Jeremia 19:2 - Mukanda Wa Zambi 1970

² tutuhuke ku chikolo cha Chiyo cha Ndeho (yimbia) nikuya ku chikulo cha Hinome, hanga ngwambujolele ko maliji waze iye mangulweza.

MUKANDA USANDU WA ZAMBI 1975

² ukatuhuke ku mungulunga wa Bene-Hinome ku unjililo wa chikolo cha Chiyo-cha-ndeho, wambulule maliji aze mungukulweza.

Jeremia 19:2 Iomraidhean Croise

1 MIANANGANA 23:10

Mwanangana Josia yabuzula nawa Tofete, chilumbilo cha mahamba mu chikulo cha Hinome, hanga niumwe kechi kalambula nawa mwanenyi wa lunga hanji wa pwo kuli zambi Moleke.

2 Sango Ja Mianangana 28:3

yochela yuma ya vumba libema mu chikulo cha Hinome, yalambula chibwe ana jenyi a malunga mulambu wa kwocha kuli mahamba, yembulula yitanga ya kuzelwokesa ya atu waze Mwene Zambi ahumine mu chifuchi kulutwe lia Aisraele.

2 Sango Ja Mianangana 33:6

Yalambula ana jenyi a malunga milambu ya kwocha mu chikulo cha Hinome. Yataha ngombo, yapanda wanga, yalinga tufutafuta. Yavulumuna Mwene Zambi kuhiana, yamuvwisa ufwatulo.

Nehemia 3:29

Zadoke mwana wa Imere yatunga chize chasulile ko, kulutwe lia zuwo lienyi. Shemaya mwana wa Shekania, kafunga ka chikolo cha Chivumbuko, yatunga chize chasulile ko.

Jeremia 1:7

Alioze Mwene Zambi yamwamba ngwenyi: “Kanda wamba ngwe, nguchili mukweze, alioze yako kuli atu waze ngunakutumu, waalweze yuma yeswe yize mungukulweza.

Jeremia 11:6

Mba Mwene Zambi yangwamba ngwenyi: “Yako mu membo ja Ayuda ni mu majila a Yerusaleme. Ukambujolele mo maliji jami ni kulweza atu abanjike Shimbi ja Usendo ni kujifunga.

Jeremia 18:2

“Palumuka ku zuwo lia tengi, kwenako mungukulwezela maliji jami.”

Jeremia 26:2

Mwene Zambi yangwamba ngwenyi: “Mana mu yiize ya zuwo lia Zambi, wambujole yeswe yize hinakwamba kulweza atu waze aneza ku membo ja Ayuda ni kuwayila ko. Kanda uhichika liji nilimwe.

Jeremia 3:12

Yangutuma ni kulweza Israele ngwenyi: “Yena chihulia, hiluka kuli yami. Nguli mukwa keke, chichi kutenuka, chichi kukutenukina ndoo ku miaka yeswe.

Jeremia 32:35

Haanatungila hamba Bale yilumbilo mu chikulo cha Hinome, ya kulambula ana jo a malunga ni a mapwo milambu kuli zambi yo Moleke. Yami chaalwezele cho kuchilinga, ni mwene kuchabwile ko mu manyonga jami ha kulinga Chuma chize ni kuvulumwisa Ayuda.”

Yona 3:2

yamwamba ngwenyi: “Yako ku Ninive, limbo linene, wambujole kuli atu liji lize ngunakulweze.”

Mateu 10:27

Chize ngunanwambulwila mu milima, chambujolenu mu pangu. Chize nunevu ku tenga, Chambululenu ha mafulumba ja mazuwo.

Yilinga 20:27

Mumu chalitunyine kunwambulwila upale weswe wa Zambi.

Yilinga 5:20

“Yeenu numane mu zuwo lia Zambi nikulongesa atu eswe hakutwala ku mwono uze anehene Yesu.”

Yoshua 15:8

mba mu chikulo cha Hinome ku sude ya mulundu, kuze kwabwile limbo lia Ajebuse, Yerusaleme. Yiikanduka ndoo ha mulundu ku chitokelo cha chikulo cha Hinome, ku norde ya chikulo cha Refaime.