Jeremia 12:1 - Mukanda Wa Zambi 1970

¹ Mwene Zambi, nyi munguhamika ni yena, kachi yena muungukununa. Chibwe chocho ngunakuhula yihula hakutwala ku ululi. Mumu yika yingulungulu akuwaha? Mumu yika akwa uhenge akuyuka?

MUKANDA USANDU WA ZAMBI 1975

¹ Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Jeremia 12:1 Iomraidhean Croise

Ubutukilo 18:25

Kuwahashile kwonona akwa ululi hamwe ni yitanganyanyi. Kuwahashile kuchilinga nichimwe! Nyi wachilinga, kafwa ngwe, washiha akwa ululi hamwe ni yitanguke. Kuchahashile kubwa. Yena ngaji wa akwa hashi eswe, chakutamba kubatula ni ululi.”

Ezra 9:15

Mwene Zambi, Zambi ya Aisraele, yena uli mukwa ululi, hiwatutayiza yetu kutwama ni mwono. Tunashikisa milonga yetu; te kutwalitele kuheta ku meso je.”

Nehemia 9:33

Yena walingile kanawa ha kutumwesa lamba. Yena uli mukwa ululi, chibwe yetu twavulumwine.

Jobe 12:6

Mazuwo ja mihuza kaali kanawa, akwa kwihia Zambi kali mu uhwimino, waze akumbata zambi yo mu moko jo.

Jobe 13:3

Alioze yami ngunahamika ni Mukwa Ndundo Jeswe, ngunazange kulilumbununa kuli Zambi.

Jobe 24:12

Mu membo atu haalemana, kaanambe kufwa, kaanalili mbimbi, hindu Zambi kasolo kwivwa kulila cho.

Jobe 24:23

Zambi mahasa kumuhwimisa, alioze liso lia Zambi liakumutala matangwa eswe.

Jobe 8:17

Miji yawo yakulimbalimba, kuyakukwata ha mawe.

Miaso (Masamu) 116:5

Mwene Zambi kali ni keke, ni utu, ni zango liahiana.

Miaso (Masamu) 119:137

Mwene Zambi yena uli mukwa ululi, ni Shimbi je jili ja ululi.

Miaso (Masamu) 119:75

Mwene Zambi, ngunanyingika ngwami, wakubatula ni ululi; ni ululi wangumwesene lamba.

Miaso (Masamu) 145:17

Mwene Zambi kali mubema ni mukwa keke mu yuma yeswe yize akulinga.

Miaso (Masamu) 37:1

Kanda ulibikala mumu hali yingulungulu; kanda wivwila ukwa waze akulinga yibi.

Miaso (Masamu) 37:35

Hingunamono umwe chingulungulu wa tachi, te munene ngwe mutondo sedru ha mulundu wa Libano,

Miaso (Masamu) 51:4

Yena nakuvulumwine, yena wika, nalingile yuma yize wakubihilila. Kashika yena unasambe ha kungubatwila, unalingi ni ululi ha kunguhisa.

Miaso (Masamu) 51:6

Yena wakuzanga umwenemwene wa mu mbunge, ngwehe kama mana je.

Miaso (Masamu) 92:7

Yingulungulu maahasa kukola ngwe mwambu, maahasa kutwama kanawa; alioze maakoonona liakulu,

Yishima 1:32

Yizuzuke kaakufwa mumu kaakulituna mana. Yihepuke kaakulionona ha kulelesa cho.

Longeshi 8:14

Alioze hi chocho ko. Hengula kanawa, utale yuma ya hano hashi: yisuho yikwo akwa ululi kaakumona lamba lia yingulungulu, ni e yingulungulu kaakutambula kukundulula cha akwa ululi. Yingumona ngwami, chili chamokomoko.

Izaya 41:21

Mwene Zambi, mwanangana wa Aisraele, kanambe ngwenyi: “Yenu mazambi ja mavungu, lwezanenu chikuma chenu. Ambululenu uchela wenu!

Izaya 48:8

Te ngunanyingika ngwami, hi nuli atu aumwenemwene ko mumu matangwa eswe nwakungukatukila. Kashika kunwevwile nichimwe cha yino yeswe, kashika kunwevwile liji nilimwe.

Jeremia 11:20

Mba yinguliumba ngwami: “Mwene Zambi Mukwa Ndundo Jeswe, yena uli ngaji wa ululi; wakweseka manyonga ja atu ni mbunge jo. Hinakunjika milimo yami mu moko je; kashika ngutayize kama ngumone chize muungukala kuli atu wano.”

Jeremia 12:6

Chibwe ayayenu, akwa jiko lia yena mwene, haanakukunjika, haanalishingi kulimika ni yena. Kanda waafuliela, chibwe maahanjika ni yena maliji a kubebieka.”

Jeremia 3:20

Alioze yiubwa ngwe pwo chitanji, kuwabwile ko mukwa kushishika. Yami Mwene Zambi nachamba.”

Jeremia 3:7

Nanyongene ngwami, muze halinga yino yeswe, mahiluka kuli yami, alioze kahilukile ko. Ni mwanakwo Yuda chitanji, neye kamona yize yeswe.

Jeremia 32:16

Muze hinahana mukanda kuli Baruke, yingulemba ngwami:

Jeremia 5:11

Aisraele ni Ayuda haangukwachila mafwefwe, haangulituna liakulu Yami Mwene Zambi nachamba.”

Jeremia 9:2

Nyi nabwile ni kamwe kazuwo mu puya, kachi te munguhichika atu jami, nguye kwekuze. Mumu eswe kaali yihulia, kaali mbunga ya mafwefwe.

Lungungu 1:18

“Mwene Zambi halinga ni ululi mumu yami namukolemene. Yenu mavungu eswe, ngubanjikenu; talenu kama lamba lize nguli nalio. Akweze jami a malunga ni a mapwo haatwala mu undungo.

Ezekiel 18:25

“Alioze yenu nwakwamba ngwenu; ‘Yize akulinga Mwene Zambi yili yibi.’ Ngubanjikenu, yenu Aisraele. Nunanyongo ngwenu, ndako yami yili yibi, nyi? Ndako yibi yili ya yenu.

Daniel 9:14

Aa Mwene Zambi, Zambi yetu, yena walulikile kutumwesa lamba. Wachilingile mumu matangwa eswe wakulinga yize yinalite, alioze yetu kutwakubanjikile ko.

Daniel 9:7

Yena Mwene Zambi, matangwa eswe wakulinga ni ululi, alioze yetu matangwa eswe twakulikokela sonyi. Chenacho twakulinga yetu eswe waze twatwama mu Yuda ni mu Yerusaleme, ni Aisraele eswe waze hiunamwangina mu yifuchi hakamwihi ni kusuku mumu hitunakuvulumuna.

Hosea 6:7

“Muze anjilile mu chifuchi chize naalakenyene, yaashiha Usendo uze nakolesele no ngwe chize alingile Samutu.

Habakuke 1:4

Shimbi hijalela, jili jamokomoko, niumwe keshi kubatula kanawa, ululi kuushiko. Yingulungulu kaakubinjisa akwa ululi, ngaji kaakubatwila ni uhenge.

Zefania 3:5

Alioze Mwene Zambi kali mu limbo ndoo ni musono, kakulinga chize chinalite, keshi kulinga chibi nichimwe. Tangwa ha tangwa chichamene kakubatwila atu jenyi ni ululi. Chibwe chocho yitanganyanyi waze alimo kaakulinga yibi, keeshi kwivwa sonyi.

Malaki 2:17

Hinwahongesa Mwene Zambi ni maliji jenu. Alioze nwakuhula ngwenu: “Ngwe kuchi hitwamuhongesa?” Ngwami muze nwakwamba ngwenu: “Mwene Zambi Mukwa Ndundo Jeswe kakunyonga ngwenyi, yitanganyanyi eswe kaali abema; ni mwene kakwazanga.” Hanji muze nwakuhula ngwenu: “Zambi yoze wakubatula ni ululi kuli ali?”

Malaki 3:15

Twakumona ngwetu, akwa kulizata kaakuwahilila. Yingulungulu kaakuyuka, kaakweseka Zambi ni ungulungulu wo, neye keshi kwamwesa lamba.’ ”

Shimbi 32:4

“Mwene Zambi kali liwe, ndako jenyi jili jingunu ni ja ululi. Zambi yenu kali mukwa kushishika ni wa umwenemwene, kakulinga yuma ya ululi ni yize yinalite.