Jeremia 12:2 - Mukanda Wa Zambi 1970

² Yena wakwatumba, no kaakutanda miji; kaakutatuka ni kwima mihuko. Kaakukuchichimieka shina ni kanwa; alioze mu mbunge keeshi kukuzanga.

MUKANDA USANDU WA ZAMBI 1975

² Yena wakwatumba mba masoka miji. Kakutatuka nikwima mihuko. Yena uli hakamwihi mu makanwa jo, alioze ku mbunge jo uli kusuku.

Jeremia 12:2 Iomraidhean Croise

Jobe 24:12

Mu membo atu haalemana, kaanambe kufwa, kaanalili mbimbi, hindu Zambi kasolo kwivwa kulila cho.

Jobe 5:3

Yami hingunamono yihepuke waze akulinyonga ngwo, tuli mu uhwimino, alioze susumuku hinashinga mazuwo jo.

Miaso (Masamu) 37:35

Hingunamono umwe chingulungulu wa tachi, te munene ngwe mutondo sedru ha mulundu wa Libano,

Izaya 29:13

Mwene Zambi hanambe ngwenyi: “Atu wano kaakwamba ngwo kaakunguwayila, alioze maliji jo kaali amokomoko, mumu mbunge jo jili kusuku ni yami. Uwayilo wo kuushi nichimwe shina Shimbi ni ndako ya atu, yize haanalilongesa.

Jeremia 11:17

“Yami Mwene Zambi Mukwa Ndundo Jeswe, natumbile Aisraele ni Ayuda; alioze haliabwila mungwamwesa lamba. Haanalikokela lio ayo ene mumu ha chibi chize haanalingi; haananguvwisa ufwatulo ha kulambula Bale milambu.”

Jeremia 3:10

Mwabwamuze Yuda chihulia, mwanakwo ya Israele, himalihambahamba ha kuhiluka kuli yami, alioze kabwile ko lume mukwa kushishika. Yami Mwene Zambi nachamba.”

Jeremia 45:4

“Alioze yami, Mwene Zambi, ngunabuzula yize hingunatungu. Munguchilinga hashi heswe.

Ezekiel 33:31

Chenacho atu jami akulikungulula evwe yize muwamba, alioze yize Wakwalweza keeshi kuyalula. Kaakunyonga ngwo, maliji je kaali miaso yamokomoko. Kaakukaula ubite.

Hosea 7:14

Keeshi kungulemba ni mbunge yimuwika, alioze kaakulila mbimbi ha mihela yo ngwe mavungu akwo. Muze akulemba mumu ha mbuto ni vinyu, maalilemeka ngwe mavungu akwo. Kaali lume yihulia!

Habakuke 1:13

Alioze ngwe kuchi muuhasa kulihumikiza chichize ni yiswii wano? Meso je kaali a chijila kuhiana ha kutala yibi, kuwahashile kulihumikiza ni atu waze akulinga yibi. Kuchi mba unalihulika nee muze wano anonwona akwa ululi kuhiana ayo?

Mateu 15:8

‘Atu wano kaakungulemesa ni makanwa jo, alioze mbunge jo jili kusuku ni yami.

Marku 7:6

Yesu yamba ngwenyi: “Izaya kanawa ahanjikile munanyi hakutwala kuli yenu, yilembekese, ngwe chize hichinasonewa mu Mukanda wa Zambi ngwo: ‘Atu wano kaakungulemesa ni makanwa jo, alioze mbunge jo jili kusuku ni yami.

Titu 1:16

Kaakwamba ngwo, tunanyingika Zambi; alioze ku yitanga yo, kaakulikala ye. Kaali akwa kuzelwokesa, yihulia, keeshi mana ha kumanununa chimwe chitanga chibema.