Jeremia 2:8 - Mukanda Wa Zambi 1970

⁸ Mahako kaahulile ko ngwo: ‘Mwene Zambi kulihi ali?’ Mahako ja yami mwene kaangunyingikine ko. Akwa kuyula yaangukatukila, akwa munanyi yaahanjika munanyi mu jina lia zambi Bale, yaakombelela mahamba.

MUKANDA USANDU WA ZAMBI 1975

⁸ Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 2:8 Iomraidhean Croise

1 Yitanga Ya Mianangana 18:22

Mba Eliya yamba ngwenyi: “Yami wika nasala mukwa munanyi wa Mwene Zambi, alioze akwa munanyi a Bale kaali 450.

1 Yitanga Ya Mianangana 18:29

Yaakololoka ndoo chingoloshi, alioze kukwabwile ko kumbululo, chibwe liji nilimwe.

1 Yitanga Ya Mianangana 18:40

Eliya yamba ngwenyi: “Hikwatenu akwa munanyi a Bale, niumwe kanda achina!” Atu yaakwata eswe, mba Eliya yaapalumwisa ndoo ku chitwetwe cha Kishone, kwenako ashihilile.

Jobe 35:10

Alioze kukushi yoze wakunyonga Zambi yoze waatangile, Zambi yoze wakutwaha miaso ha ufuku.

Izaya 28:7

Chibwe akwa munanyi ni mahako kaakupiepieta mumu haazengewa. Kaakunwa vinyu yisasu yinji, kashika akutalinga ni kubinda. Akwa munanyi kaakuzengewa kuhiana, kaahashile kunyingika ulumbunwiso wa Usolwelo uze Zambi akuhana, ni mahako kaakuzengewa kuhiana, kaahashile kubatula milonga yize atu akwanehena.

Izaya 29:10

Mwene Zambi hanupwisa akwa kufungunuka tulo anji. Akwa munanyi chaatamba kubwa meso ja atu, alioze Zambi hanaapupuchisa.

Izaya 30:5

Ayuda maakalinyenga ngwo, mumu yika twashachilile ha vungu lize kulishi kushishika, vungu lize kulishi kukwasa ngwe chize akulakenya.”

Jeremia 10:21

Yingukumbulula ngwami: “Miata jetu kaali yelo; kaasolo kuhula Mwene Zambi asongwele. Kashika yaalimbwoka, mba atu jetu yaamwangashana.

Jeremia 12:10

Akwa kuyula anji a tundaka heenyeka munda wami wa vinyu; haaliachila mbuto yami hashi; chifuchi chami chibema haachalumuna puya.

Jeremia 16:19

Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Jeremia 18:18

Mba atu yaamba ngwo: “Tuyenu tutwame Jeremia punga! Matangwa eswe mutubwa ni mahako akutulongesa, ni akwa mana akutuyula, ni akwa munanyi akwambujola maliji a Zambi. Tumusumenu mulonga, kanda tumubanjika nawa.”

Jeremia 2:11

Kukushi vungu nilimwe lize haasumbakenya mazambi jo, chibwe kaabwile ko mazambi amwenemwene. Alioze atu jami haangusumbakenya, yami Zambi mulemu, ni mazambi waze kaahashile kwalingila Chuma nichimwe.

Jeremia 2:6

Kaangwalwile ko ngwe Chuma, chibwe naalamwinyine ku Egiptu ni kwasongwela mu puya, chifuchi cha masekeseke ni mena, chifuchi cha pwila ni kole ni woma, kuze kukushi mutu niumwe chibwe kwendangana mo.

Jeremia 4:22

Mwene Zambi kanambe ngwenyi: “Atu jami kaali yihepuke; kaangunyingikine. Kaali ngwe yihepuke ja ana; keeshi malinjekela. Kaali ni mana akulinga ungulungulu, alioze kaali akwa ngwaza ha kulinga yibema.”

Jeremia 5:31

akwa munanyi kaakuhanjika lume mahuza; mahako kaakuyula ngwe chize akwalweza kuli akwa munanyi; ni atu jami kaakuchitayiza. Alioze kuchi maakalinga ku songo?”

Jeremia 7:8

“Talenu, nwakujikijila ha maliji a kwonga.

Jeremia 9:14

Alioze haanabu akwa pami, haanakombelela mahamba ja Bale ngwe chize aalongesele kuli atato.

Ezekiel 22:26

Mahako kaakukolema Shimbi jami, keeshi kulemesa yuma yami ya chijila. Keeshi kuhandununa mukachi ka yuma ya chijila ni ya luchisa. Keeshi kulongesa kulituchika chize chili mukachi ka yuma yibema ni ya luchisa, kaakulelesa tangwa lia kuhwima. Kashika Aisraele keeshi kungulemesa.

Ezekiel 34:2

“Mwana mutu, bajila akwa kuyula ja Aisraele, hanjika munanyi kuli ayo, alweze chize yami Mwene Zambi ngunambe. Ngwami, lamba lienu yenu tufunga twa Aisraele! Nwakulizanga yenwene, alioze kunushi kufunga mapanga.

Hosea 4:6

Atu jami kaakufwa mumu kaangunyingikine ko. Yenu mahako hinwalituna kungunyingika, hinwehuka longeso liami. Kashika ni yami hinanwehuka, chichi katayiza ana jenu a malunga kubwa mahako jami.

Habakuke 2:18

Mwe hamba kukwasa chenyi chika? Chili lume Chuma chize atangile mutu. Kahashile kunulweza umwenemwene, shina mahuza wika. Mba mumu yika kushachila hali zambi wakulinga ni moko, yoze keshi kuhanjika?

Mateu 16:26

Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

Luka 11:52

“Lamba lienu, alongeshi a Shimbi! Nwaswekele sapi ya kwazulula nayo chajilo cha chinyingi. Yenwene kunushi kunjila mo, ni nwakukinda waze akuzanga kunjila mo!”

Yoano 16:3

Yuma yino maakayilinga mumu kaanyingikine Tata chibwe yami.

Yoano 8:55

Kunwamunyingikine nilimwe tangwa, alioze yami ngunamunyingika. Nyi mungwamba ngwami, chamunyingikine, mungubwa mukwa mahuza ngwe yenu. Alioze ngunamunyingika, ni nakwononokena liji lienyi.

2 Korintu 4:2

Hitunehuka yuma yeswe ya kuhengeka ni ya sonyi. Kutushi kwonga atu, kutushi kwalumuna maliji a Zambi. Yuma yize twakulinga kutushi kuyisweka, mumu yili yamwenemwene. Twakuyilinga ku meso ja atu eswe ni ku meso ja Zambi, hanga mutu mweswe ayifuliele mu mbunge yenyi.

Shimbi 33:10

Maakalongesa ana je ha kufunga Shimbi je. Maakalambula milambu ha chilumbilo che.

1 Samuel 12:21

Kanda nukaula mahamba amokomoko; kaahashile kunukwasa hanji kunulamwina, mumu kaali amokomoko.

1 Samuel 2:12

Ana ja Eli a malunga yaabwa atu amokomoko, te keeshi kulemesa Mwene Zambi,