Jeremia 19:3 - Mukanda Wa Zambi 1970

³ Mwene Zambi yangulweza ngwenyi, amba ngwe: “Yenu mianangana ja Ayuda ni akwa Yerusaleme, banjikenu chize yami Mwene Zambi Mukwa Ndundo Jeswe, Zambi ya Israele, ngunambe. Munguneha lamba liahiana homa hano; mweswawo machivwa malishimwoka.

MUKANDA USANDU WA ZAMBI 1975

³ Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Jeremia 19:3 Iomraidhean Croise

Miaso (Masamu) 102:15

Mavungu meevwila Mwene Zambi woma; mianangana eswe a hashi meevwila ndundo jenyi mwongo.

Miaso (Masamu) 110:5

Mwene Zambi kali ku chindume che; muze makevwa ufwatulo, makakumba mianangana.

Miaso (Masamu) 2:10

Haliabwila yenu mianangana ngubanjikenu, yenu akwa kuyula a hashi kanyamenu.

Izaya 28:19

Mulikanuzemukina nawa ni nawa, ha chichamene ni chichamene. Mulikanubwila ha mwalwa ni ufuku. Sango jeswe jaha ja Zambi mujikanuvwisa mwongo!

Jeremia 13:18

Mwene Zambi yangwamba ngwenyi: “Lweza mwanangana ni naye akatuke ha yitwamo yo, mumu yipangula yo ya uhenya hiyaholoka ku mitwe yo.

Jeremia 17:20

Lweza mianangana ja Ayuda ni atu eswe waze atwama mu Yerusaleme, waze akunjilila mu yikolo yino, abanjike yize ngunahanjika.

Jeremia 18:11

Kashika haliabwila, lwezenu Ayuda ni akwa Yerusaleme ngwami, ngunalulika kulimika no nikwamwesa lamba. Alweze alumuke, alitwamine kulinga yibi.

Jeremia 19:15

maliji ja Mwene Zambi Mukwa Ndundo Jeswe, Zambi ya Aisraele, ngwenyi: “Munguneha lamba heswe lize nambile ha limbo lino ni ha membo eswe akusulangana, mumu nuli akwa pami, kunushi kubanjika ku maliji jami.”

Jeremia 25:29

Mungubutula milimo yami ya kwonona mu limbo lia yami mwene. Kuma kaananyongo ngwo, keechi kumona lamba, nyi? Ka, kumaalimona, mumu mungutuma jita hali akwa hashi eswe. Yami Mwene Zambi Mukwa Ndundo Jeswe nachamba.

Jeremia 35:17

Kashika haliabwila, yami Mwene Zambi, Mukwa Ndundo Jeswe, Zambi ya Israele, munguneha kwonona cheswe chize hingunalakenya hali yenu Ayuda ni akwa Yerusaleme. Munguchilinga mumu kunusolo kubanjika ku yize nakuhanjika kuli yenu, kunushi kutayiza muze nakunutambika.”

Jeremia 44:3

mumu atu jamo alingile yibi, yaanguvwisa ufwatulo. Yaalambula milambu kuli mazambi eka, yaalingila mazambi waze chibwe yenu chibwe tushakulu twenu kanda awayila kama.

Jeremia 6:19

Hashi, banjikenu! Lamba lino heswe mungukaneha lia kwonona atu wano, mumu haanehuka longeso liami, kaasolo kwononoka ku maliji jami.

Ezekiel 7:5

Mwene Zambi kanambe ngwenyi: “Lamba muliza nawa ni nawa.

Mateu 10:18

Maakanukunjika ku meso ja akwa lutwe ni mianangana mumu hali yami, ha kwashindakenya Sango Jibema ni waze hi Ayuda ko.

Usolwelo 2:29

“Yoze uli ni matwi, evwe chize Mwiku wa Linanga unambila Yikungulwila.”

1 Samuel 3:11

Mba Mwene Zambi yamulweza ngwenyi: “Tala, mungukalinga chimwe Chuma chikalu kuli Aisraele. Atu eswe waze maakachivwa, chimbangwinya maakevwa.