulwile, chibwe ku yilota, chibwe ku Urime, chibwe kuli akwa munanyi.