Jeremia 1:8 - Mukanda Wa Zambi 1970

⁸ Kanda weevwila woma, mumu mungukabwa hamwe ni yena ni kukufunga. Yami Mwene Zambi nachamba!”

MUKANDA USANDU WA ZAMBI 1975

⁸ Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 1:8 Iomraidhean Croise

Kutuhuka 3:12

Zambi ngwenyi: “Mungukabwa hamwe ni yena. Chinyingi chize muchikalweza ngwo, yami nakutuma, chili chino. Muze muukatuhwisa atu wano mu Egiptu, munukeza ni kunguwayila ha mulundu uno.”

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Izaya 51:12

Mwene Zambi kanambe ngwenyi: “Yami nakunutakamisa. Kuchi nwakuvwila woma mutu yoze mafwa ngwe mwambu?

Izaya 51:7

“Ngubanjikenu, yenu nwanyingika yize yinalite, yenu nuli ni longeso liami mu mbunge jenu. Kanda nwivwa woma muze atu maanuchoka ni kunusaula;

Jeremia 1:17

Jeremia, lipupwise; yako wambulule yuma yeswe yize mungukulweza. Kanda wevwila woma haliabwila. Nyi ka, mungukuvwisa woma kuhiana muze muubwa no.

Jeremia 20:11

Yena Mwene Zambi uli hehi ni yami, mukwa tachi ni ndundo; eswe waze akunguhungumiona kumaalimbwoka. Maakevwa sonyi ndoo ku miaka yeswe, mumu keechi kuhasa kukumba. Sonyi jo keechi kajivulama.

Jeremia 30:11

Mungukeza kuli yenu ni kunulamwina. Mungukonwona mavungu eswe kuze nanumwanginyine, alioze yenu chichi kanwonona. Mungukanumwesa lamba, alioze hi linji ko. Yami, Mwene Zambi, nachamba.”

Jeremia 39:11

Alioze mwanangana Nebukanezore yambila Nebuzaradane, mwata wa tujita, ngwenyi:

Jeremia 42:11

Litwaminenu kuvwila mwanangana wa Babilonia woma. Nguli hamwe ni yenu, kumungunulamwina ku moko jenyi.

Daniel 3:17

Nyi maatumbila mu lutengo wa kahia, Zambi yoze twakulingila mahasa kutulamwina. Neye matulamwina ku kwoko lienu, mwanangana.

Daniel 3:25

Mwanangana ngwenyi: “Kuchi mba ngunamono malunga awana anendangana mu kahia? Keeshi kukasa, ni che chinyingi cha kuwema chakuhi. Mutu wa muchiwana kanasoloka ngwe umwe mwana zambi.”

Mateu 10:26

“Kanda nuvwila atu woma. Chize cheswe chaswamanyine, makachisolola; ni chize cha kuhengeka, makachinyingikisa.

Mateu 28:20

ni kwalongesa kwononokena yeswe yize nanuhele Shimbi. Nyingikenu ngwenu, nguli hamwe ni yenu matangwa eswe ndoo ku kumanunuka cha mwaka.”

Yilinga 18:10

mumu yami nguli hamwe ni yena. Niumwe makukwata ni kukulinga chibi, mumu atu anji nguli no mu limbo lino.”

Yilinga 26:17

Mungukupulula kuli Ayuda ni kuli waze hi Ayuda ko. Mungukutuma kuli waze hi Ayuda ko,

Yilinga 4:13

Ha kumona hamu lia Petulu ni Yoano, akwa lutwe yaalishimwoka, mumu te kaananyingika ngwo, kaali atu waze kaajaminyine ha kulilongesa. No yaasa chinyingi ngwo, wano e abwile hamwe ni Yesu.

Yilinga 4:29

Mba haliabwila, Mwene, tala kama kuhalila cho. Ha chino, twehe kama hamu, yetu tuvumbi twe, lia kwambujola nalio liji lie.

Efesu 6:20

Nguli kanganda ka Sango jino Jibema, chibwe nguli mu zuwo lia lamba haliabwila. Kashika lembenu hanga nguhanjike ni hamu ngwe chinalite.

Shimbi 31:6

Takamenu nujikize. Kanda nwivwa woma. Mwene Zambi, Zambi yenu, iye mwene makabwa hamwe ni yenu. Kechi kanuhichika hanji ku numba nyima.”

Shimbi 31:8

Mwene Zambi mwe makakusongwela, makabwa hamwe ni yena. Kechi kakuhichika hanji kukwehuka, kashika kanda ulekumuka kanda wivwa woma.”

Yoshua 1:5

Ha matangwa eswe a mwono we niumwe kechi kuhasa ku kukumba. Mungubwa hamwe ni yena ngwe chize nabwile hamwe ni Mose. Chichi kakuhichika hanji kukwehuka nichimwe.

Yoshua 1:9

Chakwambile cho, nyi? Takama, hamuka. Kanda wivwa woma, kanda ulekumuka, mumu yami Mwene Zambi, Zambi ye, nguli ne kweswako mwoya.”