Jeremia 1:7 - Mukanda Wa Zambi 1970

⁷ Alioze Mwene Zambi yamwamba ngwenyi: “Kanda wamba ngwe, nguchili mukweze, alioze yako kuli atu waze ngunakutumu, waalweze yuma yeswe yize mungukulweza.

MUKANDA USANDU WA ZAMBI 1975

⁷ Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 1:7 Iomraidhean Croise

1 Yitanga Ya Mianangana 22:14

Alioze Mikaya ngwenyi: “Ni mwe Mwene Zambi, cheswacho mangulweza munguchihanjika!”

1 Yitanga Ya Mianangana 3:7

Haliabwila yena Mwene Zambi, Zambi yami, hiwangupwisa mukwa kumulinga, chibwe nguchili kanuke ni Chanyingikine kuyula.

2 Sango Ja Mianangana 18:13

Alioze Mikaya ngwenyi: “Ni mwe Mwene Zambi, cheswacho mangulweza che munguhanjika!”

Kutuhuka 6:29

yamwamba ngwenyi: “Nguli Mwene Zambi. Yako ulweze mwanangana wa Egiptu yeswe yize ngunakwambe.”

Jeremia 26:2

Mwene Zambi yangwamba ngwenyi: “Mana mu yiize ya zuwo lia Zambi, wambujole yeswe yize hinakwamba kulweza atu waze aneza ku membo ja Ayuda ni kuwayila ko. Kanda uhichika liji nilimwe.

Jeremia 43:1

Yingumanununa kuhanjika yuma yeswe kuli atu yize Mwene Zambi angutumine kwalweza.

Jeremia 7:27

“Kashika, yena Jeremia, muuhanjika maliji wano eswe kuli atu jami, alioze keechi kukubanjika; muwaatambika, alioze keechi kukumbulula.

Ezekiel 2:7

Muwaalweza yeswayo mungwamba, chibwe meevwa chibwe kaasolo kwivwa. Kanda uvulama kaali yihulia.

Ezekiel 3:27

Alioze muze munguhanjika nawa ni yena, mungukakwaha tachi jakuhanjika, muukaalweza chize yami Mwene Zambi ngunambe. Amwe a kuli ayo kumaakabanjika, alioze akwo kumaakakulelesa, mumu kaali vungu lia yihulia.”

Amose 7:15

Alioze Mwene Zambi hanguchiza ku milimo ya kufunga yimuna, hangwamba ngwenyi: ‘Yako Ulongese maliji jami kuli atu jami Aisraele.’

Yona 3:2

yamwamba ngwenyi: “Yako ku Ninive, limbo linene, wambujole kuli atu liji lize ngunakulweze.”

Kwalula 22:20

Ha ufuku Zambi yeza kuli Balame yamwamba ngwenyi: “Atu wano nyi heeza ni kukusaka hanga uye no, alioze Ulinga lume chize mungukulweza.”

Kwalula 22:38

Balame ngwenyi: “Mba chejile, nyi? Alioze haliabwila, chiyulo chika nguli nacho? Munguhanjika lume chize Zambi mangulweza.”

Mateu 28:20

ni kwalongesa kwononokena yeswe yize nanuhele Shimbi. Nyingikenu ngwenu, nguli hamwe ni yenu matangwa eswe ndoo ku kumanunuka cha mwaka.”

Yilinga 20:27

Mumu chalitunyine kunwambulwila upale weswe wa Zambi.