Jeremia 1:16 - Mukanda Wa Zambi 1970

¹⁶ Mungukamwesa atu jami lamba mumu haavulumuna; haangwehuka, haalambula milambu kuli mazambi eka, haasonga mahamba ni kwawayila.

MUKANDA USANDU WA ZAMBI 1975

¹⁶ Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 1:16 Iomraidhean Croise

1 MIANANGANA 22:17

mumu haanangulituna ni haanalambula milambu kuli mazambi eka, haanangwihi hanga ngutenuke ku yeswe yize haanalingi. Ngunevwila akwa Yerusaleme ufwatulo uze kuushi kuhwa.

2 Sango Ja Mianangana 15:2

Neye yaya ni kutakana mwanangana Asa. Yakololoka ngwenyi: “Banjikenu kuli yami, mwanangana Asa, ni yenu eswe Ayuda ni Abenjamine! Mwene Zambi mabwa hamwe ni yenu nyi yenu munubwa hamwe nenyi. Nyi munumufupa munumuwana. Alioze nyi nwamumba nyima, neye kumanwehuka.

2 Sango Ja Mianangana 28:2

Yembulula ndako ja mianangana ja Israele. Yafula tuponya twa utale twa zambi weka Bale,

2 Sango Ja Mianangana 34:25

mumu haanangulitunu yami ni haanalambula milambu kuli mazambi eka, haanangwihi ku yeswe yize haanalingi. Ngunevwila akwa Yerusaleme ufwatulo uze kuuchi kahwa.

2 Sango Ja Mianangana 7:19

Alioze nyi yena hanji atu je munukolema Shimbi ni yiyulo yize hinawaha, ni kuwayila mazambi eka,

Izaya 2:8

Chifuchi cho hichazala ni mahamba, kaakuwayila yitanga ya moko jo.

Izaya 37:19

hanocho mazambi jo waze te hi mazambi ko, shina lume mahamba a mitondo ni mawe a kusonga ni moko ja atu.

Izaya 44:15

Mutu kakwanda Chipinji cha mutondo ni kuchisa ha jiko, Chipinji chikwo machisonga hamba. Chipinji chitangu machisa ha jiko atenge kunyi hanga ote ni kwocha ho mbolo; Chipinji chikwo machipwisa zambi hanga amuwayile.

Izaya 65:3

Te kaakungusosomba ni kunguvwila wuli. Kaakulambula milambu yo mu minda ya chijila ni kwocha yitumbo ya vumba libema ha yilumbilo ya mazambi a tundaka.

Jeremia 10:15

Kaali amokomoko, chatamba kwalelesa; muze Mwene Zambi makeza ni kubatwila atu, mahamba kumaakakuwa.

Jeremia 10:3

Uwayilo wa atu wano uli wamokomoko. Kaakupakula mutondo wa mu usaki; kaakuusonga ni yuma ya mukwa utotombo,

Jeremia 11:12

Mba Ayuda ni akwa Yerusaleme maaya kuli mazambi waze, kuze akulambula milambu ni kuteta hanga aakwase. Alioze mazambi waze keechi kahasa kwalamwina nichimwe ku kwononona chize muchikeza.

Jeremia 11:17

“Yami Mwene Zambi Mukwa Ndundo Jeswe, natumbile Aisraele ni Ayuda; alioze haliabwila mungwamwesa lamba. Haanalikokela lio ayo ene mumu ha chibi chize haanalingi; haananguvwisa ufwatulo ha kulambula Bale milambu.”

Jeremia 15:6

Yenu hinunangwehuka; hinunangumbu nyima. Ni yami hingunolola kwoko liami nikunufwenya mumu hijinanguhu kunukonekena.

Jeremia 16:11

Mba muwakumbulula ngwe, Mwene Zambi kanambe ngwenyi: ‘Tushakulu twenu angumbile nyima, yaakombelela mahamba ni kwalingila, yaangwehuka ni kulituna longeso liami.

Jeremia 17:13

Mwene Zambi yena uli yoze Aisraele asa mbunge. Eswe waze akukwehuka kumeevwa sonyi. Kumaakatoka ngwe majina waze haanasoneka mu fufuta, mumu haanangwehuka, Yena Mwene Zambi, shima lia meya akekema.

Jeremia 18:15

Alioze atu jami haananguvulama; kaakwochela yitumbo ya vumba libema ku mahamba. Haanatalinga mu jila yize chaatamba kuya. Keeshi kwenda nawa mu majila akulu; alioze kaakwenda mu majila ja ayo ene mu milambo.

Jeremia 19:4

Munguchilinga mumu atu haangwehuka ni haanabihisa homa hano ni kulambula mulambu kuli mazambi eka; mazambi waze te kaanyingikine ko, chibwe ayo, chibwe tushakulu two, chibwe mianangana ja Ayuda. Haanazalisa homa hano ni manyinga ja atu waze keeshi mulonga,

Jeremia 2:13

Mumu atu jami haavulumuna milonga yaali: haangwehuka yami shima lia meya akekema; haalifulila mashima, mashima waze ali ni miaji, kumwahashile kubwa meya.

Jeremia 2:17

Israele, yena mwene walikokela yino yeswe! Wangwehuka yami, Mwene Zambi, Zambi ye, muze nakusongwelele mu jila.

Jeremia 2:19

Muukamona lamba mumu ha ungulungulu we, muukalihiza ha kungwehuka. Alioze muukanyingika ngwe, chili chibi chahiana kungwehuka yami, Mwene Zambi, Zambi ye, kungulemesa nawa ka. Yami Mwene Zambi Mukwa Ndundo Jeswe nachamba.”

Jeremia 2:28

“Mazambi jenu waze nwalisongelele yenwene, kuli ali? Muze munubwa mu lamba, hianukwase, nyi kumaahasa! Yuda yenu nuli ni mazambi anji ngwe membo jenu.

Jeremia 4:12

Fuji yize yinakatuka kuli Mwene Zambi muyikabwa ya tachi kuhiana! Mwene Zambi iye mwene makabatwila atu jenyi.

Jeremia 4:28

Hashi muhanenganyana; lilu mulikalaa bwii. Mwene Zambi hanambe; kechi kalumuna manyonga jenyi. Hanabatula, kechi kwalumuna.

Jeremia 44:17

Mutulinga yeswayo tunazange. Mutulambula milambu kuli zambi yetu, mwanangana wa pwo wa kwilu, mutumuzujila milambu ya vinyu, ngwe chize twalingile yetu ni tushakulu twetu, ni mwanangana wetu ni miata jetu, mu membo ja Yuda ni mu majila ja Yerusaleme. Ha matangwa aze yitubwa ni yakulia yinji, yituyuka kuhiana, kutwamwene ko lamba.

Jeremia 5:29

“Alioze yami Mwene Zambi, mungukaamwesa lamba mumu ha yuma yino; mungukaakala kuli vungu lino.

Jeremia 5:9

Ngwe kuchi mungwecha kwamwesa lamba ha yuma yino ni kukala milonga yibwahaha ya vungu lino?

Jeremia 51:17

Ha kumona yuma yino, atu kaakunyonga ngwo, tuli yelo ni yihepuke; waze akulinga mahamba kaakwivwa sonyi, mumu mazambi waze akulinga kaali amokomoko, keeshi mwono.

Jeremia 7:17

Yena kusolo kumona yize akulinga mu membo ja Ayuda ni mu majila a mu Yerusaleme, nyi?

Jeremia 7:18

Ana kaakuchaya kunyi, makulwana kaakuwika kahia, ni mapwo kaakuchaka wunga wa kulinga mbolo ya zambi wa pwo yoze akuvuluka ngwo, Mwanangana wa Kwilu. Kaakuzujila nawa milambu kuli mazambi eka, ni kunguvwisa chinyengo.

Jeremia 7:9

Nwakwiya, nwakushiha, nwakulinga utanji, nwakulishinga ni mahuza, nwakulambula milambu kuli hamba Bale, nwakuwayila mazambi waze te kunwanyingikine.

Ezekiel 16:18

Yiwanda mahina a uhenya waze nakuhele, yiwajika tuponya, yiwalambula maji a olive ni yuma ya vumba libema yize nakuhele.

Ezekiel 24:14

Yami Mwene Zambi nachamba. Tangwa hilineza nguchilinge. Chichi kulelesa milonga ye, chibwe kukuvwila keke hanji vumbi. Mungukumwesa lamba mumu ha yize hiunalingi.” Mwene Zambi wachamba.

Hosea 11:2

Cheswe nalikolezele kumutambika, neye Chenacho angumbile nyima kuhiana. Atu jami yaalambula Bale yitapo, yoochela yitumbo ya vumba libema ku mahamba.

Hosea 8:6

Umwe Kaisraele mukwa utotombo yafula hamba yoze. Hamba yoze hi zambi ko! Kuji a ngombe wa oru yoze akuwayila mu limbo lia Samaria maakamubalwola!

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Yilinga 7:41

Ha matangwa waze yaalinga hamba ni kulifwa cha mwana ngombe, yaamulambula milambu, yaawahilila ni chitanga cha moko jo.

Shimbi 28:20

“Nyi ngwe nwalinga chibi ni kwehuka Mwene Zambi, makanutumina misongo, ni kubinda, ni lamba mu yeswe yize munukalinga, ndoo makanunongesa liakulu.

Shimbi 31:16

Mwene Zambi yambila Mose ngwenyi: “Kwasala hakepe ufwe. Muze hiwafwa atu wano kumaakashiha Usendo uze nakolesele no. Kumaakangwehuka ni kuwayila mazambi ja mavungu a mu chifuchi chize anambe kunjila.

Usolwelo 9:20

Masalila waze eswe, waze kaafwile ko mu lamba lize, kaambilile ko mahamba waze asongele ni moko jo. Keehukile kuwayila mwiku wa luchisa, ni mahamba ja oru, ni prata, ni unengu, ni mawe, ni mitondo, mahamba waze keeshi kumona, keeshi kwivwa, keeshi kwenda.