Jeremia 2:7 - Mukanda Wa Zambi 1970

⁷ Yingwaneha mu chifuchi cha chinuno, ni kuwahilila ni mihuko yami ni yuma yikwo yibema. Alioze chifuchi chize naahele; yaachibihisa, yaachipwisa chamokomoko.

MUKANDA USANDU WA ZAMBI 1975

⁷ Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 2:7 Iomraidhean Croise

Nehemia 9:25

Atu je yaakumba membo akukoleka, chifuchi cha chinuno, ni mazuwo waze te haazala ni yikumba, ni mashima akutota, ni mitondo ya olive, ni ya vinyu, ni ya mihuko. Yaalia yeswe yize azangile, yaatohwa. Yaawahilila ni yuma yibema yize waahele.

Nehemia 9:26

“Alioze atu je yaabwa ni pami, yaakukolema, yaalituna Shimbi je. Yaashihashiha akwa munanyi waze aakanyamishine, waze aalongesele hanga atewuluke kuli yena. Yaakushililika tangwa ha tangwa,

Izaya 19:25

Mwene Zambi Mukwa Ndundo Jeswe makaawahisa nikwamba ngwenyi: “Yenu atu jami, akwa Egiptu, ni yenu Aasuria waze natangile, ni yenu Aisraele waze natongwele, mungunuwahisa.”

Jeremia 16:18

Mungwamba afwete mulonga wo ni ungulungulu wo yisuho yaali, mumu haanachisa chifuchi chami ni mahamba jo waze haanalumbika ngwe afu, ni hanachizalisa ni mazambi jo amokomoko.”

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:2

Achitala ha mulundu. Hali kama hamwe homa hasala haze kanda ulingila utanji, nyi? Te wakushimbwila akwa zango lie mu majila, ngwe chize akulinga umwe mukwa Arabe mu puya. Hiwachisa chifuchi ni utanji we.

Jeremia 3:9

Kevwile ko sonyi nichimwe, yabihisa che chifuchi nikulinga utanji ni kuwayila mawe ni mitondo.

Jeremia 32:23

Alioze muze haanjila mo, haachizuka, kononokene ko ku Shimbi je hanji kufunga longeso lie; kaalingile ko nichimwe cha yuma yize waalwezele. Kashika yiwaamwesa lamba lino lieswe.

Jeremia 32:30

Aisraele ni Ayuda hasuku achiza kungusosomba ni kunguvwisa utenu mumu ha yitanga yo yibi.

Ezekiel 20:24

Chino yinguchilinga mumu yaalituna yiyulo yami, yaakolema Shimbi jami, yaalelesa tangwa lia kuhwima, yaakombelela mahamba waze ene tushakulu two te akulingila.

Ezekiel 20:28

Yingwatwala ku chifuchi chize naalakenyene. Muze amwene milundu ni mitondo ya wisu, yaalambwila ko milambu ya kwocha ni vinyu.

Ezekiel 20:6

Ha tangwa lize nalishingile ni kwatuhwisa mu Egiptu, ni kwatwala ku chifuchi chize naatongwelele, chifuchi chibema chahiana cha ubite ni chinuno.

Ezekiel 23:35

Mwene Zambi kanambe ngwenyi: “Mumu hiwanguvulama, hiwangumba nyima, lamba muumona mumu ha usolo we ni utanji we.”

Ezekiel 36:17

“Mwana mutu, Aisraele muze abwile mu chifuchi cho, yaachibihisa ku ndako jo ni ku yitanga yo. Yaachichisa ngwe pwo yoze uli ku zuwo likwo.

Hosea 9:3

Aisraele keechi kanyongonona mu chifuchi cha Mwene Zambi, alioze maakahiluka ku chifuchi cha Egiptu, maakalia yakulia ya luchisa mu chifuchi cha Asuria.

Mika 2:10

Katukenu, yeenu; kuno kukushi uhwimino nihakepe. Akwa kole moonona homa hano mumu ha milonga yenu.

Kwalula 13:27

Ngwo: “Tunakendesa chifuchi kuchiwana, ma ma ma maa! Chili ni ubite unji, chifuchi cha chinuno. Tala mihuko yacho.

Shimbi 21:23

kanda asala ha mutondo ufuku weswe. Chatamba kumufunda tangwa lizeliene, mumu mujimba wa kusukika ha mutondo kuwakuneha Shingo lia Zambi mu chifuchi. Fundenu mutu yoze hanga kunuchi kubihisa chi fuchi chize Mwene Zambi, Zambi yenu, hananwehe.

Shimbi 32:9

Alioze yalitongwela vungu lia Yakoba kubwa lume nienyi.

Shimbi 6:18

Lingenu yize Mwene Zambi anambe, yize yinalite ni yinabeme, mba munukawaha. Munukazuka chifuchi cha chinuno chize Mwene Zambi alakenyene tushakulu twenu,