Jeremia 1:10 - Mukanda Wa Zambi 1970

¹⁰ Musono ngunakwehe chiyulo hali mavungu ni ha mawanangana ha kwavumbula ni kwatukula, ni kwonona ni kwenyeka, ni kwatumba ni kwatunga.”

MUKANDA USANDU WA ZAMBI 1975

¹⁰ Tangwa lino hinakusa helu lia mavungu ni mawanangana, ukatukule, ukapuzule, ukonwone, ukanungune, ukatunge, ukatumbe.

Jeremia 1:10 Iomraidhean Croise

1 Yitanga Ya Mianangana 17:1

Eliya, umwe mukwa munanyi wa Zambi wa ku Tishbe, mu chifuchi cha Gileade, yambila mwanangana Ahabe ngwenyi: “Ni mwe Zambi ya Aisraele, yoze nakulingila, ngunakwambulwila ngwami, miaka muyiza ho kukuchi kabwa vula chibwe mume, shina nyi nachamba.”

1 Yitanga Ya Mianangana 19:17

Mutu yoze makachina Hazaele, mushiha kuli Jehu, yoze makachina Jehu, makamushiha kuli Elisha.

Longeshi 3:3

tangwa lia kushiha ni tangwa lia kuwuka, tangwa lia kubuzula ni tangwa lia kutunga.

Jeremia 1:5

“Nakutongwele shimbu te kanda uchisemuka, muze te kanda uchisemuka nakuselele kubwa mukwa munanyi kuli mavungu.”

Jeremia 24:6

Mungwafunga ni kwahilwisa mu chifuchi chino. Mungwatungisa ngwe zuwo, chichi kwalimbwisa nawa. Mungwatumba ngwe mbuto, chichi kwachiza nawa.

Jeremia 25:13

Mungukabinjisa Ababilonia ni lamba heswe lize nahalile kumwesa nalio mavungu akwo muze nahanjikile kuli Jeremia, lamba heswe lize linasonewa mu mukanda uno.

Jeremia 31:28

Ngwe chize naahumine, naamwesene lamba, noonwene, Chenacho nawa mungukahilwisa ni kwatakamisa.

Jeremia 31:40

Chikulo cheswe kuze akufunda afu ni kumbila ko yiswaswa, ni minda yeswe ya ku tunda ya chitwetwe cha Kidrone ndoo ni ku chikolo cha Kavwalu ku chivumbuko, muchikabwa cha chijila. Limbo kechi kalibuzula nawa hanji kulionona.”

Jeremia 36:2

“Anda chivungo cha mukanda, usoneke ho yuma yeswe yize hinakulweza hakutwala kuli Aisraele ni Ayuda, ni mavungu akwo eswe. Soneka yuma yeswe yize hinakulweza chize ku tangwa litangu lize nabutukile kuhanjika kuli yena, muze Josia abwile mwanangana, ndoo ni musono.

Jeremia 44:27

Mungukalinga chimwe Chuma hanga nukayindame. Yenu eswe kumunukafwa, chibwe mu jita hanji ni musongo, ndoo niumwe kechi kasala.

Jeremia 45:4

“Alioze yami, Mwene Zambi, ngunabuzula yize hingunatungu. Munguchilinga hashi heswe.

Ezekiel 21:19

“Mwana mutu, funjika majila aali muze mwanangana wa ku Babilonia mahasa kwiza ni mukwale wenyi. Eswe aali kaanabutukila ku chifuchi chimuwika. Usa yinyingi kuze ha makano ja majila.

Ezekiel 23:36

Mwene Zambi yangwamba ngwenyi: “Mwana mutu, unalulika kubatwila Ohola ni Oholiba, nyi? Nyi Chenacho, alweze yuma ya kuzelwokesa yize haanalingi.

Ezekiel 32:18

“Mwana mutu, lila mbimbi mumu hali atu anji a mu Egiptu. Atume hamwe ni mavungu akwo akwa tachi muma lia afu.

Ezekiel 36:36

Mba mavungu waze asulangana no, waze haasala, maakanyingika ngwo, yami Mwene Zambi nakutungulula membo, nakulimununa minda yize yabwile yahululu. Yami Mwene Zambi, nachilakenyene, mungukachilinga.”

Ezekiel 43:3

Usolwelo uno te unalifu ni uze namwene muze Zambi ejile ni kwenyeka Yerusaleme, ni uze namwene ku mbumbulu ya lwiji Chebare. Mba yingufulamana hashi.

Hosea 6:5

Kashika hingunanutumina akwa munanyi ni maliji jami a ubatwilo ni a kwonona. Chize ngunazange Chinasoloka mwazu ngwe pangu.

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Amose 9:11

Mwene Zambi kanambe ngwenyi: “Tangwa mulikeza muze mungukahilwisa wanangana wa David, uze uli ngwe zuwo lize habuzuka. Mungukalulika mambango jalio ni kujibemesa. Wanangana uze mungukaubemesa ni kuupwisa ngwe hatangu.

Zakaria 1:6

Nahanyine Shimbi jami ni maliji a kukanyamisa kuli tuvumbi twami akwa munanyi aalweze tushakulu twenu. Alioze yaalelesa, kashika yaamona lamba. Hohene yaalumuka ku mbunge, yaatayiza ngwo, yami Mwene Zambi Mukwa Ndundo Jeswe naamwesene lamba nikulita ni yitanga yo, ngwe chize nabatwile kulu.”