Jeremia 1:5 - Mukanda Wa Zambi 1970

⁵ “Nakutongwele shimbu te kanda uchisemuka, muze te kanda uchisemuka nakuselele kubwa mukwa munanyi kuli mavungu.”

MUKANDA USANDU WA ZAMBI 1975

⁵ Shimbu kanda nguchikuwumba mu jimo nakunyingikine; shimbu kanda uchisemuka nakutumbikilile; nakuselele ukapwe profeta ku mavungu.

Jeremia 1:5 Iomraidhean Croise

Miaso (Masamu) 139:15

Muze yifwaha yami yalisokekele mu jimo lia mama, muze natatukile ku tenga, yena te Unanyingika ngwe, yami kwe nguli.

Miaso (Masamu) 139:16

Yena wangumwene muze te kanda nguchisemuka. Matangwa waze wanguselele akutwama ni mwono, chibwe te kanda achibutuka, hindu te kaali mu mukanda we.

Kutuhuka 33:12

Mose yambila Mwene Zambi ngwenyi: “Chamwenemwene, wangulwezele ha kutwala atu wano ku chifuchi chize, alioze kuwangulwezele yoze maya ni yami. Yiungwamba ngwe: ‘Ngunakunyingika kanawa, ngunawahilila ni yena.’

Kutuhuka 33:17

Mwene Zambi ngwenyi: “Mungulinga ngwe chize hiwamba, mumu ngunakunyingika kanawa, ni ngunawahilila ni yena.”

Izaya 44:2

Yami nguli Zambi yoze wakutangile; nakukwashile chize ku kusemuka che. Kanda wivwa woma; yena uli kavumbi kami yoze natongwele, nakukuzanga.

Izaya 49:1

Ngubanjikenu yenu mavungu, yenu waze nwatwama kusuku! Muze te kanda nguchisemuka, Mwene Zambi te hanangutambika, yangutongola kubwa kavumbi kenyi.

Izaya 49:5

Muze te kanda nguchisemuka, Mwene Zambi te hanangutambika; yangupwisa kavumbi kenyi hanga nguhilwise atu jenyi, nguhilwise mbunga ya Aisraele waze haanamwangashana. Mwene Zambi hanangulemesa; kali chishina cha tachi jami.

Jeremia 1:10

Musono ngunakwehe chiyulo hali mavungu ni ha mawanangana ha kwavumbula ni kwatukula, ni kwonona ni kwenyeka, ni kwatumba ni kwatunga.”

Jeremia 1:4

Mwene Zambi yangwamba ngwenyi:

Jeremia 20:15

Shinga yoze wevwishile tata kuwaha muze ayile ni kumulweza ngwenyi: “Pwo lie hasema mwana wa lunga!”

Jeremia 25:13

Mungukabinjisa Ababilonia ni lamba heswe lize nahalile kumwesa nalio mavungu akwo muze nahanjikile kuli Jeremia, lamba heswe lize linasonewa mu mukanda uno.

Jeremia 36:2

“Anda chivungo cha mukanda, usoneke ho yuma yeswe yize hinakulweza hakutwala kuli Aisraele ni Ayuda, ni mavungu akwo eswe. Soneka yuma yeswe yize hinakulweza chize ku tangwa litangu lize nabutukile kuhanjika kuli yena, muze Josia abwile mwanangana, ndoo ni musono.

Jeremia 50:34

Alioze yoze makaakula kali ni tachi kuhiana, jina lienyi Mwene Zambi Mukwa Ndundo Jeswe. Mwenawo mabatula milonga yo ni kuneha uhwimino hashi, alioze makamwesa Ababilonia lamba.”

Luka 1:15

Mumu makabwa mutu munene ku meso ja Mwene Zambi. Kechi kanwa vinyu, chibwe Chuma chikwo cha kuzengewesa mutu. Makazala ni Mwiku wa Linanga chize ku jimo lia naye.

Luka 1:41

Ha shimbu lize Isabele (Elisabete) hevwa kumeneka cha Maria, mwana kemba yatumbuka mu jimo. Isabele (Elisabete) yazala ni Mwiku wa Linanga,

Luka 1:76

“Ni yena, mwanami, maakakuvuluka ngwo, mukwa munanyi wa Zambi Mwilu Mwahiana. Muukatetekela kulutwe lia Mwene. Muukumululikila jila yenyi,

Yoano 10:36

Alioze yami, Tata wanguhele kubwa munangi, Tata wangutumine hano hashi. Ngwe kuchi munuhasa kwamba ngwenu, nakushililika Zambi? Mumu nambile ngwami: ‘Nguli Mwana Zambi,’ nyi?

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

A-ROMA 8:29

Mumu waze Zambi hanaatongola kulu, hanaabatwila kwapwisa nikulifwa cha Mwanenyi, hanga Mwanenyi akabwe mutangu wa ana akwo anji.

1 Korintu 8:3

Alioze yoze wakuzanga Zambi, Zambi neye kakumunyingika.

Efesu 1:22

Zambi wazeyesele yuma yeswe kushi lia molu ja Kristu, yamuhana ku Chikungulwila ni kumunangika helu lia yuma yeswe.