Jeremia 2:9 - Mukanda Wa Zambi 1970

⁹ “Chenacho yami Mwene Zambi, mungusuma nawa atu jami mulonga. Mungusuma nawa akwa vungu lie mulonga.

MUKANDA USANDU WA ZAMBI 1975

⁹ Yehova kanambe ngwenyi, Kashika nguchili nikulitachika ni yenu, mungulitachika ni ana ja ana jenu.

Jeremia 2:9 Iomraidhean Croise

Miaso (Masamu) 50:4

Kanatambika lilu ni hashi ngwe yela jenyi, amumone chize mabatwila atu jenyi.

Kutuhuka 20:5

Kanda wafukamina, chibwe kwakombelela, mumu yami Mwene Zambi, Zambi ye, nguli Zambi ya ukwa. Atu waze akunguvutwokela mungukaamwesa lamba, ni ana jo, ni ajikulu jo, ni tukwatambuli two.

Izaya 3:13

Mwene Zambi haheta ku chisopelo, halilulika kulu kubatwila atu jenyi.

Izaya 43:26

“Tuyenu ku chota cha kusopela; lumbununenu kusuma chenu! Sololenu chikuma chenu chize muchilweza ngwo, nunasambe!

Jeremia 2:29

Mba kunenganyana che chaka? Mumu yika hiwangukatukila?

Jeremia 2:35

“Kunwakwamba ngwenu: ‘Kutushi kwetu mulonga; Zambi keshi kutuvwila nawa ufwatulo.’ Alioze yami Mwene Zambi, mungunumwesa lamba mumu nwakulisamba ngwenu, kutushi kwetu mulonga.

Hosea 12:3

Kashakulu ko Yakoba yaasemuka pasa ni yayo Esau. Muze ayo eswe te achili mu jimo lia naye yaalitachika. Muze Yakoba hatatuka yalitachika nawa ni Zambi,

Hosea 2:2

Ana jami, lembejekenu noko, chibwe hi pwo liami ko nawa, ni yami hi nguli nawa lunga lienyi ko. Mulembejekenu alitwamine kulinga utanji.

Hosea 4:1

Mwene Zambi kanasumu atu a mu chifuchi mulonga. Yenu Aisraele, banjikenu, yize anambe Mwene Zambi ngwenyi: “Mu chifuchi kumushi ululi ni zango; atu kaanyingikine Zambi.

Alevi 20:5

yami mwene mungulimika ni mwe mutu ni akwa jiko lienyi eswe ni eswe waze akumukaula ha kulituna yami, ni kuwayila zambi Moleke. Chichi kaalula nawa mukachi ka atu jami.

Mika 6:2

Yenu milundu, yenu fundamentu jeswe ja hashi, banjikenu ku kusuma cha Mwene Zambi! Mwene Zambi kanasumu atu jenyi. Kumasuma Aisraele mulonga.