Jeremia 2:3 - Mukanda Wa Zambi 1970

³ Israele, yena te uli wa yami wika; wabwile mutu wami wa linanga. Natumine lamba ni misongo kuli mweswe yoze wakulingile chibi. Yami Mwene Zambi nachamba.”

MUKANDA USANDU WA ZAMBI 1975

³ Izalele wapwile musandu kuli Yehova, mbuto yitangu ya kucha. Eswe alileko ahile; chipi chaawanyine. Chocho kanambe Yehova.

Jeremia 2:3 Iomraidhean Croise

Kutuhuka 22:29

“Kanda ukalaluka kungulambula mihuko ya mu munda we, tiriku, ni vinyu, ni maji. “Ukangwaha ana je atangu a malunga.

Kutuhuka 23:16

“Ukalinga chiwanyino cha Kubatula Mbuto, muze unabatula mbuto yitangu ya mu munda we. “Ukalinga nawa chiwanyino cha Yikulika ha kuhwa cha mwaka, muze muukahela mihuko ya vinyu ni ya olive.

Izaya 41:11

“Waze akukuvutwokela sonyi maakevwa. Waze akukukatukila kumaakafwa,

Izaya 47:6

Natenukinyine atu jami; nalimikine no ngwe keeshi nawa atu jami: yingwakunjika mu moko je. Alioze yena kuwevwilile ko keke; chibwe tushinakaji wamwesene lamba.

Jeremia 12:14

Mwene Zambi kanambe ngwenyi: “Nguli ni maliji hakutwala kuli enyembo abi waze heenyeka chifuchi chize nahele atu jami Aisraele. Yingulungulu waze mungukaatwala kusuku ni yifuchi yo, ngwe chize akutukula chibuta, mungukalamwina Ayuda ku moko jo.

Jeremia 2:4

Yenu vungu lia Israele banjikenu ku maliji a Mwene Zambi.

Jeremia 30:16

Alioze eswe waze ananumwesa lamba, no kumaakamwesa lamba, akwa kole jenu eswe kumaatwama mu ufunge. Eswe waze akunubinjisa no kumaakaabinjisa, eswe waze maabuba ubite wenu no kumaakaabuba ubite wo.

Jeremia 50:7

Eswe waze anaamono, kaanalimika no. Akwa kole jo kaanambe ngwo: ‘Haanavulumuna Mwene Zambi, kashika yeswe yize tunaalingi hi yibi ko. Tushakulu two te kaakujikijila hali Mwene Zambi, ni ayo te chaatamba kujikijila hali iye nawa.’

Joele 1:3

Lwezenu ana jenu; no akalweze ana jo, no nawa akalweze Chisemuko cho.

Amose 6:1

Lamba lienu waze nwatwama nikwoloka mu limbo lia Zione! Lamba lienu waze nwakunyonga ngwenu, nuli mu uhwimino mu limbo lia Samaria. Lamba lienu yenu malunga alemu a mu chifuchi chino chilemu Israele, kuli waze kwakwizaza atu ha kwakwasa!

Habakuke 1:11

Mba maabalika ko ngwe fuji, atu wano tachi jo jili ngwe zambi yo.”

Zakaria 1:15

alioze mavungu waze anatwama kanawa mu uhwimino ngunaatenukina. Mumu muze nalihumikijine ni atu jami, e mavungu yaahungumiona kuhiana.

Zakaria 2:8

Mweswawo manulamba, kalamba Chuma chami chilemu chahiana.” Kashika Mwene Zambi Mukwa Ndundo Jeswe yangutuma ni maliji wano mumu hali mavungu waze abubile yuma ya atu jenyi ngwenyi:

Kwalula 18:12

“Ngunakwehe mihuko yitangu yibema yize Aisraele maangulambula ku mwaka ni mwaka: maji a olive, ni vinyu, ni mbuto.

A-ROMA 11:16

Nyi umwe mahana Chihanda cha mwaha utangu wa mbolo kuli Zambi, kachi mwaha wa muundu nawa niwenyi. Nyi umwe mahana miji ya mutondo kuli Zambi, ni ye mitango nawa niyenyi.

A-ROMA 16:5

Menekenu nawa Chikungulwila chize chinakunguluka mu zuwo lio. Menekenu sepa liami, Epenetu, yoze wabwile mutu mutangu kufuliela Kristu mu chifuchi cha Asia.

Efesu 1:4

Muze te kanda achitanga hashi, Zambi watutongwele kulu ha kubwa atu jenyi mu kulinunga ni Kristu, hanga tukabwe akwa kulinanga, kutushi kapalia ku meso jenyi. Mu zango lienyi,

Shimbi 14:2

Nuli a mbala a Mwene Zambi, Zambi yenu, hananutongola ha kubwa atu jenyi mwene hakachi ka mavungu eswe waze atwama hano hashi.”

Shimbi 26:19

Manupwisa anene kuhiana mavungu akwo waze atangile, ni yenu munukalemesa ni kufumanyisa jina lienyi. Munubwa lume atu jenyi, ngwe chize alakenyene.”

Shimbi 7:6

Lingenu chino mumu nuli a mbala a Mwene Zambi, Zambi yenu. Yanutongola hakachi ka atu eswe hano hashi ha kubwa lume atu jenyi.

Tiangu (Jake) 1:18

Ku upale wenyi mwene, hanatupwisa ni mwono ku tachi ja liji liamwenemwene, hanga tukabwe alemu kuhiana hakachi ka yitanga yenyi yeswe.

1 Petulu 2:9

Alioze yenu nuli atu waze Zambi atongwele, nuli mahako a Mwene, nuli lume atu ja Zambi. Hananutongola hanga nwambujole yitanga yibema ya Zambi, yoze wanutambikile ha kukatuka ku milima hanga nunjile mu pangu lienyi liahiana.

Usolwelo 14:4

Wano kaalibihishile ko ni mapwo, mumu te akwa kulinanga. Te kaakukaula Mwana Panga kuze kweswe te akuya, yaahandununa mukachi ka atu ni kwakunjika ngwe mulambu utangu kuli Zambi ni kuli Mwanenyi.