Jeremia 15:3 - Mukanda Wa Zambi 1970

³ Yami, Mwene Zambi, hinabatula ngwami, lamba liwana maamona: maashiha mu jita, mijimba yo maayikoka kuli tuwa, tujila maayilia ni tushitu kumaalia yize muyisala.

MUKANDA USANDU WA ZAMBI 1975

³ Yehova kanambe ngwenyi, Mungusa hali ayo yonwonyi awana ngwami, Katana kushiha, ni tuwa kuwumbula, ni tujila a mu tetela, ni tushitu a hashi kulia ni kwonwona.

Jeremia 15:3 Iomraidhean Croise

Miaso (Masamu) 68:23

Ha chino munukendangana mu manyinga jo, tuwa twenu maakaalia ngwe chize anazange.”

Izaya 18:6

Mijimba ya tujita two maakayilia kuli tushitu ni tujila mu yambu. Ha lwiza tujila maakayilia, ha mwaka wa vula, tushitu maakayilia.”

Jeremia 12:9

Atu jami waze natongwele kaali ngwe kajila mubema yoze yiselele haamuseleka ni kulimika nenyi. Tambika tushitu a mu yambu eze ku chiteleka.

Jeremia 14:12

Chibwe alitwamine kulia, hindu chichi kubanjika ku kulila cho; chibwe angulambule milambu ya kwocha ni ya mbuto, chichi kuwahilila no. Alioze, mungwashihila mu jita, ni zala, ni misongo.”

Jeremia 14:16

Atu waze akubanjika longeso lio no che maakafwa. Maambila mu majila a Yerusaleme, niumwe yoze maafunda. Chenacho mungulinga ayo eswe, ni mapwo jo, ni ana jo a malunga ni a mapwo. Mungwalinga nikulita ni ungulungulu wo.”

Jeremia 16:4

Kumaafwa ni musongo ubi, mutu niumwe kechi kwalila hanji kwafunda. Mijimba yo maayilumbika yingina hashi ngwe pinga. Kumaafwa ni jita ni zala; mijimba yo muyibwa kulia cha tujila ni tushitu a mu yambu.

Jeremia 7:33

Mijimba muyikabwa kulia cha tujila ni tushitu a mu yambu, niumwe kechi kabwa ko ha kwahuma.

Lungungu 3:11

Hanguhanga mu jila, hangupapulula, hanguhichika.

Ezekiel 14:21

Mwene Zambi kanambe ngwenyi: “Mungutuma lamba liwana libi kuhiana hali akwa Yerusaleme, jita, ni zala, ni tushitu asasu, ni misongo ha kushiha atu ni tushitu.

Ezekiel 33:27

“Alweze ngwe, yami Mwene Zambi ngunaatoweza ngwami, ni mwe yami mwene, atu waze atwama mu membo akwenyeka kumaakafwa. Waze atwama mu yambu maakalia kuli tushitu a yilianyi. Waze aswama ha milundu ni mu yivwenge maakafwa ni misongo.

Alevi 26:16

mungukanumwesa lamba. Mungukanuvwisa mwongo ni kunukokela misongo yize kuyishi kuhwa, ni kachiki yoze wakupupuchisa meso ni kuhongesa mwono wenu. Munukakuwa mbuto yenu, alioze kunuchi kayilia nichimwe, mumu akwa kole jenu maakanukumba, maakalia yize hiyatatuka.

Alevi 26:22

Mungukanutumina tushitu ayilianyi mukachi kenu, hanga akashihe ana jenu, ni kwonona yimuna yenu. Atu akepe maakasala waze maakenda mu majila jenu.

Alevi 26:25

Mungukanutumina jita ni kunumwesa lamba muze munukashiha Usendo wetu. Nyi nwakunguluka mu membo jenu ha kubwa ni uhwimino, mungukanutumina misongo yize kuyishi kuhwa mukachi kenu, mba munukazeyela akwa kole jenu.

Amose 5:19

Mulikabwa ngwe mutu yoze unachina tambwe, alioze matakana ni kashitu mukwo musasu! Hanji ngwe mutu unanjila mu zuwo, unakwata ku mbango, mba toka mamutota!

Shimbi 28:26

Muze munukafwa, tujila ni tushitu maakeza ni kunulia, kukuchi kabwa niumwe yoze makaahuma.

Shimbi 32:24

Kumaakafwa ni zala ni kachiki. Maakafwa ni misongo yikalu. Mungukaatumina tushitu asasu ha kwaseleka, ni tupela a ulembe ha kwasuma.

Usolwelo 6:8

Munatala, mba yingumona kavwalu mulauluka. Yoze watwamine ho jina lienyi Kufwa; ni Chifuchi cha Afu chinamukaula. Yaaha chiyulo cha kuyula Chihanda chimuwika ku yihanda yiwana ya hashi, ha kushiha atu ni mukwale, ni zala, ni misongo, ni tushitu a yitoji a hashi.