Jeremia 1:2 - Mukanda Wa Zambi 1970

² Ha mwaka kumi ni wa muchitatu wa kuyula cha Josia mwana wa Amone, mwanangana wa Ayuda, Mwene Zambi yahanjika ni mukwa munanyi Jeremia.

MUKANDA USANDU WA ZAMBI 1975

² Liji lia Yehova liejile kuli iye ha matangwa a Josia mwana Amone, mwanangana wa Yundu, mu mwaka kumi ni wamuchitatu wa kuyula chenyi.

Jeremia 1:2 Iomraidhean Croise

1 Yitanga Ya Mianangana 13:2

Yahanjika maliji wano ambile Mwene Zambi hakutwala ku che chilumbilo ngwenyi: “Chilumbilo, chilumbilo, banjika maliji waze anambe Mwene Zambi. Ngwenyi: ‘Umwe mwana wa lunga makasemuka ku vungu lia David; maakamuvuluka ngwo: Josia. Mwenawo makalambula hali yena mahako wano akulambula milambu ha yilumbilo ya mazambi eka. Kumaakochela yifwaha ya atu hali yena.’ ”

1 Yitanga Ya Mianangana 13:20

Shimbu lize te ali ku mesa, Mwene Zambi yashinjika mukwa munanyi yoze wa ku Betele kuhanjika.

1 MIANANGANA 21:18

Manase yafwa, yaamufunda mu munda wa mwanangana, te munda wa Uza. Mwanenyi Amone yamuhinga.

1 MIANANGANA 21:24

Ayuda yaashiha waze ashihile Amone, mba yaapwisa mwanenyi Josia mwanangana.

1 MIANANGANA 22:3

Ha mwaka kumi ni wa muchinake wa kuyula chenyi, Josia yatuma mukwa kusoneka Shafane mwana wa Azalia, mujikulu wa Meshulame, ku zuwo lia Zambi ni maliji wano ngwenyi:

Jeremia 1:11

Mwene Zambi yanguhula ngwenyi: “Jeremia yika unamono?” Yingukumbulula ngwami: “Ngunamono mutango wa mukesha.”

Jeremia 1:4

Mwene Zambi yangwamba ngwenyi:

Jeremia 25:3

“Ha miaka makumi aali ni yitatu, chize ku mwaka kumi ni wa muchitatu wa kuyula cha mwanangana wa Yuda Josia, mwana wa Amone, ndoo ni musono, Mwene Zambi hanahanjika kuli yami, chaliwile ko kunulweza yize ambile. Alioze yenu kunwasele ko mbunge.

Jeremia 28:12

Muze amwe matangwa haabalika Mwene Zambi yangwamba

Jeremia 3:6

Muze Josia abwile mwanangana, Mwene Zambi yanguhula ngwenyi: “Wamona chize alinga Israele, pwo yoze chitanji? Hangwehuka, halinga utanji ha milundu yeswe ni mushi lia mitondo yeswe ya wisu.

Jeremia 36:2

“Anda chivungo cha mukanda, usoneke ho yuma yeswe yize hinakulweza hakutwala kuli Aisraele ni Ayuda, ni mavungu akwo eswe. Soneka yuma yeswe yize hinakulweza chize ku tangwa litangu lize nabutukile kuhanjika kuli yena, muze Josia abwile mwanangana, ndoo ni musono.

Hosea 1:1

Mukanda uno unalumbununa maliji waze Mwene Zambi ahele Hosea mwana wa Beri ha matangwa ja Uzia, ni Jotame, ni Ahaze, ni Hezekia mianangana ja Yuda, ni Jeroboame mwana wa Jehoashe mwanangana wa Israele.

Joele 1:1

Mukanda uno unalumbununa maliji waze ahanjikile Mwene Zambi kuli Joele mwana wa Petuele.

Yona 1:1

Limwe tangwa Mwene Zambi yahanjika kuli Yona mwana wa Amitai.

Mika 1:1

Ha matangwa ja Jotame, ni Ahaze, ni Hezekia mianangana ja Yuda, Mwene Zambi yalweza maliji wano kuli Mika, wa ku limbo lia Moreshete. Yamulweza Usolwelo wa yuma yino yeswe hakutwala ku membo ja Samaria ni Yerusaleme.

Zefania 1:1

Maliji wano Mwene Zambi walwezele mukwa munanyi Zefania ha matangwa ja mwanangana Josia wa Yuda, mwana wa Amone. (Zefania te kali wa ku vungu lia mwanangana Hezekia, yikusula Amaria, ni Gedaliya, ni Kushi.)