Jeremia 12:3 - Mukanda Wa Zambi 1970

³ Alioze Mwene Zambi, yena unangunyingika; Wakumona chize nakulinga, ni chize nakukuzanga. Chiza yingulungulu wano ngwe mapanga waze anaatwala ku chishihilo; waatulike ndoo ku tangwa lia kwashiha.

MUKANDA USANDU WA ZAMBI 1975

³ Alioze yena Yehova unangunymgika. Unangumono, nikweseka manyonga jami ha kutwala kuli yena. Watukule ngwe mapanga a kuya ku chishihilo, ukaatulike ha tangwa lia kushiha.

Jeremia 12:3 Iomraidhean Croise

1 MIANANGANA 20:3

“Mwene Zambi, iwuluka kama chize hingunakulingila ni mbunge yimuwika ni kushishika; matangwa eswe hinguneseka kulinga chize wakuzanga.” Mba yabutuka kulila chikolo.

1 Sango Ja Mianangana 29:17

Zambi yami, ngunanyingika ngwami, wakweseka mbunge ya mutu mweswe, ni wakwivwa kuwaha ni akwa mbunge yimuwika. Hinalimwena cho yami mwene chize atu je anakunguluka hano haalambula ni uwahililo.

Jobe 23:10

Chibwe chocho, Zambi kananyingika jila yize ngunende; muze mangweseka mangumona ngwenyi, nguli ni mbunge yibema ngwe oru.

Miaso (Masamu) 11:5

Mwene Zambi kakweseka akwa ululi ni yingulungulu, kakuvutwokela waze akulinga yibi.

Miaso (Masamu) 139:23

Aa Zambi, nguhengule kama unyingike mbunge yami, ngweseke kama, unyingike manyonga jami.

Miaso (Masamu) 17:3

Unanyingika mbunge yami. Hiunanguhete ha ufuku, hiunangweseka liakulu, kuwawanyine chibi nichimwe muli yami.

Miaso (Masamu) 26:1

Aa Mwene Zambi, ngusambise kama, mumu chishi chitela, nakushachila hali yena.

Miaso (Masamu) 7:9

Yena uli Zambi ya ululi, wakutubatwila nikulita ni manyonga jetu ni kuzanga chetu. Kanjisa yingulungulu, kanda avulumuna nawa, Kundulula akwa ululi.

Jeremia 15:15

Mba yami yingwamba ngwami: “Mwene Zambi, yena Unanyingika. Ngwiwuluke kama, ungukwase. Ngukale kama kuli waze akunguhungumiona. Kanda ulihumikiza no angushihe. Iwuluka ngwe haanangushililika mumu hali yena.

Jeremia 17:16

Alioze, Mwene Zambi, chakushinjikile nichimwe kwamwesa lamba; Chazangile ayo amone lamba. Mwene Zambi yena unachinyingika; Unanyingika chize nambile.

Jeremia 17:18

Mwene Zambi vwisa sonyi waze akunguhungumiona, alioze yami ka. Evwise mwongo, alioze yami ka. Amwese lamba, abatwole yipinji yipinyi.

Jeremia 20:12

Alioze, Mwene Zambi Mukwa Ndundo Jeswe, yena wakweseka atu ni ululi; unanyingika yize yili mu mbunge jo ni mu manyonga jo. Kashika ngweche ngumone kama chize muungukala kuli akwa kole jami, mumu hinakunjika mulonga wami mu moko je.

Jeremia 48:15

Membo ja Moabe heenyeka; akweze jamo abema kuhiana haashiha. Yami mwanangana, Mwene Zambi Mukwa Ndundo Jeswe, hinahanjika.

Jeremia 50:27

Shihenu tujita two eswe! Ababilonia, lamba lio, tangwa lio lia lamba hiliakundama!”

Jeremia 51:4

Kumaabwa tupaza, kumaafwa mu majila a mu membo jo.

Yoano 21:17

Yesu yamuhula chisuho cha muchitatu ngwenyi: “Simone mwana wa Yoano, unanguzange, nyi?” Petulu yevwa chinyengo ha chize Yesu amuhulile chisuho cha muchitatu ngwenyi: “Unanguzange, nyi?” Mba yamukumbulula ngwenyi: “Mwene, yena Unanyingika yuma yeswe. Unanyingika ngwe, ngunakuzange!” Yesu yamwamba ngwenyi: “Lisa mapanga jami.

Tiangu (Jake) 5:5

Mu kutwama chenu hano hashi hinunawahilila ni yiwape yeka ni yeka, hinunali kuhiana, hinunabu ni maji anji ngwe tushitu ndoo ha tangwa lize maakaashiha.

2 Petulu 2:12

Alioze alongeshi waze a kwonga kaakulinga chilingila, ngwe tushitu a mu yambu waze akusemuka hanga atu aakwate ni kwashiha. Atu waze kaakulelesa yuma yize kaayinyingikine ko. Maakafwa ngwe tushitu a mu yambu.