Jeremia 10:3 - Mukanda Wa Zambi 1970

³ Uwayilo wa atu wano uli wamokomoko. Kaakupakula mutondo wa mu usaki; kaakuusonga ni yuma ya mukwa utotombo,

MUKANDA USANDU WA ZAMBI 1975

³ mumu ndako ja mavungu ja kwonga. Mapakula mutondo wa mu yambu mausonga ni njimbu mu kwoko lia chilangaji.

Jeremia 10:3 Iomraidhean Croise

Miaso (Masamu) 115:4

Mazambi jo a oru ni prata, akulinga ni moko ja atu.

Izaya 45:20

Mwene Zambi kanambe ngwenyi: “Akwa mavungu kungulukenu hamuwika, masalila a ku wanangana uze hiwafwa; tweyenu ku chota chakusopela! Atu waze endangana ni mahamba jo a mitondo, ni kuwayila mazambi waze kaahashile kwalamwina, atu waze kaanyingikine nichimwe!

Jeremia 1:16

Mungukamwesa atu jami lamba mumu haavulumuna; haangwehuka, haalambula milambu kuli mazambi eka, haasonga mahamba ni kwawayila.

Jeremia 10:8

Ayo eswe kaali yelo kanda yihepuke. Yika maahasa kulilongesa ku mahamba ja mitondo?

Jeremia 14:22

Niumwe hakachi ka mazambi ja akwa mavungu mahasa kunokesa vula; chibwe lilu linene kuliahashile kunokesa vula. Aa Mwene Zambi, Zambi yetu, twakusa mbunge kuli yena, mumu yena wika wakulinga yuma yino.

Jeremia 16:19

Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Jeremia 2:5

Kanambe ngwenyi: “Chibi chika tushakulu twenu amwene muli yami? Mba chika chaakatwishile ni kungumba yami nyima? Yaakombelela mahamba amokomoko, mba yaalumuka atu amokomoko.

Alevi 18:30

Mwene Zambi ngwenyi: “Fungenu Shimbi jize ngunanwehe. Kanda nwimbulula atu waze atwama mu che chifuchi, kanda nulipwisa akwa luchisa ha kulinga yuma yino. Yami nguli Mwene Zambi, Zambi yenu.”

Mateu 6:7

“Muze munulemba, kanda nulemba ni maliji anji ngwe chize akulinga waze keeshi kufuliela. Kaakunyonga ngwo, Zambi matwivwa mumu ha kuhanjika chetu chinji.

Yilinga 19:26

Nunamono ni nunevu ngwo, mutu yono, Paulu, hanakununa atu anji. Kakwamba ngwenyi: ‘Mazambi waze akulinga ni moko ja atu, hi mazambi ko.’ Chino kachilingile ko mu Efesu wika, kwasala hakepe ni mu chifuchi cheswe cha Asia nawa.

A-ROMA 1:21

Kaananyingika Zambi, alioze keeshi kumulemesa, keeshi kumuchichimieka ngwe chinalite ni Zambi. Alioze mu manyonga jo haanalumuka yihepuke, mbunge jo kujishi mana, jinalaa bwii.

1 Petulu 1:18

Mumu nunanyingika chize Yesu Kristu anukulile ku ndako yamokomoko yize anuselele tushakulu twenu. Kanukulile ko ni yuma yize yikwete ulemu ha shimbu likepe ngwe prata ni oru.